Doomettaabaa 39:3 - Wolaytta Bible

³ GODAI aara de7iyoogaanne GODAI i oottidobaa ubbaa ayyo injjeyiyoogaa PHoxiifaari be7ido wode,

Doomettaabaa 39:3 Iomraidhean Croise

Doomettaabaa 21:20

Na7ai dicciyo wode, Xoossai aara gidiis; i bazzuwan de7idi, wonddafiyaa dukkiya asa gidiis.

Doomettaabaa 21:22

He wode, Abimeleki ba wotaaddaratu halaqaa Pikoolaara Abrahaamakko biidi, “Neeni oottiyo ubbaban Xoossai nenaara de7ees.

Doomettaabaa 21:23

Neeni ta bolli woikko ta naatu bolli woikko ta zerettaa bolli genebaa oottenna mala, ha77i hagan, Xoossaa sinttan taayyo caaqqa; taani neeyyo kehidoogaadan, neenikka taayyoonne neeni imattatettan de7iyo ha biittaayyo keha” yaagiis.

Doomettaabaa 26:24

He biido gallassi qammikka GODAI ayyo qonccidi a, “Taani ne aawaa Abrahaama Xoossaa; taani nenaara de7iyo gishshau, neeni yayyoppa; taani nena anjjana; ta ashkkaraa Abrahaama gishshau ne zerettaa taani corayana” yaagiis.

Doomettaabaa 26:28

Yaagin eti a, “GODAI nenaara de7iyoogaa nuuni qoncciyan be7ida. Hegaa gishshau caaqo maachchai nu giddooninne ne giddon de7ana koshshees yaagoos. Nuuni nena bochchibookko; shin nuuni neeyyo kehatetta xalaalaa oottidi, nena sarotettan moissi yeddida. Hegaadankka neeni nu bolli iitabaa oottenna mala, ane nenaara maachchaa maacettoos. Ha77i neeni GODAI anjjidoogaa” yaagidosona.

Doomettaabaa 30:27

SHin Laabaani a, “Taani neeyyo issibaa odais; GODAI ne gaasuwan tana anjjidoogaa taani be7aas.

Doomettaabaa 30:30

Taani yaanaappe kase neeyyo de7iya guuttai ha77i keehi dariis; GODAI nena taani aadhdhidosan ubban anjjiis. SHin ha77i, taani ta so asau oottanai audee?” yaagiis.

Doomettaabaa 39:2

GODAI Yooseefaara de7ees; hegaa gishshau, i oottiyoobaa ubbaa ayyo injjeyiis; yaatin ba godaa, Gibxxiyaa son de7iis.

Doomettaabaa 39:21

SHin Yooseefi yan qasho keettan de7iyo wode, GODAI aara de7ees. I ayyo qarettiis; qasho keettaa halaqaa sinttan ayyo nashuwaa immiis.

Doomettaabaa 39:23

Qasho keettaa halaqai Yooseefa kushiyan de7iyaabau aibaunne hirggenna; aissi giikko, GODAI aara de7ees; i oottiyoobaakka ubbaa ayyo injjeyiis.

Kawotu Maxaafaa Naa77anttuwaa 18:7

GODAI aara issippe gidiis; yaatin i oottiyoobai ubbai ayyo injjetiis. I Asoore kawuwaa bolli makkaliis; makkalidi ayyo haarettennan ixxiis.

Hanidabaa Odiya Koiro Maxaafaa 22:13

GODAI Muuse baggaara Israa7eela azazido azazuwaanne wogaa naagiyaabaa gidikko, ubbai neeyyo hanana. Aikko baa minna! Yayyoppa woikko dagammoppa!

Hanidabaa Odiya Koiro Maxaafaa 9:20

El77aazara na7ai Piinihaasi beni wode Qoraaha yaratu halaqaa; GODAI aara de7iis.

Hanidabaa Odiya Naa77antto Maxaafaa 1:1

Daawita na7ai Kawoi Solomoni ba kawotettaa minttiis. GODAI a Xoossai aara gididi, a keehippe gitayiis.

Hanidabaa Odiya Naa77antto Maxaafaa 26:5

Xoossaa yashshatettaa bana tamaarissida Zakkaariyaasi paxa de7ido wodiyan, Xoossaassi i ammanettidi oottiis. GODAASSI i oottido wode ubban, Xoossai a anjjiis.

Nahimiyaa Maxaafaa 2:20

Taani zaarada, “Saluwaa Xoossai nuuyyo injjeyana; nuuni a ashkkarati gimbbiyaa doommana. SHin Yerusalaamen de7iyaabaappe inttena gakkiya shaaho gidin, maata gidin, woikko intte dogettennaadan qofissiyaabi intteyyo baawa” yaagaas.

Mazamure Maxaafaa 1:3

Hegee goggiya haattaa xaphuwan tokettidi, aifiyoo aginan aifiya, ba haittaakka qoqqofenna mittaa mala. I oottiyo ubbai au hanees.

Zakkaariyaasa 8:23

“Ubbaappe Wolqqaama GODAI hagaadan yaagees; 'He gallassatun dumma dumma qaalan haasayiya kawotettatu ubbaappe tammu asati yiidi, issi Aihuda bitaniyaa maayuwaa macaraa oiqqidi, “Xoossai inttenaara de7iyoogaa nuuni siyido gishshau, ane nuunikka nenaara boos” yaagana' yaagees” yaagiiddi yiis.

Maatiyoosa 5:16

Hegaadankka, asi intte oottiyo lo77o oosuwaa be7idi, saluwan de7iya intte Aawaa galatana mala, intte poo7oi asa sinttan poo7o.

Koiro Qoronttoosa 16:2

Intte taani yaa biyo wode, miishshaa shiishshenna mala, intte ubbai Woggaa gallassi gallassi, intte demmiyo keenaappe intte keettan dagayite.

Zaarettido Wogaa 2:7

“GODAI intte Xoossai intte oottidobaa ubbaa anjjiis; intte ha gooba bazzuwan hemettiyo wode, inttena naagiis. Ha oitamu laitta ubban GODAI intte Xoossai inttenaara de7iis. Aibanne intteyyo pacissibeenna.

Yaasu Maxaafaa 1:9

Minna; xala! Ne biyo soho ubban taani GODAI ne Xoossai nenaara de7iyo gishshau, yayyoppa! Hirggoppa! Hagaa ubbaa taani nena azazaas” yaagiis.

Ajjuutaa 3:9

Be7a, Aihuda gidokkona shin banttana, ‘Nuuni Aihuda’ giidi worddotiya Seexaana Aihuda woosa keettata taani ehaada, ne sinttan goinissananne nena siiqiyoogaakka eta erissana.

Sameela Maxaafaa Koiruwaa 18:14

GODAI Daawitaara issippe de7iyo gishshau, i oottiyoobai ubbai ayyo injjetiis.

Sameela Maxaafaa Koiruwaa 18:28

Saa7ooli GODAI Daawitaara issippe de7iyoogaanne a na7iyaa Miikaala Daawita siiqiyoogaa eriis.

Sameela Maxaafaa Koiruwaa 3:19

Sameeli dicciyo wode GODAI aara de7ees; Sameeli haasayidobaappe issi qaalinne sa7an wodhdhenna.