Eranchchaa Maxaafaa 1:16 - Wolaytta Bible

¹⁶ Taani woni ta wozanan hagaadan yaagada qoppaas; “Taappe kase Yerusalaame haarida ubbatuppe taani gitanne aadhdhida eranchcha gidaas. Cinccatettaanne eraa giyoogee i aibakko paaccada eraas” yaagaas.

Eranchchaa Maxaafaa 1:16 Iomraidhean Croise

Kawotu Maxaafaa Koiruwaa 10:7

SHin taani yaada, ta aifiyaa biraanan be7ana gakkanaashin eti taayyo yootidobaa ammanabeikke. Taayyo asai yootidoogee bagganne gakkenna; aadhdhida eratettankka duretettankka taani siyidoogaappe keehi darees.

Kawotu Maxaafaa Koiruwaa 4:30

Solomona aadhdhida eratettai arshsho baggaara de7iya asa ubbaa aadhdhida eratettaappenne Gibxxetu aadhdhida eratetta ubbaappekka aadhdhiis.

Kawotu Maxaafaa Koiruwaa 5:9

Ta asati ne mudettaa Liibaanoosappe duge abbau miyyana. Miyyin taani qashissada, abbaa bollaara tookettidi neeni malaatosaa gakkanaadan oottana; gakkin taani yan birshshissana; birshshissada yaappe efiissana. Hegaappe guyyiyan neeni ne baggaara ta kawo keettan de7iya asaayyo miyoobaa kiittiyoogan ta amuwaa polana” yaagiis.

Kawotu Maxaafaa Naa77anttuwaa 5:20

Xoossaa asa gidiya Elssaa7a ashkkarai Gehaazi, “Ta godai Elssaa7i Sooree Naa7imaani ehiidobaappe aibakka ekkennan coo yeddiis. GODAI ero! Taani a geeduwaa woxxada, appe issibaa ekkana” yaagidi qoppiis.

Hanidabaa Odiya Naa77antto Maxaafaa 2:12

Kiiraami qassikka, “GODAAYYO Beeta Maqidasiyaanne baayyo kawo keettaa keexxanaadan aadhdhida eranchcha, akeekanchchanne cincca na7aa Kawuwaa Daawitayyo immida, saluwaa sa7aa medhdhida GODAI, Israa7eela Xoossai galatetto.

Mazamure Maxaafaa 4:4

Hanqqettite, shin intte hanqquwan nagaraa oottoppite. Hiixan zin77iyo wode, intte wozanaa qoritenne sirphphi giite.

Mazamure Maxaafaa 77:6

Taani qofaa sheekkaidda aqais; ta wozanai yererees. Taani ta huuphiyaa hagaadan yaagada oichchais;

Eranchchaa Maxaafaa 2:1

Taani ta wozanan, “Ane taayyo gita ufaissaa immiyaabi aibakko, qassi de7iyo de7uwaa giddonkka lo77obi aibakko be7ana” yaagada qoppaas; shin hegeekka hada.

Eranchchaa Maxaafaa 2:15

Taani ta wozanan, “Eeyyaa gakkiya qaadai tanakka gakkees; yaatin, taani aadhdhida eranchcha gidiyoogee tana ai maaddii?” yaagada qoppaas. Qassi taani ta wozanan, “Hagee ubbabaikka hada!” yaagaas.

Eranchchaa Maxaafaa 2:9

Hegaa gishshau, taani taappe kase Yerusalaamen de7ida ooppenne aadhdhida gita asa gidaas. Ta aadhdhida eratettaikka tanaara wurssettai gakkanaashin de7iis.

Eranchchaa Maxaafaa 3:17

Be7ada ta wozanan, “Xoossai xilluwaanne iitaa naa77aakka pirddau shiishshana; aissi giikko, Xoossai allaalle ubbaunne ooso ubbau wodiyaa keeri wottiis” yaagada qoppaas.

Ermmaasa 22:14

I, “Taani taayyo aaho pooqiyaara de7iya gita keettaa keexxana” yaagees. Yaagidi ba keettau gita maskkooteta kessees; kessidi zigaa masettan bollaa kammidi, zo7o qalamiyaa tiyees.

Daaneela 4:30

hagaadan yaagiis; 'Hagee ta kawo keettai an de7ana mala, taani ta gita wolqqan, ta gitatettaa bonchchuwaassi gimbbissido Baabiloone katamaa gitaa gidennee?' yaagiis.

Ibraawe 5:14

SHin mino qumai iitaa kehaa de7uwaa daruwan shaakkida wozannaama asaassa.