Doomettaabaa 49:24 - Wolaytta Bible

²⁴ A wonddafee minni uttiis; a qeseekka minnidi gam77iis. Hegeenne Yaaqooba Wolqqaamaa kushiyaa gaasuwaana, ne henttanchchaa, Israa7eela Zaallaa gaasuwaana,

Doomettaabaa 49:24 Iomraidhean Croise

Doomettaabaa 45:11

Biron ichchashu kosha laittati attidosona; nena, ne so asaanne ne mehiyaa koshai oiqqenna mala, taani nena mizana” yaagiis' yaagite” yaagiis.

Doomettaabaa 45:5

Qassi intte tana hagau baizzido gishshau, zil77ettoppitenne yiillotoppite; aissi giikko, Xoossai tana intteppe sinttau kiittidoogee asaa shemppuwaa ashshanaassa.

Doomettaabaa 45:7

SHin taani sa7an intteyyo zeretta ashshana malanne intte de7uwaa gita ashettaa ashshana mala, Xoossai tana intteppe sinttau kiittiis.

Doomettaabaa 47:12

Yooseefi qassi ba aawaayyo, ba ishanttuyyoonne ba aawaa so asa ubbau eta naatu qoodaadan kattaa immiis.

Doomettaabaa 48:15

Hegaappe guyyiyan, Yaaqoobi Yooseefa hagaadan yaagidi anjjiis; “Ta aawati Abrahaaminne Yisaaqi a sinttan hemettido Xoossai, ta de7o ubban hachchi gakkanaassi tana heemmida Xoossai,

Doomettaabaa 49:23

Wonddafiyaa dukkiyaageeti a bolli woraajjidosona; woraajjidi bantta zubbiyan dukkidosonanne muddidosona.

Doomettaabaa 50:21

Hegaa gishshau simmi intte yayyoppite; taani inttenanne intte naata mizana” yaagidi, i eta minttettidi keha qaalaa haasayiis.

Sameela Maxaafaa Naa77anttuwaa 5:2

Kase Saa7ooli nuuyyo kawo gididi de7iyo wodekka, Israa7eela asaa olau kaalettidai nena. GODAI nena, 'Neeni ta asaa Israa7eela heemmana; neeni eta bolli kawotana' yaagi wottiis” yaagidosona.

Kawotu Maxaafaa Naa77anttuwaa 13:16

Hegaappe guyyiyan, Elssaa7i Israa7eela kawuwaa, “Wonddafiyaa giigissa oiqqa” yaagiis; wonddafiyaa i giigissi oiqqidaashin, Elssaa7i ba kushiyaa kawuwaa kushiyaa bolli wottiis.

Nahimiyaa Maxaafaa 6:9

Nu oottiyo oosoi polettenna mala, “Eta kushee oosuwau daafuriichchiis” yaagidi eti nuna yashissiiddi gam77idosona. Hegaa gishshau, “Xoossau ha77i tana minttarkkii” yaagada taani woossaas.

Iyyooba Maxaafaa 29:20

Taani ubbatonkka bonchchettada de7ana; ta wolqqaikka ubbaton ooraxxana' gaada qoppaas.

Mazamure Maxaafaa 118:22

Gimbbiyaageeti karidi ixxido shuchchai, godaa xaphuwaa minttiya, ubbaappe aadhdhiya shuchcha gidiis.

Mazamure Maxaafaa 132:1

Abeet GODAU, Daawitabaanne i danddayido metuwaa qoppa.

Mazamure Maxaafaa 132:2

GODAASSI i caaqqidoogaa, Yaaqooba Xoossaayyo, Wolqqaamaayyo i hagaadan yaagidi geppidoogaa hassaya;

Mazamure Maxaafaa 132:5

Hegeenne, taani GODAASSI soho, Yaaqooba Xoossaayyo, Wolqqaamaayyo de7iyoosaa giigissana gakkanaashiina” yaagiis.

Mazamure Maxaafaa 18:1

Abeet GODAU, ta wolqqau, taani nena siiqais.

Mazamure Maxaafaa 18:30

Xoossaa ogee suure. GODAA qaalai ammanettiyaagaa. Akko baqatiya ubbatussi i gonddalle.

Mazamure Maxaafaa 23:1

GODAI ta henttanchchaa; taayyo aibinne paccenna.

Mazamure Maxaafaa 27:14

GODAN ufaissaa wotta; minnadanne wozannaamada, GODAN ufaissaa wotta.

Mazamure Maxaafaa 28:8

GODAI ba asaayyo wolqqa; i ba dooridi tiyido kawuwaa ashshiya miixaa.

Mazamure Maxaafaa 44:7

SHin neeni nuna nu morkketuppe ashshadasa; qassi nuna ixxiyaageeta neeni kaushshadasa.

Mazamure Maxaafaa 73:23

SHin taani ubbatookka nenaara de7ais; ta ushachcha kushiyaa neeni oiqqadasa.

Mazamure Maxaafaa 80:1

Abeet Israa7eela henttanchchau, Yooseefa asaa wudiyaadan kaalettiyaagoo, neeni nuuyyo siya. Kiruubeta giyo kiitanchchatuppe bollaara de7iya araatan uttidaagoo, Efireema, Biniyaamanne Minaase sinttan qoncca. Ne wolqqaa denttada nuna ashshanau haaya.

Mazamure Maxaafaa 89:1

Abeet GODAU, aggenna ne siiquwaabaa taani merinau yexxana. “GODAI ammanettiyaagaa” gaada, yeleta ubbaayyo ta doonan awaajjana.

Kessaabaa 3:6

Qassikka GODAI a, “Taani ne aawaa Xoossaa, Abrahaama Xoossaa, Yisaaqa Xoossaa, Yaaqooba Xoossaa” yaagiis. Yaagin Muusee Xoossaa xeellanau yayyido gishshau, ba som77uwaa genttiis.

Isiyaasa 1:24

Hegaa gishshau, Godai, Ubbaappe Wolqqaama GODAI, Israa7eela Wolqqaamai, hagaadan yaagees; “Hai taani ta ixotuppe shemppana; taani ta morkketu bolli ta haluwaa kessana.

Isiyaasa 28:16

Hegaa gishshau, Ubbaa Haariya GODAI hagaadan yaagees; “Be7ite, taani Xiyoonen baasuwaassi shuchchaa, paacettida shuchchaa, godaa xaphuwaa minttiya, al77o shuchchaa wottaas; aani ammaniya ooninne yeellatenna.

Isiyaasa 29:24

Ayyaanan balidaageeti simmidi akeekana; zuuzummiyaageetikka timirttiyaa ekkana” yaagees.

Isiyaasa 41:10

Taani nenaara de7iyo gishshau yayyoppa; taani ne Xoossaa gidiyo gishshau dagammoppa. Taani nena minttana; qassi taani nena maaddana. Taani nena ta xooniya ushachcha kushiyan kaafada oiqqana.

Isiyaasa 49:26

Nena huqqunniyaageeti bantta ashuwaa maanaadan, taani oottana; qassi woine eessaa uyidi mattottiyoogaadan, eti bantta suuttaa uyidi mattottana. Yaatobare asa ubbai taani GODAA, nena Ashshiyaagaa, Woziyaagaanne, Yaaqooba Wolqqaama gidiyoogaa hegan erana” yaagees.

Isiyaasa 60:16

Neeni kawotettatu maattaa uyana; kawotu xanttaakka xammana. Hegaappe guyyiyan, taani GODAI nena Ashshiyaagaa; Woziyaagaanne, Yaaqooba Wolqqaamaa gidiyoogaa neeni erana.

Zakkaariyaasa 10:12

Taani eta GODAN minttana; etikka a sunttan hemettana. Taani GODAI hagaa odais” yaagees.

Zakkaariyaasa 3:9

Be7a, taani Yaasu sinttan shuchchaa wottana; he shuchchai laappun baggaara masetti uttiis; taani a bollan xaafiyoobaa wooca woocada xaafana. Taani Ubbaappe Wolqqaama GODAI hagaa odais. He biittaa nagaraakka taani issi gallassi diggana' yaagees.

Maatiyoosa 21:42

Yesuusi eta hagaadan yaagiis; “ ‘Gimbbiyaageeti karidi ixxido shuchchai godaa xaphuwaa minttiya, ubbaappe aadhdhiya shuchcha gidiis. Hagee Godai oottidobaa; qassi nu aifiyaukka garamissiyaabaa’ yaagiyaagaa Xoossaa maxaafaappe mulekka nabbabibeekketii?

Marqqoosa 12:10

“ ‘Gimbbiyaageeti karidi ixxido shuchchai godaa xaphuwaa minttiya, ubbaappe aadhdhiya shuchcha gidiis. Hagee Godai oottidobaa; qassi nu aifiyaukka garamissiyaabaa’ yaagiyaagaa Xoossaa maxaafaappe nabbabibeekketii?” yaagiis.

Luqaasa 20:17

Yesuusi etakko xeellidi, “Yaatin, ‘Gimbbiyaageeti karidi ixxido shuchchai godaa xaphuwaa minttiya, ubbaappe aadhdhiya shuchcha gidiis’ geetettidi maxaafan xaafettidaagee hegee aibee?

Yesuusi Kiittidoogeetu Oosuwaa 4:11

Gimbbiyaageeti intte karidi ixxido shuchchai, godaa xaphuwaa minttiya, ubbaappe aadhdhiya shuchcha gidiis; he shuchchai Yesuusa.

Roome 14:4

Hara asa ashkkaraa bolli pirddiyaagee neeni oonee? I kunddin woi denddin ba godaassa; shin Godai a denttanau danddayiyo gishshau, i eqqana.

Efisoona 2:20

Yesuusi kiittidoogeetinne hananabaa yootiyaageeti baasido baasuwaa bolli inttekka keexettideta; godaa xaphuwaa minttiya waanna shuchchai Kiristtoos Yesuusa.

Zaarettido Wogaa 32:4

I nu zaallaattenne, a oosuwan wotoi baa; a oge ubbaikka suure. Nu Xoossai ammanettiyaagaanne iitatettai bainnaagaa; i tumanchchanne suure.

Zaarettido Wogaa 33:27

Merinaa Xoossai intteyyo qato; a merinaa kusheti intteppe garssaara de7oosona. I intte sinttappe intte morkketa gooddiis; intte eta wurssi xaissanaadan intteyyo yootiis.

Zaarettido Wogaa 34:9

Nawe na7ai Yaasu aadhdhida eratettaa ayyaanan kumiis; aissi giikko, Muusee ba sohuwan i oottanaadan, a bolli ba kushiyaa wottiis. Israa7eela asai Yaasuyyo azazettiis; GODAI Muuse baggaara immido azazuwaakka naagiis.

Qolasiyaasa 1:11

Intte ubbaban ufaissan genccanaadaaninne danddayanaadan, Xoossai ba bonchchuwaa gitaadan immiyo wolqqa ubban minnite.

Naa77antto Ximootiyoosa 4:17

SHin taani kumetta kiitaa Aihuda gidenna asai ubbai siyanau yootana mala, Godai ta matan eqqidi, taayyo wolqqaa immiis. Qassi gaammuwaa doonaappekka tana ashshiis.

Yaasu Maxaafaa 17:18

Hegaa gishshau gezze biittaakka intte ekkana. He gezzee wora gidikkokka qeexite; qeexidi wurssettaa gaxaa gakkanaassikka inttessa oottite. Kanaanetuyyo parati goochchiyo birata gaareti de7ikkokka, eti mino gidikkokka, intte eta kessanau danddayeeta” yaagiis.

Daannatu Maxaafaa 1:22

Yooseefa naatu, Efireemanne Minaase zareti qassi Beeteele katamaa bollan woraajjidosona. Kase he katamai Looza geetettees. Woraajjiyo wode GODAI etaara de7ees. Yooseefa zareti Beeteele katamaa xomoosiya asata kiittidosona.