Efisoona 4:32 - Wolaytta Bible

³² Issoi issuwaayyo kehitenne qarettite; qassi Xoossai Kiristtoosa baggaara intteyyo atto giidoogaadan, inttekka issoi issuwaayyo atto giite.

Efisoona 4:32 Iomraidhean Croise

Sameela Maxaafaa Naa77anttuwaa 7:21

Neeni ne qaalaa gishshau, ne wozanaa qofaadan ha gitabaa oottada, tana ne ashkkaraa erissadasa.

Mazamure Maxaafaa 112:9

I hiyyeesa asaayyo darissidi immiis; qassi a xillotettai merinau de7ees; a kaceenne bonchchuwan xoqqu gees.

Mazamure Maxaafaa 145:9

GODAI ubbau keha; i ba medhdhido ubbau qarettiyaagaa.

Leemiso Maxaafaa 12:10

Xillo asi ba mehiyaassi qarettees; shin iita asa kehatettau meqetti baawa.

Leemiso Maxaafaa 19:11

Aawussi de7iya aadhdhida eratettai hanqquwaa mitissees; moorida urau atto giyoogeekka bonchchissees.

Leemiso Maxaafaa 19:22

Asappe koyettiyaagee aggenna siiquwaa; worddanchcha gidanaappe hiyyeesa gidiyoogee keha.

Isiyaasa 57:1

Xillo asi haiqqees; shin hegaa akeekidi qoppiyaabi baawa. Banttana Xoossaassi immida asati biittaappe xayoosona; shin xillo asi bashshai yaanaappe kasetidi ekettiyoogaa ooninne akeekenna.

Ermmaasa 38:12

Toophphiyaa asa gidiya Abemeleki Ermmaasa olla giddo duge xeegidi, “Hagaa maayuwaa curqqaa wodoruwaappe garssa baggaara ne shophphan wotta” yaagiis. Ermmaasikka i giidoogaadan oottiis.

Maatiyoosa 6:12

Nuuni nuna naaqqidaageetuyyo atto giyoogaadan, neenikka nu naaquwaa atto ga.

Marqqoosa 11:25

Xoossaa woossanau intte eqqiyo wode, saluwan de7iya intte Aawai intte nagaraa atto gaana mala, ooninne inttena naaqqidobai de7ikko, au atto giite.

Luqaasa 1:78

Hegeenne, nu Xoossaa maarotettainne qaretai daro gidiyo gishshau, saluwaa poo7uwaa i nu bollan poo7issana;

Luqaasa 11:4

Nuuni nuna naaqqidaageetuyyo ubbaa atto giido gishshau, neenikka nu naaquwaa atto ga. Nuna iitabaappe ashshanaappe attin, paacen gelissoppa’ yaagite” yaagiis.

Luqaasa 17:4

I issi gallassi nena laappuntto naaqqidi, he gallassi laappuntto, ‘Taani nagaraappe simmaas’ yaagiiddi neekko yiikkokka, ayyo atto ga” yaagiis.

Luqaasa 6:35

shin Xoossai bana galatennaageetussikka iitatussikka keha gidido gishshau, intte morkketa siiqite; etayyo lo77obaa oottite; qassi ainne guyye ekkanau qoppennan tal77ite; intte ekkana woitoi darana. Qassi intte Ubbaappe Bolla Xoossaa naata gidana.

Luqaasa 6:37

“Haratu bolli pirddoppite; Xoossai intte bolli pirddenna. Harata iita gooppite; Xoossai inttena iita geenna. Atto giite; Xoossai intteyyo atto gaana. Immite; Xoossai intteyyo immana. Baqqi naaqqidi siilli kunttin, palahidi wora laalettiyaagaa Xoossai intte kiyuwan idinttidi immana. Aissi giikko, intte harau immanau likkidi makkiyooban Xoossai intteyyo likkidi immana” yaagiis.

Yesuusi Kiittidoogeetu Oosuwaa 28:2

Haruuruwaa asati nuussi daro kehaa kehidosona; irai bukkanau doommido gishshaunne meeggiyo gishshau, tamaa eettidi, nuna ubbaa mokkidosona.

Roome 12:10

issoi issuwaara ishanttudan siiqettite; issoi issuwaa bonchchiyoogan ufaittite;

Koiro Qoronttoosa 13:4

Siiqoi danddayanchcha. Siiqoi kehees. Siiqoi qanaatenna. Ceeqettenna; qassi otorettenna.

Naa77antto Qoronttoosa 2:10

Issi urai naaqqidoogaa intte atto giyo wode, taanikka qassi atto gais; taani atto giidobaa gidikko, atto giidobaa aibanne Kiristtoosa sinttan intte gishshau, atto gaas.

Naa77antto Qoronttoosa 2:7

Hegaa gishshau, he bitanee keehi daro azzanenna mala, intte ayyo atto gaanaunne a minttettanau bessees.

Naa77antto Qoronttoosa 6:6

geeshshatettan, eratettan, danddayan, kehatettan, Geeshsha Ayyaanan, tumu siiquwan,

Efisoona 5:1

Simmi Xoossai siiqiyo naatudan, a milatite.

Yaaqooba 5:11

Be7ite, danddayidi genccidaageeta nuuni anjjettidaageeta geettees. Iyyooba genccaa intte siyideta; qassi Godai ayyo wurssettan immidoogaakka be7ideta. Aissi giikko, Godai maarotainne qaretai kumidoogaa.

Naa77antto PHeexiroosa 1:7

Xoossaa milatiyoogaa bolli ishatettaa siiquwaa, ishatettaa siiquwaa bolli siiquwaa gujjite.

Koiro Yohaannisa 1:9

SHin nuuni Xoossau nu nagaraa paaxikko, i nu nagaraa atto gaanaunne nu mooro ooso ubbaappe nuna geeshshanau, ammanttiyaagaanne tumubaa oottiyaagaa.

Koiro Yohaannisa 2:12

Ta naatoo, Xoossai Kiristtoosa sunttaa gishshau, intte nagaraa atto yaagido gishshau, taani intteyyo xaafais.

Uruti Maxaafaa 2:20

Naa7ooma zaarada, “Haiqqidaageetuyyookka paxa de7iyaageetuyyookka ba kehatettaa aggibeenna GODAI anjjo” yaagaasu. Gujjadakka Naa7ooma o, “He bitanee nuussi mata dabbottennee; ubba nubaa wozanau gattiyoogeetuppekka issoi a” yaagaasu.