Eranchchaa Maxaafaa 2:5 - Wolaytta Bible

⁵ Dumma dumma ataakilttiyaanne aifiyaa aifiya mittata tokkiyo sohuwaanne asai shemppiyo sohuwaa gannatiyaadan loittada giigissaas. He sohuwan dumma dumma aifiyaa aifiya mittatakka tokkada, dichchaas.

Eranchchaa Maxaafaa 2:5 Iomraidhean Croise

Nahimiyaa Maxaafaa 2:8

Qassi Beeta Maqidasiyaa qatuwaa penggiyaa giigissanau, katamaa gimbbe dirssaa diranaunne taani de7iyo keettaa keexxanau taayyo mittaa immana mala, kawuwaa woraa naagiya Asaafassikka dabddaabbee xaafetto” yaagaas. Yaagin, Xoossaa lo77o kushee tanaara de7iyo gishshau, kawoi taani oichchidobaa ubbaa immiis.

Siiquwaa Sabaa 4:12

Ta siiqo michcho gidiya ta mishiriyaa yuushoi direttidi naagettiyo ataakilttiyaa sohuwaa mala. Yuushoi gimbbettido pulttuwaa, maatafai attamettida goggiya haattaa mala.

Siiquwaa Sabaa 4:13

Ne ataakilttetu giddon: roomaanee, doorettida ataakilttiyaa aifeti, heenainne narddoosiyaa giyoogeeti de7oosona.

Siiquwaa Sabaa 4:16

“Huuphessa bagga carkkuwau, dendda! Tohossa bagga carkkuwau, haa ya! Ta ataakilttiyaa bolli carkka! A sawoi hegan tonggu go. Ta siiqoi ba ataakilttiyaa giddo yo. Daro mal77iya teerata mo” yaagaasu.

Siiquwaa Sabaa 5:1

“Ta siiqo michchiyo gidiya ta mishiree, be7a; taani ta ataakilttiyaa giddo gelaas. Ta karbbiyaanne ta shitto ciishshaa qorais. Eessaa oittaa yolttayada mais. Ta woiniyaa eessaanne ta maattaa uyais” yaagiis. “Inttenoo, a laggetoo, siiquwaa alana gakkanaashin uyite” yaagidosona.

Siiquwaa Sabaa 6:2

“Ta siiqoi dorssaa wudiyaa heemmanaunne lo77iya ciishshaa shiishshanau, shittuwaa sawo maatai de7iyo ataakilttiyaa giddo wodhdhiis.

Ermmaasa 39:4

Yihudaa Kawoi Sedeqiyaasinne a olanchchati ubbai Baabiloone olanchchata be7ido wode, qamman katamaappe kiyidi, kawuwaa ataakilttiyaa sohuwaa efiya ogiyaa oiqqidi, naa77u dirssaa gimbbeta issippe gattiya penggiyaara baqatidosona. Eti Yorddaanoosa Dilbbaakko simmidi biidosona.