Doomettaabaa 49:23 - Wolaytta Bible

²³ Wonddafiyaa dukkiyaageeti a bolli woraajjidosona; woraajjidi bantta zubbiyan dukkidosonanne muddidosona.

Doomettaabaa 49:23 Iomraidhean Croise

Doomettaabaa 37:18

SHin i haahuwan de7ishin, eti a be7idosona; i etakko gakkennan de7ishin, eti a woranau a bolli maqettidosona.

Doomettaabaa 37:24

a efiidi haatti bainna mela ollan yeggidosona.

Doomettaabaa 37:28

Hegaa gishshau Midiyaama biittaa zal77anchchati hegaara aadhdhishin, a ishantti Yooseefa ollaappe kessidi, Isimaa7eela asatuyyo laatamu xaqara biran baizzidosona. Baizzin eti Yooseefa Gibxxe biittaa efiidosona.

Doomettaabaa 37:4

A ishantti bantta aawai a etappe aattidi siiqiyoogaa be7ido wode, eti a ixxidi, keha qaala ayyo haasayanau danddayibookkona.

Doomettaabaa 42:21

Eti issoi issuwaa, “Tumu nuuni nu ishau oottidobai nuna kaa7ees. I ba shemppuwaayyo haniyoobai ixxin, nuussi watiwatiyo wode, nuuni siyiiddi ixxida; ha waayee nuna gakkidoogee hegaa gishshassa” yaagidosona.

Doomettaabaa 49:22

“Yooseefi aifiyaara herxxexxida woine tura. I pulttuwaa matan herxxexxa aifiyaara de7iya, daashshaikka godaappe bollaara zaa7iyo woine tura.

Doomettaabaa 49:24

A wonddafee minni uttiis; a qeseekka minnidi gam77iis. Hegeenne Yaaqooba Wolqqaamaa kushiyaa gaasuwaana, ne henttanchchaa, Israa7eela Zaallaa gaasuwaana,

Mazamure Maxaafaa 118:13

Tana sugi yeggin, kunddana hanais; shin GODAI tana maaddiis.

Mazamure Maxaafaa 64:3

Eti bantta inxxarssaa bisodan leefidosona; qassi marzze qaalata wonddafiyaa zubbiyaadan dukkanau giigissidosona.

Yohaannisa 16:33

Intte ta giddon de7iiddi, saro de7ana mala, taani hagaa intteyyo odaas. Sa7an intte waayettana. SHin minnite; taani sa7aa xoonaas” yaagiis.