Doomettaabaa 4:2 - Wolaytta Bible

² Qassi a ishaa Aabeelakka yelaasu. Aabeeli dorssa heemmees; qassi Qaayeeli biittaa oottees.

Doomettaabaa 4:2 Iomraidhean Croise

Doomettaabaa 3:23

Hegaa gishshau, i ba ekettido biittaa oottana mala, GODAI Xoossai Edene Gannatiyaappe a kessiis.

Doomettaabaa 37:13

bin Israa7eeli Yooseefa, “Ne ishantti Sekeeman wudiyaa heemmiyoogaa eraasa. Haaya; taani nena etakko kiittana” yaagiis. Yaagin Yooseefi, “Eeno” yaagiis.

Doomettaabaa 4:1

Addaamee ba keettaayee Hewaaniira aqiis; a abbe ixettada attuma na7a yelaasu; “GODAI tana maaddin, attuma na7a demmaas” gaada a Qaayeela sunttaasu.

Doomettaabaa 4:3

Unddenna wodiyaappe guyyiyan, Qaayeeli ba gaden mokkida kattaappe GODAAYYO yarshshuwaa yarshshiis;

Doomettaabaa 47:3

Kawoi he ishantta, “Intte oosoi aibee?” yaagidi oichchiis. Oichchin eti kawuwaayyo, “Nuuni ne ashkkarati nu aawatuugaadankka dorssa wude heemmoos” yaagidi zaaridosona.

Doomettaabaa 9:20

Nohee goshshanchcha; i woiniyaa turaa tokettaa doommiis.

Mazamure Maxaafaa 127:3

Naati GODAAPPE imettiya imota; yeloti tumuppe woito.

Kessaabaa 3:1

Issi wode Muusee Midiyaama biittaa qeesiyaa, ba bolluwaa Yatiro dorssata heemmees; i he wudiyaa laaggi ekkidi bazzuwau gaxaa gakkanaashin efiis; efiidi Xoossaa deriyaa, Siinaa Deriyaa gakkiis.

Amoxa 7:15

SHin GODAI tana dorssaa wudiyaa heemmiyoosaappe ekkidi, 'Baada ta asau Israa7eelau hananabaa yoota' yaagiis.

Luqaasa 11:50

Aabeela woroosappe doommidi, yarshshiyoosaappenne Beeta Maqidasiyaappe gidduwan worido Zakkaariyaasa wodiyaa gakkanaashin, sa7ai merettoosappe doommidi gukkida hananabaa yootiya ubbatu suuttaa gishshau, ha wodiyaa asai qaxxayettanau bessees; ee, ha wodiyaa asai qaxxayettanau bessees.

Yohaannisa 8:44

Intte intte aawaa xalahe halaqaa naata; qassi intte intte aawai amottiyoobaa oottanau koyeeta. I kaseppe doommidi, shemppo woridaagaa; tumatetti aani bainna gishshau, tumatettaakko shiiqi erenna. I wordduwaa haasayiyo wode, baappe haasayees; aissi giikko, i worddanchchanne qassi wordduwaukka aawa.

Koiro Yohaannisa 3:10

Xoossaa naatu giddooninne xalahe halaqaa naatu giddon de7iya dummatettai hagan erettees; xillobaa oottenna urai woikko ba ishaa siiqenna urai ooninne Xoossaa Na7a gidenna.

Koiro Yohaannisa 3:12

Nuuni Qaayeela mala gidanau bessenna. Qaayeeli xalahe halaqaassa; yaanidi ba ishaa woriis. I ba ishaa aissi woridee? I oottido oosoi iita gidin, a ishai oottido oosoi lo77o gidido gishshau woriis.

Koiro Yohaannisa 3:15

Ba ishaa ixxiya ooninne shemppo woridaagaa; qassi shemppo woridaagan merinaa de7oi bainnaagaa intte ereeta.