Eranchchaa Maxaafaa 3:4 - Wolaytta Bible

⁴ Yeekkanau wodee de7ees; miiccanaukka wodee de7ees. Kayyottanau wodee de7ees; qassi ufaittidi yexxanaukka wodee de7ees.

Eranchchaa Maxaafaa 3:4 Iomraidhean Croise

Doomettaabaa 21:6

Saara, “Xoossai taayyo miichchaa immiis; qassi hagaa siyiya ubbai tanaara miiccana” yaagaasu.

Sameela Maxaafaa Naa77anttuwaa 6:16

GODAA Taabootai Daawita Katamaa geliyo wode, Saa7oola na7iyaa Miikaala maskkootiyaara xeellada, Kawoi Daawiti GODAA sinttan guppishiininne durishin be7aasu; be7ada Daawita ba wozanan karaasu.

Mazamure Maxaafaa 30:11

Ta yeehuwaa yettau laammadasa. Kayyo maayuwaa taappe qaarada, ufaissaa tana maizzadasa.

Mazamure Maxaafaa 30:5

A hanqqoi guutta wodiyaassa, shin a kehatettai de7o laitta ubbaassa. Qammi yeekiiddi aqikko, maalladoi ufaissa gidees.

Kessaabaa 15:20

Aaroona michchiyaa, hananabaa yootiya Miiriyaama karaabiyaa ekkaasu; maccaasai ubbai karaabiyaa baqqiiddinne yexxiiddi o kaallidosona.

Eranchchaa Maxaafaa 3:5

SHuchchaa laalanau wodee de7ees; shuchchaa shiishshanaukka wodee de7ees. Qoomettanau wodee de7ees; qassi shaahettanaukka wodee de7ees.

Eranchchaa Maxaafaa 7:14

Neeyyo ubbabai giigido wodiyan ufaitta; qassi metoi gakkiyo wodiyankka akeeka; aissi giikko, ufaissa gidin, meto gidin, Xoossai yeddiyo wodiyan yees. SHin augee kasetidi yaanaakko, neeni erakka.

Isiyaasa 40:1

Intte Xoossai hagaadan yaagees; “Ta asaa minttettite! Minttettite!

Isiyaasa 40:2

Yerusalaamessikka, a omooduwan de7ido wodee polettidoogaa, i nagarai atto geetettidoogaa yootite; i nagaraa gishshau, GODAI o naa77u dakko qaxxayidoogaa yootite” yaagees.

Maatiyoosa 11:17

‘Nuuni intteyyo cachcha zayiyaa punnida; shin duribeekketa; yeeho yettaakka kessida; shin yeekkibeekketa’ yaagoosona.

Maatiyoosa 9:15

Yesuusi eta hagaadan yaagiis; “Bullachchaa yiida asati machchiyo ekkiyaagee banttanaara de7ishin, kayyottanau danddayiyoonaa? Danddayokkona; shin machchiyo ekkiyaagaa eta matappe efaana wodee yaana; eti he wode xoomana.

Luqaasa 1:58

I shoorotinne i dabboti Godai maarotettan iyyo oottido lo77obaa siyidi, iira ufaittidosona.

Roome 12:15

Ufaittiyaageetuura ufaittite; yeekkiyaageetuurakka yeekkite;

Naa77antto Qoronttoosa 7:10

Aissi giikko, Xoossai koyiyo azzanoi atotettaakko gattiya nagaraappe simuwaa ehees; hegeekka zil77etti bainnaagaa; shin sa7aa azzanoi haiquwaa ehees.

Yaaqooba 4:9

Tuggatite; kayottitenne yeekkite. Intte miichchaa yeehuwau laammite; intte ufaissaakka kayyuwau laammite.