Doomettaabaa 32:10 - Wolaytta Bible

¹⁰ neeni ne ashkkaraayyo oottido kehatettaunne tumatettau ubbau taani bessennaagaa. Taani ha Yorddaanoosa SHaafaa pinnido wode, taayyo issi xam77a xalaalai de7ees; shin ha77i taani naa77u cita gidaas.

Doomettaabaa 32:10 Iomraidhean Croise

Doomettaabaa 18:27

Hegaappe guyyiyan Abrahaami, “Taani biittanne bidintta gidaidda ta Godaara xalan haasayanau simmi doommaichchaas;

Doomettaabaa 24:12

Yaatidi i hagaadan yaagidi woossiis; “GODAU, ta godaa Abrahaama Xoossau, hachchi taani qoppada yiidobaa tau injjeya; qassi ta godaa Abrahaamayyo kehabaa ootta.

Doomettaabaa 24:27

hagaadan yaagiis; “Ta godaayyo kehiyoogaanne ammanettiyoogaa aggibeenna GODAI, ta godaa Abrahaama Xoossai galatetto! Taani yiishin, GODAI tana ta godaa dabbotu soo kaalettiis” yaagiis.

Doomettaabaa 28:13

gayyiyaassi bolla xeeran GODAI eqqidi a, “Taani GODAA, ne aawaa Abrahaama Xoossaa, Yisaaqa Xoossaa. Ha neeni zin77ido biittaa neeyyoonne ne zerettaayyo immana;

Doomettaabaa 28:15

Taani nenaara de7ais; neeni biyoosa ubban taani nena naagana; qassi taani nena ha biitti guyye zaarada ehaana; taani neeyyo oottana giidoogaa oottana gakkanaassi nena yeggikke” yaagiis.

Doomettaabaa 30:43

Hagaadan hanidi, Yaaqoobi keehi daro duretidi, daro wudiyaa, macca ashkkaratanne attuma ashkkarata, daro gaameelatanne hareta haariis.

Doomettaabaa 31:3

He wode GODAI Yaaqooba, “Neeni ne aawatu biitti, ne dabbotukko guyye simma; taani nenaara gidana” yaagiis.

Doomettaabaa 32:5

Taayyo miizzainne haree, dorssainne deeshshai, attuma ashkkaratinne macca ashkkarati de7oosona; ha77i taani ha kiitaa ta godaa sinttan nashettana mala kiittaas” yaagiis' yaagite” yaagiis.

Doomettaabaa 32:7

Yaagin Yaaqoobi yayyidi batibatiis; banaara de7iya asaa naa77u citan shaakkiis; qassi ba dorssaa, deeshshaa, miizzaanne gaameelaa naa77u citan shaakkiis.

Sameela Maxaafaa Naa77anttuwaa 17:24

Daawiti Maahinaima katamaa gakkido wode, Abeseloominne aara de7iya asai ubbai Yorddaanoosa SHaafaa pinnidosona.

Sameela Maxaafaa Naa77anttuwaa 7:18

Hegaappe guyyiyan, Kawoi Daawiti dunkkaaniyaa gelidi, GODAA sinttan uttiis. Uttidi hagaadan yaagidi woossiis; “Abeet Ubbaa Haariya GODAU, neeni hagaa ubbaa taayyo oottanau taani oonee? Ta so asaikka aibee?

Iyyooba Maxaafaa 17:9

Gidikkonne, xilloti bantta ogiyaappe yaakka haakka simmokkona; suureti wolqqaa gujji gujji boosona.

Iyyooba Maxaafaa 8:7

Ne doomettai guutta milatikkonne, ne wurssettai keehippe darana.

Mazamure Maxaafaa 16:2

Taani GODAAYYO, “Neeni ta Godaa; taani neeppe ekkiyobaappe attin, taayyo lo77obai baawa” yaagais.

Mazamure Maxaafaa 18:35

Tana ashshiya ne gonddalliyaa neeni taayyo immadasa. Ne ushachcha kushee tana zemppissees; ne lo77o ohettai tana gitayees.

Mazamure Maxaafaa 61:7

I Xoossaa sinttan merinau kawoto; aggenna ne siiquwaaninne ne tumatettan neeni a naaga.

Mazamure Maxaafaa 8:5

A neeni kiitanchchatuppe amaridaagaa ziqqissadasa; bonchchuwaanne gitatettaa akiliiliyaa a huuphiyan wottadasa.

Mazamure Maxaafaa 84:7

Eti biyo wode, wolqqaa gujji gujjidi baana. Eti xoossatu Xoossaa Xiyoonen be7ana.

Mazamure Maxaafaa 85:10

Aggenna siiqoinne tumatettai issippe gaittana. Xillotettainne sarotettai issippe yerettana.

Leemiso Maxaafaa 4:18

Xillotu ogee gallassai seetana gakkanaashin, gujji gujji poo7iya maallado xalqqiyaa mala.

Isiyaasa 6:5

Yaatin, taani, “Taayyo aayye7ana! Taani bayaas; aissi giikko, taani doonai tunida asa; qassi doonai tunido asatu giddon de7ais; shin taani Kawuwaa, Ubbaappe Wolqqaama GODAA ta aifiyan be7aas” yaagaas.

Isiyaasa 63:7

GODAI nuussi oottido ooso ubbaa gishshatau, GODAA aggenna siiquwaanne a galataa taani yootana; ee, ba maarotaaninne ba kehatettaa daruwan Israa7eela asaassi i immido cora lo77obaa taani yootana.

Mikiyaasa 7:20

Neeni beniisappekka doommada nu maizza aawatussi geppada caaqqidoogaadan, Abrahaamanne Yaaqooba zare gidida ne asaassi ne ammanettiyoogaanne ne aggenna siiquwaa bessana.

Luqaasa 17:10

Hegaadan inttekka azazettido ubbabaa oottido wode, ‘Nuuni pattenna aille; nu ooso xalaalaa oottida’ yaagite” yaagiis.

Luqaasa 5:8

SHin Simooni PHeexiroosi hegaa be7ido wode, Yesuusa tohuwan kunddidi, “Godau, taani nagaranchcha gidido gishshau, taappe shaahetta” yaagiis.

Naa77antto Qoronttoosa 12:11

Taani ceeqettidoogan eeyyaas; shin hegaa intte tana wolqqan ootissideta; aissi giikko, intte tana galatanau bessees; taani aibanne gidana xayikkokka, Yesuusi kiittido ubbaappe aadhdhiyaageetuppe laafikke.

Zaarettido Wogaa 8:18

SHin neeni GODAA ne Xoossaa hassaya; aissi giikko, hachchi neeni be7iyoogaadan, ne maizza aawatuura maacettido maachchaa minttanau, neeni duretaa demmanaadan neeyyo wolqqaa immidaagee attennee.

Koiro PHeexiroosa 5:5

Hegaadankka yelaga asatoo, cimatuyyo haarettite. Ubbaikka issoi issuwau oottanau intte huuphiyaa kaushshiyoogaa afaladan maayite. Aissi giikko, Xoossai otorettiyaageeta ixxees; shin banttana kaushshiyaageetuyyo aaro kehatettaa immees.