Efisoona 4:8 - Wolaytta Bible

⁸ Hegaa gishshau, Xoossaa maxaafai, “I pude xoqqasaa kiyido wode, omoodettida darota ekkidi efiis; asaayyookka imota immiis” yaagees.

Efisoona 4:8 Iomraidhean Croise

Asttiri Maxaafaa 2:18

Hegaappe guyyiyan, kawoi Asttiri bonchchuwaassi gita gibiraa giigissiis. Giigissidi halaqatanne biittaa aissiyaageeta xeesiis. Qassi ba kawotettaa giddon ufaissa baalai bonchchettana mala awaajjidi, imotaakka ba kehatettaa keenaa huuphiyan huuphiyan immiis.

Mazamure Maxaafaa 68:18

Omoodettida darota ekkidi, i pude xoqqaa kiyiis. Asaappe, harai atto makkalanchcha asaappekka imuwaa ekkiis. GODAI Xoossai yan de7ana.

Leemiso Maxaafaa 30:4

Saluwaa pude kiyidi, duge wodhdhidai oonee? Carkko ba kushen oiqqidai, haatta ba afalan yiicidai, sa7aa gaxaa a sohuwan sohuwan wottidai oonee? Ane erikko a sunttaa taayyo oda. A na7aa oona giyo?

Efisoona 4:11

Asaayyo imo immidaagee a; i issoota issoota Yesuusi kiittidoogeeta, harata hananabaa yootiyaageeta, qassi harata wonggeliyaa mishiraachchuwaa yootiyaageeta, qassikka harata woosa keettaa kaalettiyaageetanne tamaarissiyaageeta ootti sunttiis.

Qolasiyaasa 2:15

Kiristtoosi he masqqaliyan halaqatuppenne godatuppe wolqqaa wotti ekkidi, eta omooddidoogaa asa ubbaa qoncciyan yuushshi bessiis.

Daannatu Maxaafaa 5:12

“Debooraa! Beegotta! Beegotta! Beegotta! Beegottada mazamuriyaa yexxa. Baaraaqaa, dendda! Nenoo, Abino7aama na7au, ne omooduwaa ekkada ya.

Sameela Maxaafaa Koiruwaa 30:26

Daawiti Xiqilaaga katamaa gakkido wode, ba dabbo Yihudaa cimata, “GODAA morkketuppe omoodettidabaappe taani intteyyo immiyoogaa heite” yaagidi omooduwaappe amaridaagaa yeddiis.