Eranchchaa Maxaafaa 10:12 - Wolaytta Bible

¹² Aadhdhida eranchchaa haasayai ayyo bonchchuwaa imissees; shin eeyyai ba doonaappe kiyida qaalan i bau metuwan gelees.

Eranchchaa Maxaafaa 10:12 Iomraidhean Croise

Sameela Maxaafaa Naa77anttuwaa 1:16

Daawiti Amaaleeqiyaa, “ 'GODAI tiyido kawuwaa taani woraas' yaagada neeni ne doonan markkattido gishshau, ne suuttaa gomee nena oiqqo” yaagiis.

Iyyooba Maxaafaa 16:5

Hegaadankka, ta zoriyan taani inttena minttana shin! Ta doonaappe kiyiya haasayaikka inttena minttettana shin!

Mazamure Maxaafaa 140:9

Ta morkketun tana xoonissoppa; eta doonaappe kiyiya iitabai etau simmo.

Mazamure Maxaafaa 37:30

Xilluwaa doonai aadhdhida eraa yootees; a inxxarssaikka xillobaa haasayees.

Mazamure Maxaafaa 64:8

Eta maqquwaa gishshau, i eta xaissana; eta be7iya ubbai huuphiyaa qaattana.

Leemiso Maxaafaa 10:10

Geniiddi qim77otiya uri meto kessees; shin yayyennan seeriya uri sarotettaa medhdhees.

Leemiso Maxaafaa 10:8

Aadhdhida eranchchati azazidobaa oottoosona; shin eeyyatettan coo biddiyaageeti bashshau boosona.

Leemiso Maxaafaa 12:18

Akeekennan haasayiyo haasayai cuphedan caddees; shin aadhdhida eranchchaa inxxarssai pattees.

Leemiso Maxaafaa 15:2

Aadhdhida eranchchaa inxxarssai eraa puulayees; shin eeyyatu doonai eeyyatettaa xuuqqees.

Leemiso Maxaafaa 15:23

Oishettidobaassi likke zaaruwaa zaariyoogee he uraa ufaissees; haasayaa likke wodiyan haasayiyoogee aiba lo77obee!

Leemiso Maxaafaa 19:5

Worddo markki qaxxayettennan beenna; wordduwaa haasayiyaageetikka kessi ekkokkona.

Leemiso Maxaafaa 22:11

Neeni wozanaa geeshshatettaanne keha haasayaa dosikko, kawoi nenaara dabbotees.

Leemiso Maxaafaa 26:9

Eeyya uraa leemisoi mattottida asi ba kushiyaa caddida agunttaa kessanau baaxetiyoogaa mala.

Leemiso Maxaafaa 31:26

Aadhdhida eran a haasayausu; ammanttiya zoree i inxxarssaappe kiyees.

Eranchchaa Maxaafaa 12:11

Eranchchatu qaalai henttanchchai wudiyaa laaggiyo xeeraa lee7e gatimaa mala. Qassi issippe shiishshido leemisotikka gomppaa gakkidi geliya misimaaretu mala.

Eranchchaa Maxaafaa 4:5

Ba kushiyaa xaaxidi, utti aggiya azallai, namisan haiqqees.

Eranchchaa Maxaafaa 5:2

Ne doonan haasayanau, Xoossaa sinttankka biddanau eesotoppa. Qassi issibaa Xoossassi immana gaada ne wozanan eesotada geppaichchoppa; aissi giikko, Xoossai saluwan de7ees, neeni qassi hagan sa7an de7aasa; hegaa gishshau, ne haasayiyo qaalai guutta gido bayin.

Eranchchaa Maxaafaa 5:6

Nena ne doonai nagaran yeggennaadan, ne doonaa zawaappe aadhdhida yeda oottoppa; qassi Xoossaassi oottiyaagau, “Kasekka hagaa taani akeekennan geppaas” gooppa. Aissi giikko, hegaa Xoossai keehi hanqqettiyo gishshau, neeni daafurada demmidobaa, ne kushiyaa oosuwaa ubbaa i ba hanqquwan quccidi xaissanau danddayees.

Eranchchaa Maxaafaa 9:17

Hegaa gidikkokka, deriyaa haariyaagee azallatu yaa7an waassiyo waasuwaa siyiyoogaappe, leelan odettiya aadhdhida eranchchaa qaalaa siyiyoogee lo77o.

Maatiyoosa 12:35

Lo77o asi ba lo77o minjjaappe lo77obaa kessees; qassi iita asi ba iita minjjaappe iitabaa kessees.

Luqaasa 19:22

“Yaagin, ‘Neeni iita ashkkara; ne doonai haasayidoban nena taani pirddana. Taani tabaa gidennabaa ekkiyaagaa, qassi zerabeennabaa cakkiya meqetti bainna asa gidiyoogaa eradasa.

Luqaasa 4:22

Ubbai ayyo markkattidosona. A doonaappe kiyiya aaro kehatettaa qaalaa garamettidi, “Hagee Yooseefa na7aa gidennee?” yaagidosona.

Efisoona 4:29

Intte haasayai siyiyaageeta go77ana mala, koshshiyoogaadan minttettiya lo77o qaalai intte doonaappe kiyoppe attin, iita qaalai mulekka kiyoppo.

Qolasiyaasa 4:6

Intte asa ubbau waati zaaranau bessiyaakko erana mala, intte haasayai ubba wode, siyanau kehiyaagaanne ufaissiyaagaa gidanau bessees.