Doomettaabaa 31:11 - Wolaytta Bible

¹¹ Xoossaa kiitanchchai aimuwan tana, 'Yaaqoobaa' yaagiis; yaagin taani, 'Yee' yaagada koyaas.

Doomettaabaa 31:11 Iomraidhean Croise

Doomettaabaa 18:1

Abrahaami Mamire wolatu gitatu garssan ba dunkkaaniyaa penggen seeta gallassan uttidaashin, GODAI ayyo qoncciis.

Doomettaabaa 18:17

GODAI he wode, “Taani ta oottana haniyoobaa Abrahaamappe qosikke.

Doomettaabaa 22:1

Hegaappe simmin, Xoossai Abrahaama paacciis; i a, “Abrahaamaa” yaagidi xeesiis. Xeesin i, “Yee” yaagidi koyiis.

Doomettaabaa 22:11

SHin GODAA kiitanchchai saluwaappe a, “Abrahaamaa, Abrahaamaa” yaagidi xeesiis. Xeesin i, “Yee” giidi koyiis.

Doomettaabaa 22:15

GODAA kiitanchchai saluwaappe naa77anttidi Abrahaama xeesidi yaagiis;

Doomettaabaa 31:10

“Meheti orggiyau eqqiyo aginan, taani issi aimo aimottaas; he aimuwan taani xeelliyo wode, wudiyaa birassiya deeshsha orggeti kalaade, punccarenne gazza.

Doomettaabaa 31:13

Neeni essido shuchchaa tiyada, taayyo shiiqettido Beeteele Xoossai tana. Ha77i dendda! Denddada ha biittaappe kiya; kiyada guyye ne yeleta biitti simma' yaagiis” yaagiis.

Doomettaabaa 31:24

He wode Xoossai qammi Sooriyaa Laabaanakko aimuwan yiidi a, “Neeni Yaaqooba bolli iita gidin, keha gidin, ainne haasayennaadan nena era!” yaagiis.

Doomettaabaa 31:5

I eta, “Intte aawaa som77oi taayyo kaseegaa mala gidennaagaa taani be7ais; shin ta aawaa Xoossai tanaara de7ees.

Doomettaabaa 37:5

Yooseefi aimo aimottidi, ba ishanttuyyo yootiis; yootin eti a yaa darissidi ixxidosona.

Doomettaabaa 46:2

Yarshshin Xoossai qammi aimuwan a, “Yaaqoobaa, Yaaqoobaa” yaagiis. Yaagin i, “Yee” giidi koyiis.

Kessaabaa 3:4

I be7anau yaa biidoogaa GODAI be7iis; be7idi Xoossai buuraa giddoppe a, “Muusee! Muusee!” yaagidi xeesiis. Xeesin Muusee, “Yee!” giidi koyiis.

Isiyaasa 58:9

He wode intte xeesana; xeesin GODAI intteyyo koyana. Intte maaduwaa ekkanau waassana; waassin GODAI, 'Hekko, taani hagan de7ais!' yaagana. “Intte giddoppe intte huqqunniyo qambbaraa diggikko, qassi biradhdhiyan malaatiyoogaanne iitabaa haasayiyoogaa aggikko,

Qoodaabaa 12:6

i eta, “Ta yootiyoogaa siyite: Intte gidduwan hananabaa yootiyaagee de7ikko, taani GODAI tana ayyo ajjuutan qonccissais; taani ayyo aimuwan yootais.

Maatiyoosa 27:19

PHilaaxoosi pirdda keettan uttidaashin, a machchiyaa ayyo, “He xillo bitaniyaa ainne oottoppa; aissi giikko, taani hachchi qammi aimuwan aban daro waayettaas” yaagada kiittaasu.

Sameela Maxaafaa Koiruwaa 3:16

Eeli Sameela, “Ta na7au Sameelaa” yaagidi xeesiis. Xeesin Sameeli, “Yee” giidi koyiis.

Sameela Maxaafaa Koiruwaa 3:4

Xiskkidaashin GODAI Sameela xeesiis; xeesin Sameeli, “Yee!” giidi koyiis.

Sameela Maxaafaa Koiruwaa 3:6

Qassikka GODAI, “Sameelaa” yaagidi naa77anttuwaa xeesiis; xeesin Sameeli denddidi, Eelakko biidi, “Neeni xeesin hekko yaas” yaagiis. SHin Eeli, “Ta na7au, taani nena xeesabeikke; baada zin77a” yaagiis.

Sameela Maxaafaa Koiruwaa 3:8

GODAI Sameela heezzanttuwaa xeesiis; xeesin denddidi, Eelakko biidi, “Neeni xeesin hekko yaas” yaagiis. Hegan GODAI na7aa xeesiyoogaa Eeli akeekiis; akeekido gishshau,