Doomettaabaa 32:2 - Wolaytta Bible

² Yaaqoobi eta be7ido wode, “Hagee Xoossai aqiyoosaa” yaagidi, he sohuwaa Maahinaima giidi sunttiis.

Doomettaabaa 32:2 Iomraidhean Croise

Sameela Maxaafaa Naa77anttuwaa 17:24

Daawiti Maahinaima katamaa gakkido wode, Abeseloominne aara de7iya asai ubbai Yorddaanoosa SHaafaa pinnidosona.

Sameela Maxaafaa Naa77anttuwaa 2:12

Neera na7aa Abaneerinne Saa7oola na7aa Yaabustte asai Maahinaimappe Gabaa7oona katamaa biidosona.

Sameela Maxaafaa Naa77anttuwaa 2:8

Saa7oola olanchchatu gadaawai Neera na7aa Abaneeri Saa7oola na7aa Yaabustta ekkidi, Maahinaima giyo sohuwaa efiis.

Kawotu Maxaafaa Koiruwaa 2:8

“Taani Maahinaima katamaa biido wode, tana iita qanggettaa qanggida Biniyaama biittan Baahuriima katamaappe yiida Geera na7aa SHim77i nenaara de7iyoogaa hassaya. I tanaara gaittanau Yorddaanoosa SHaafaa duge yiido wode, 'Taani nena worikke' gaada GODAN ayyo caaqqaas.

Kawotu Maxaafaa Koiruwaa 4:14

Iddo na7ai Ahinaadaabi Maahinaima giyo biittaa heemmiyaagaa.

Kawotu Maxaafaa Naa77anttuwaa 6:17

Hegaappe guyyiyan Elssaa7i, “Abeet GODAU, i be7anaadan a aifiyaa poga” yaagidi woossiis. Woossin GODAI Elssaa7a ashkkaraa aifiyaa pogin, Elssaa7a yuusho ubban de7iya tamaa paratinne paraa gaaretinne keraa maayidaageeta be7iis.

Hanidabaa Odiya Koiro Maxaafaa 12:22

Daawita olanchchati Xoossaa olanchchatudan corattana gakkanaashin, a maaddiya asai gallassi gallassi gujettees.

Mazamure Maxaafaa 103:21

Inttenoo saluwan de7iya minotoo, a sheniyaa oottiya ashkkaratoo, GODAA galatite!

Mazamure Maxaafaa 148:2

Inttenoo, a kiitanchchatoo, ubbai a galatite. Saluwan de7iya a olanchchatoo, ubbai a galatite.

Mazamure Maxaafaa 24:10

Ha bonchcho kawoi oonee? Ha bonchcho kawoi Ubbaappe Wolqqaama GODAATTENNEE!

Mazamure Maxaafaa 34:7

GODAA kiitanchchai GODAASSI yayyiya asata naagees; i eta yuushuwan gididi, eta ashshees.

Siiquwaa Sabaa 6:13

“Nenoo SHulaame biittaappe yiidaaree, haaya; haa simma! Nena nu loittidi xeellana; haa simma!” yaagidosona. “Daro asaa sinttan yexxiya asaadan, taakko aissi xeelleetii?” yaagaasu.

Daaneela 10:20

Yaagin i zaaridi, “Taani neekko aibissi yiidaakko erai? Ha77i taani simmada baada, Parsse halaqa gidiya ayyaanaara olettana; qassi taani bin, Giriike halaqa gidiya ayyaanai yaana.

Luqaasa 2:13

Akeekennan he kiitanchchaara daro saluwaa kiitanchchati kiyidi beettidosona.

Yaasu Maxaafaa 21:38

Qassi Gaada zaretuppe asa worida asi baqati biidi attiyo, Gala7aaden de7iya Raamootanne a hentta gadeta, Maahinaimanne a hentta gadeta,

Yaasu Maxaafaa 5:14

Yaagin bitanee, “Taani o baggakka gidikke. SHin taani GODAA olanchchatu gadaawa gidada ha77i yaas” yaagiis. Yaagin Yaasu sa7an kunddi goinnidi, “Ta godai ba ashkkaraayyo yootiyoobai aibee?” yaagiis.