Eranchchaa Maxaafaa 12:11 - Wolaytta Bible

¹¹ Eranchchatu qaalai henttanchchai wudiyaa laaggiyo xeeraa lee7e gatimaa mala. Qassi issippe shiishshido leemisotikka gomppaa gakkidi geliya misimaaretu mala.

Eranchchaa Maxaafaa 12:11 Iomraidhean Croise

Doomettaabaa 49:24

A wonddafee minni uttiis; a qeseekka minnidi gam77iis. Hegeenne Yaaqooba Wolqqaamaa kushiyaa gaasuwaana, ne henttanchchaa, Israa7eela Zaallaa gaasuwaana,

Izira Maxaafaa 9:8

“SHin ha77i nuuyyo guutta maarotettaa wodee imettiis; aissi giikko, GODAI nu Xoossai nuuppe amarida zerettati attana mala oottiis; ha geeshsha sohuwan i nuna sarotettan wottiis. Nu Xoossai nu aifiyaa dooyiis; qassi nu ailletettaappekka nuuyyo ooratta de7uwaa immiis.

Mazamure Maxaafaa 23:1

GODAI ta henttanchchaa; taayyo aibinne paccenna.

Mazamure Maxaafaa 80:1

Abeet Israa7eela henttanchchau, Yooseefa asaa wudiyaadan kaalettiyaagoo, neeni nuuyyo siya. Kiruubeta giyo kiitanchchatuppe bollaara de7iya araatan uttidaagoo, Efireema, Biniyaamanne Minaase sinttan qoncca. Ne wolqqaa denttada nuna ashshanau haaya.

Leemiso Maxaafaa 1:6

Hegaadan leemisotanne eta birshshettaa, aadhdhida eranchchatu haasayaanne eta qan77isheta akeekanau danddayettees.

Leemiso Maxaafaa 10:21

Xillo uraa haasayai daro asaa go77ees; shin eeyyati bantta wozanaa pacan haiqqoosona.

Leemiso Maxaafaa 22:17

Ne haittaa haa yeggada, aadhdhida eranchchai odiyoobaa siya; ne wozanaakka ta eraakko zaara.

Eranchchaa Maxaafaa 10:12

Aadhdhida eranchchaa haasayai ayyo bonchchuwaa imissees; shin eeyyai ba doonaappe kiyida qaalan i bau metuwan gelees.

Eranchchaa Maxaafaa 7:5

Eeyyati sabbidi yexxiyo yettaa siyiyoogaappe, aadhdhida eranchcha asi seeriyo seeraa ezggiyoogee lo77o.

Isiyaasa 22:23

Taani a ammanttiya sohuwan xishedan xishana; i ba aawaa keettaassi bonchcho kawotaa araata gidana.

Isiyaasa 40:11

I ba wudiyaa henttanchchaadan mizees; ba dorssa maratakka ba qesiyan shiishshidi, ba kiyuwan idimmana. Xanttiyaageetakka loddaara kaalettana.

Ermmaasa 23:29

Ta qaalai tama mala gidennee? Zaallaa mentterettiya madooshaa mala gidennee?” yaagees.

Hizqqeela 34:23

Taani eta bollan issi henttanchchaa, ta ashkkaraa Daawita sunttana; i eta heemmananne etau henttanchcha gidana.

Maatiyoosa 3:7

SHin Yohaannisi daro Parisaawetinne Saaduqaaweti xammaqettanau baakko yiyaageeta be7idi, eta hagaadan yaagiis; “Ha shooshshatoo, Xoossaa hanqqoi yaana haniyaagaappe baqatana mala, intteyyo oonee odidai?

Yohaannisa 10:14

“Taani dorssaa loitta heemmiyaagaa; ta Aawai tana eriyoogaadan, taanikka qassi ta Aawaa erais. Hegaadankka, taani ta dorssata erais; ta dorssatikka tana eroosona. Qassi taani ta dorssatu gishshau, haiqqanau koyais.

Yohaannisa 3:10

Yesuusi zaaridi, “Neeni Israa7eelata tamaarissiyaagaa gidaidda hagaa erikkii?

Yesuusi Kiittidoogeetu Oosuwaa 2:37

Asai PHeexiroosi giidoogaa siyido wode, asau wozanai maashin, PHeexiroosanne Yesuusi kiittido harata, “Ishanttoo, yaanin nuuni ai oottanee?” yaagidosona.

Naa77antto Qoronttoosa 10:4

Aissi giikko, nuuni olettiyo toorai ha sa7aagaa gidenna. SHin qatuwaa laalanau wolqqaara de7iya Xoossaa tooraa.

Ibraawe 13:20

Sarotettaa Xoossai, nu Godaa Yesuusa, dorssaa heemmiya gitaa, merinaa maachchaa suuttan haiquwaappe denttiis.

Ibraawe 4:12

Aissi giikko, Xoossaa qaalai paxa de7eesinne oottees; naa77u zoozee de7iyo bisuwaappekka aadhdhidi qarattees. He qaalai shemppoinne ayyaanai, kureenne kolzzee issippe gaittiyoosaa shaakkana gakkanaassi caddees. Qassi asa wozanan de7iya koshshaanne qofaa i shaakkees.

Koiro PHeexiroosa 5:4

Qassi heemmiyaageetu halaqai beettiyo wode, moorettenna bonchcho akiliiliyaa intte ekkana.