Doomettaabaa 43:5 - Wolaytta Bible

⁵ SHin neeni a yeddennabaa gidikko, nuuni duge bookko; aissi giikko, he bitanee nuna, 'Intte ishai inttenaara xayikko, intte ta som77uwaa zaari be7ekketa' giis” yaagiis.

Doomettaabaa 43:5 Iomraidhean Croise

Doomettaabaa 42:15

Qassi intte paacettanaagee hagaana; tumuppe kawoi haiqqo; intte wurssetta kaalo ishai hagaa yaana xayikko, intte ha sohuwaappe beekketa.

Doomettaabaa 42:20

shin intte qaalaa tumayana malanne intte haiqqenna mala intte intte wurssetta kaalo ishaa taakko ehaana koshshees” yaagiis. Etinne ha yohuwaa maayidosona.

Doomettaabaa 42:38

SHin Yaaqoobi eta, “Ta na7ai inttenaara yaa duge beenna; a ishai haiqqiichchin, attidaagee a xalaala; intte efishin, ogiyan iitabi a gakkiyaabaa gidikko, intte ta puuluntta huuphiyaa azzanuwaara duufuwan yeggana” yaagiis.

Doomettaabaa 43:3

SHin Yihudai a, “He bitanee nuna, 'Intte ishai inttenaara yaana xayikko, ta som77uwaa zaari be7ekketa' yaagidi mintti yootiis.

Doomettaabaa 43:4

Neeni nu ishaa nunaara yeddikko, nuuni duge biidi neeyyo kattaa shammana.

Doomettaabaa 43:6

Yaagin Israa7eeli, “Intte, 'Nuuyyo hara ishai de7ees' giidi odidi ha metuwaa ta bolli aissi ehiidetii?” yaagiis.

Doomettaabaa 44:23

SHin neeni ne ailleta, 'Intte kaalo ishai inttenaara duge yaana xayikko, naa77antto ta som77uwaa be7ekketa' yaagadasa.

Doomettaabaa 44:25

“Yootin nu aawai, 'Guyye biidi amarida katta woommite' yaagin,

Doomettaabaa 44:26

nuuni a, 'Nuuni nu kaalo ishai nunaara biikkoppe attin, duge baanau danddayokko; aissi giikko, nu ishai kaaloi nunaara beennabaa gidikko, nuuni he bitaniyaa som77uwaa be7anau danddayokko' yaagida.

Kessaabaa 20:12

“GODAI ne Xoossai neeyyo immiyo biittan ne baree aduqqana mala, ne aawaanne ne aayyiyo bonchcha.