Doomettaabaa 6:11 - Wolaytta Bible

¹¹ He wode biittai sa7ai Xoossaa sinttan tuniis; sa7ai ubbai makkalan kumiis.

Doomettaabaa 6:11 Iomraidhean Croise

Doomettaabaa 10:9

GODAA sinttankka i wolqqaama shankkanchcha gidiis; “Naamiruudadan GODAA sinttan wolqqaama shankkanchcha gida” giyoogee hegaa gishshassa.

Doomettaabaa 13:13

He wode Sadooma asati iitanne GODAA bolli pala nagaraa oottiyaageeta.

Doomettaabaa 6:10

Nohee Seema, Kaamanne Yaafeeta giyo heezzu attuma naata yeliis.

Doomettaabaa 7:1

GODAI hegaappe guyyiyan Noha hagaadan yaagiis; “Neeni ne so asaa ubbaara markkabiyaa giddo gela; aissi giikko, taani ha wodiyaa yeletaa giddon neeni xillo gididoogaa be7aas.

Hanidabaa Odiya Naa77antto Maxaafaa 34:27

“Ha sohuwaa bollinne ha sohuwan de7iya asaa bolli Xoossai haasayidobaa neeni siyido wode, ne wozanai shuggin, ta sinttan ne huuphiyaa kaushshido gishshaunne ne maayuwaa pooshshada, ta sinttan yeekkido gishshau, taani ne woosaa siyaas.

Mazamure Maxaafaa 11:5

GODAI xilluwaa qorees. SHin iitatanne hanttaarabaa siiqiyaageeta i keehippe ixxees.

Mazamure Maxaafaa 140:11

Zigiriyaageeta biittai tookkoppo; makkalanchcha asata iitabai yedetaa sirqqo.

Mazamure Maxaafaa 55:9

Abeet Godau, taani katamaa giddon ooshshaanne waretaa be7ido gishshau, iitatu haasayaa balbbuqa.

Kessaabaa 32:7

Yaanin GODAI Muusa, “Neeni eesuwan duge wodhdha; aissi giikko, ne asai, neeni Gibxxeppe kessada ehiidoogee nagaraa oottidi, bantta huuphiyaa tunissiichchidosona.

Isiyaasa 60:18

Hagaappe guyyiyan, sugetta oosoi ne biittan siyettenna; ne zawankka laalettainne bashshai siyettenna. Neeni ne dirssaa gimbbiyaa, 'Atotettaa,' ne penggetakka, 'Galataa' yaagada xeesana.

Ermmaasa 6:7

Ollai ba haattaa pulttiyoogaadan, ikka ba iitatettaa pulttees. Makkalabainne bashshabai a giddon siyettees. Muletoo a sahoinne masunttai ta sinttan beettees.

Hizqqeela 28:16

Ne daro zal77iyaappe denddidaagan, makkalan kumada, nagaraa oottadasa. Hegaa gishshau, ta geeshsha deriyaappe tunabaadan, nena wolqqan kessaas. Nenoo, naagiya kiruubiyau, he tamaadan phooliya al77o shuchchatu giddoppe taani nena yedettaas.

Hizqqeela 8:17

I tana hagaadan yaagiis; “Laa asa na7au, hagaa be7adii? Yihudaa asaassi ha tunatettaa oottiyoogee ubba laafabaa gididee? Eti biittaa makkala oosuwan kunttidi, zaari zaaridi tana hanqqetissanau bessii? Be7a, eti bantta danddayido keenan tana iissidi cayoosona.

Imbbaaqooma 1:2

Imbbaaqoomi hagaadan yaagiis; “Abeet GODAU, neeni tana maaddanaadan taani xeesiyo wode, aude gakkanaashin siyennan ixxuutee? Qassi taani naaqettada neeyyo waassiyo wode, aude gakkanaashin ashshennan ixxuutee?

Imbbaaqooma 2:17

Neeni Liibaanoosa xaissidoogaadan, neenikka xayana. Neeni do7ata wora wurssadasa; ha77i qassi eti nena yashissana. Aissi giikko, ne daro asaa suuttaa gussadasa; qassi sa7a ubban, katamatu bollinne etan de7iya asaa bollikka sugetta oosuwaa oottadasa.

Imbbaaqooma 2:8

Neeni daro asaa aquwaa bonqqido gishshau, etappe attidaageeti ne aquwaa bonqqana. Aissi giikko, ne daro asaa suuttaa gussadasa; qassi sa7a ubban, katamatu bollinne etan de7iya asaa bollikka sugetta oosuwaa oottadasa.

Luqaasa 1:6

Eti naa77aikka Xoossaassi xillo gididi, Godaa higgiyaanne azazuwaa ubbaa moorennan, naagidi polidosona.

Roome 2:13

Aissi giikko, Xoossaa sinttan higgiyaa naagiyaageeti xilloosonappe attin, higgiyaa siyiyaageeti xillokkona.

Roome 3:19

Asa ubbaa haasayaa diggana malanne kumetta sa7aa Xoossaa pirddaappe garssau aattana mala, higgiyaa giddon odettida ubbabai higgiyaappe garssan de7iya asau haasayiyoogaa nuuni eroos.

Zaarettido Wogaa 31:29

Ta haiqqidoogaappe guyyiyan, intte mule iita asa gidanaagaanne taani inttena tamaarissido azazuwaappe wora simmanaagaa taani erais. I oottoppite giido iitabaa intte kushiyan oottidi, GODAA hanqqetissiyo gishshau, sinttappe yiya wodiyan intte bolli iita boshaa ehaana” yaagiis.

Daannatu Maxaafaa 2:19

SHin pirddiya daannai haiqqidoogaappe guyyiyan, asai guyye simmidi, kase eta aawati oottido iitaappe aadhdhida iitaa oottidosona; eti hara xoossatukko simmidi, etassi goinnidosona; bantta iita oosuwaanne geella ogiyaa aggennan ixxidosona.