Eranchchaa Maxaafaa 10:14 - Wolaytta Bible

¹⁴ Eeyyai darobaa haasayees. Gidikkonne, sinttappe hananau de7iyaabaa ooninne erenna. Asi haiqqiichchin, hananau de7iyaabaa ayyo odanau danddayiyaabi baawa.

Eranchchaa Maxaafaa 10:14 Iomraidhean Croise

Iyyooba Maxaafaa 34:37

Aissi giikko, i ba nagaraa bolli makkalaa gujjees; nu sinttan Xoossaa qilliiccees. Ba qaalaakka darissidi, Xoossaa bolli biddees” yaagiis.

Iyyooba Maxaafaa 35:16

Hegaa gidikko, neeni ne doonaa coo mela dooyaasa; dooyadakka eri bainna haasayaa darissaasa” yaagiis.

Leemiso Maxaafaa 10:19

Daro haasayaa giddon nagari xayenna; shin ba doonaa shiishshi ekkiya uri aadhdhida eranchcha.

Leemiso Maxaafaa 15:2

Aadhdhida eranchchaa inxxarssai eraa puulayees; shin eeyyatu doonai eeyyatettaa xuuqqees.

Eranchchaa Maxaafaa 10:15

Eeyya asi ba oosuwan daafurees; i ba soo biyo ogiyaa erenna.

Eranchchaa Maxaafaa 3:22

Hegaa gishshau, asi ba oottido oosuwan ufaittiyoogaappe kehiyaabi harabi ayyo bainnaagaa be7aas. Aissi giikko, au de7iya lo77o qaadai hegaa xalaala. Asi haiqqiichchobare appe guyyiyan haniyaabaa bessanau, a haiqoppe guyye ehaanau danddayiyai oonee?

Eranchchaa Maxaafaa 5:3

Hirggai dariyo wode, qamman aimoikka darees; hegaadankka, biddaa daroi eeyyatettaa qaalaa kessees.

Eranchchaa Maxaafaa 6:12

Hada gididi, kuwaadan coo aadhdhiya guutta laittaa baagaa asi waatidi aattanau koshshiyaakko eriyai oonee? Qassikka asi haiqqidi biichchin, salo gufantton hananau de7iyaabaa asassi odanau danddayiyai oonee?

Eranchchaa Maxaafaa 7:14

Neeyyo ubbabai giigido wodiyan ufaitta; qassi metoi gakkiyo wodiyankka akeeka; aissi giikko, ufaissa gidin, meto gidin, Xoossai yeddiyo wodiyan yees. SHin augee kasetidi yaanaakko, neeni erakka.

Eranchchaa Maxaafaa 8:7

Sinttappe hananabaa eriyaabi baawa; hegaa gishshau, “Hagee hanana” giidi odanau danddayiyai oonee?

Eranchchaa Maxaafaa 9:1

Ha ubba yohotubaa adussa wodiyaa taani qoppidoogaappe guyyiyan, aadhdhida eranchchanne xillo gidida asatinne eta oosoti Xoossaa kushiyan de7oosona gaada qachchaas; shin siiqoi naagiya, ixoi naagiya ooninne bana naagiyaabaa kasetidi erenna.

Hizqqeela 35:13

Neeni ta bolli otorettadasanne darissada haasayadasa; taanikka hegaa siyaas” yaagees.