Doomettaabaa 45:26 - Wolaytta Bible

²⁶ Eti ayyo hagaadan yaagidi yootidosona; “Yooseefi paxa de7ees! I hegaappenne Gibxxe biitta ubbaa haariyaagaa” yaagidosona; yaagin Yaaqooba dagamai wozanaa bashshido gishshau, eta ammanibeenna.

Doomettaabaa 45:26 Iomraidhean Croise

Doomettaabaa 37:31

Hegaappe guyyiyan eti Yooseefa maayuwaa ekkidi, deeshsha orggiyaa shukkidi, he suuttan naaqqidosona.

Doomettaabaa 37:35

A attuma naatinne macca naati ubbai a minttettanau yiidosona; shin i minnennan ixxiis; ixxidi, “CHii, taani yeekkaidda ta na7aakko baada, duufuwan gelana” yaagidi, a aawai ayyo yeekkiis.

Doomettaabaa 42:29

Eti Kanaane biittan de7iya bantta aawaa Yaaqoobakko yiido wode, banttana gakkidabaa ubbaa ayyo odidosona.

Doomettaabaa 42:36

Eta aawaa Yaaqoobi eta, “Intte tana ta naatuppe mela kessideta; Yooseefi baawa, Simooni baawa; qassi intte Biniyaama efaana koyeeta. Ubbabai taayyo tiraara sitti giis” yaagiis.

Doomettaabaa 42:38

SHin Yaaqoobi eta, “Ta na7ai inttenaara yaa duge beenna; a ishai haiqqiichchin, attidaagee a xalaala; intte efishin, ogiyan iitabi a gakkiyaabaa gidikko, intte ta puuluntta huuphiyaa azzanuwaara duufuwan yeggana” yaagiis.

Doomettaabaa 44:28

etappe issoi taappe shaahettidi bin, “Tumu a do7i zaazzidi miis” yaagaas; hachchi gakkanaassikka taani a be7abeikke.

Doomettaabaa 45:25

Eti Gibxxeppe kiyidi biidosona; Kanaane biittaa biidi, bantta aawaa Yaaqoobakko gakkidosona.

Doomettaabaa 48:11

Israa7eeli Yooseefa, “Taani ne som77uwaa be7ana gaada qoppabeikke; shin Xoossai hekko ne naatakka tana bessiis” yaagiis.

Iyyooba Maxaafaa 29:24

Eti hirggi uttidaashin, taani ta som77uwaa pashkkissaas; hegan eti minettidosona.

Iyyooba Maxaafaa 9:16

Taani a xeesin, i taayyo koyiyaakkokka, 'Ta cenggurssaa siyiis' gaada ammanikke.

Mazamure Maxaafaa 105:21

Inne a ba keettau goda oottiisinne baayyo waanna halaqata azazana malanne ba cimata zorana mala, baayyo de7iyaabaa ubbaa bolli sunttiis.

Mazamure Maxaafaa 126:1

GODAI nuna omoodettidaageeta zaaridi, Yerusalaame ehiido wode, nuuyyo aimo milatiis.

Yoonaasa 2:7

“Taani hitido wode, nena GODAA hassayaas. Ta woosaikka neekko, ne geeshsha Beeta Maqidasiyaa gakkiis.

Luqaasa 24:11

He maccaasatu qaalai pattenna haasaya misatin, Yesuusi kiittidoogeeti ammanibookkona.

Luqaasa 24:41

Hegee eta ufaissin, eti garamettidi, biron ammananau danddayibeenna gishshau i, “Hagan aibakko inttessi miyoobi de7ii?” yaagiis.