Doomettaabaa 6:8 - Wolaytta Bible

⁸ SHin Nohee GODAA sinttan nashettiis.

Doomettaabaa 6:8 Iomraidhean Croise

Doomettaabaa 19:19

Taani intte ashkkarai intte sinttan nashettido gishshau, tana ashshanau taayyo daroppe kehideta. SHin taani deriyaakko baqatanau danddayikke; hagee bashshai gakkidi tana muukkananne taanikka haiqqana.

Mazamure Maxaafaa 145:20

GODAI bana siiqiyaageeta ubbaa naagees; shin iitata ubbaa xaissana.

Mazamure Maxaafaa 84:11

GODAI Xoossai nuussi gonddallenne nuna naagiyaagaa; i nuussi bonchchuwaanne kehatettaa immees. Suuretettan hemettiyaageeta i lo77obaa ubbaa diggenna.

Leemiso Maxaafaa 12:2

Lo77o asi GODAAPPE sabaa demmees; shin GODAI genanchchata pirddees.

Leemiso Maxaafaa 3:4

Yaatikko, neeni Xoossaanne asaa sinttan sabettananne nashettana.

Leemiso Maxaafaa 8:35

Tana demmiyaagee de7uwaa demmees; GODAAPPE i sabaa demmees.

Ermmaasa 31:2

GODAI hagaadan yaagees; “Bisuwaappe palahida asai taappe aaro kehatettaa bazzuwan demmiis. Israa7eela asai shemppi ekkanau koyido wode,

Hizqqeela 14:14

Harai atto ha heezzu asati, Nohee, Daaneelinne Iyyoobi he biittan de7iyaakkokka, eti bantta xillotettan bantta shemppo xalaalaa ashshana. Taani Ubbaa Haariya GODAI hagaa odais.

Maatiyoosa 24:37

Ta yuussai, Asa Na7aa yuussai, Nohe wode hanidoogaa mala gidana.

Luqaasa 1:30

Kiitanchchai hagaadan yaagiis; “Mairaamee yayyoppa; Xoossan sabettadasa;

Luqaasa 17:26

“Ta yuussai, Asa Na7aa yuussai, Nohe wodiyan hanidoogaadan, hegaadankka hanana.

Yesuusi Kiittidoogeetu Oosuwaa 7:46

Daawiti Xoossan sabettiis; qassi Yaaqooba Godai de7ana keettaa keexxanau Xoossaa woossiis.

Roome 11:6

SHin i ba aaro kehatettan dooriisippe attin, eta oosuwan eta dooribeenna; hegee xayikko, a aaro kehatettai tumu aaro kehatetta gidenna.

Roome 4:4

Oottiya urai ekkiyo miishshaa bau bessin ekkeesippe attin, au imodan qoodettenna.

Koiro Qoronttoosa 15:10

SHin Xoossaa aaro kehatettan taani tanakka. Qassi taassi i immido aaro kehatettai hada gidibeenna; shin taani eta ubbaappe aattada oottaas. SHin tanaara de7iya Xoossaa aaro kehatettai oottiisippe attin, tana gidikke.

Galaatiyaa 1:15

SHin Xoossai ba aaro kehatettan, taani biron ta aayee uluwan de7ishin, baayyo oottanau tana xeesiis; abaa yootiya wonggeliyaa mishiraachchuwaa Aihuda gidenna asaayyo taani yootana mala, Xoossai ba Na7aa tau qonccissanau koyido wode, zorettanau ookkonne babeikke.

Naa77antto Ximootiyoosa 1:18

He gallassi Godaappe maarotettaa demmanaadan, Godai ayyo immo. Qassi Efisoona giyo kataman i tana ai keenaa maaddidaakkonne neeni loitta eraasa.

Tiitu 2:11

Aissi giikko, Xoossai asa ubbaa ashshiya ba aaro kehatettaa qonccissiis.

Ibraawe 4:16

Simmi nuna koshshiyo wode maaddiya maarotettaa ekkanaunne aaro kehatettaa demmanau, aaro kehatettai de7iyoosaa Xoossaa araataakko, yayyennan shiiqoos.

Koiro PHeexiroosa 3:20

He ayyaanati amarida hosppun asati haattan attido markkabiyaa Nohee keexxishin, Xoossai danddayidi gam77ido wode, Xoossaayyo azazettibeenna asaa ayyaanata.

Naa77antto PHeexiroosa 2:5

Xoossai nagaranchchatu bolli bashshaa haattaa yeddiisippe attin, beni asau kehibeenna; shin xillotettaabaa yootida Nohanne hara laappun asata ashshiis.