Doomettaabaa 3:19 - Wolaytta Bible

¹⁹ Neeni biittau simmana gakkanaassi, daafuran ne som77oi cawattin oottido ne qumaa maana; aissi giikko, neeni biittaappe ekettadasa; neeni baana; neeni baanau simmana” yaagiis.

Doomettaabaa 3:19 Iomraidhean Croise

Doomettaabaa 18:27

Hegaappe guyyiyan Abrahaami, “Taani biittanne bidintta gidaidda ta Godaara xalan haasayanau simmi doommaichchaas;

Doomettaabaa 2:7

Hegaappe guyyiyan, GODAI Xoossai biittaa baanaappe issi asa medhdhiis; medhdhidi a siiriyan de7o shemppuwaa shemppi gelissiis; yaatin bitanee paxa de7iya asa gidiis.

Doomettaabaa 23:4

“Taani intte giddon betenne imatta; ta keettaayee ahaa mooganau taayyo intte gadiyaappe makkaanaa baizzerkketii!” yaagiis.

Doomettaabaa 3:18

Biittai neeyyo agunttanne kinddiichchuwaa mokkana; neeni bazzon mokkidabaa maana.

Doomettaabaa 5:5

Addaamee muleera 930 laittaa de7idi haiqqiis.

Iyyooba Maxaafaa 1:21

hagaadan yaagiis; “Taani ta aayee uluwaappe kallo yelettaas; haiqqiyoodekka taani ekkada biyoobi baawa. GODAI immiis; GODAI zaaridi ekkiis. GODAA sunttai galatetto” yaagiis.

Iyyooba Maxaafaa 10:9

Neeni tana urqqaappe medhdhidoogaa hassaya. Yaatin, ha77i tana baanaadan liiqissanau hanai?

Iyyooba Maxaafaa 19:26

Ta gogai meetetti wurikkonne, taani ta ashuwaappe shaahettada, Xoossaa be7anaagaa erais.

Iyyooba Maxaafaa 21:26

Haiqqidi eti naa77aikka issi mala biittan moogettoosona; eta naa77aakka guxuneti kammoosona.

Iyyooba Maxaafaa 34:15

asho maayida ubbai issippe xayana; asi biittau duge simmana.

Iyyooba Maxaafaa 4:19

Yaatin, urqqaappe merettidaageetun, eta de7uwaa baasoi baanaa gididoogeetun, bil77aappekka eesuwan haiqqiyaageetun ai keena daro mooroi beettanddeeshsha!

Mazamure Maxaafaa 103:14

Aissi giikko, nuuni aibippe merettidaakkonne i erees; nuuni biitta gidiyoogaa i akeekees.

Mazamure Maxaafaa 104:23

He wode asai ba oosuwaayyo kiyees; sa7ai qammana gakkanaassi oottees.

Mazamure Maxaafaa 104:29

Neeni ne som77uwaa genttiyo wode dagammoosona. Ne shemppuwaa neeni ekkiyo wode haiqqidi, bantta biittau simmoosona.

Mazamure Maxaafaa 127:2

Neeni maallado guuran denddiyoogee, omarssi qamissada zin77iyoogee, qumassi hirggada tuggatiyoogee coo mela; aissi giikko, GODAI ba siiqiyoogeetau qumaa immees.

Mazamure Maxaafaa 22:15

Ta qooree kon77adan melees; ta inxxarssai kookkiyaara ohettees. Neeni tana haiqqida asadan baanan yeggadasa.

Mazamure Maxaafaa 22:29

Sa7an de7iya dure asati ubbai maananne ayyo goinnana. Banttana haiquwaappe ashshanau danddayennaageetinne baanau laamettiyaageeti ubbati ayyo gulbbatana.

Mazamure Maxaafaa 90:3

Neeni asaa naata, “Asaa naatoo, guyye biittau simmite” yaagada, eta guyye eti merettido biittau zaaraasa.

Leemiso Maxaafaa 21:16

Akeeka ogiyaappe haddirida uraa haiqoi naagees.

Eranchchaa Maxaafaa 1:13

Taani biittan sa7an de7iyaabaa ubbaa qora qorada eranaunne aadhdhida eratettan pilgga xeellanau ta qofaa qachchaas. Yaatada asaa ubbaassi Xoossai immido de7oi keehippe daafurssiyaabaanne ufaissennabaa gidiyoogaa akeekaas.

Eranchchaa Maxaafaa 1:3

Ba de7iyoosan ubban, asi daafuridi oottiyooban ubban ayyo woree aibee?

Eranchchaa Maxaafaa 12:7

biittai kase ba ekettido biittaakko simmennan, shemppoikka bana immida Xoossaakko simmidi beennan de7ishin, nena Medhdhidaagaa qoppa.

Eranchchaa Maxaafaa 3:20

Eti naa77aikka issi sohuwaa boosona; naa77aikka biittaappe merettido gishshau, biittau simmoosona.

Eranchchaa Maxaafaa 5:15

Asi ubbi koiro kallo yelettidoogaadan, mela kushiyaara simmidi baana. Ai keenaa i daafuridi oottikkonne, ba daafuridobaappe ekkidi biyoobi aibinne baawa.

Daaneela 12:2

Kase haiqqidi moogettida asaappe daroti denddana. Etappe baggati merinaa de7uwau, baggati qassi yeellaunne merinaa kaushshau denddana.

Koiro Qoronttoosa 15:47

Koiro Addaamee biittaappe merettiis; i biittaappe merettidaagaa. Naa77antto Addaamee saluwaappe yiis.

Efisoona 4:28

Wuuqqiya urai hagaappe sinttau wuuqqoppo; shin hegaa aggidi, hiyyeesata maaddanau, ba kushiyan lo77obaa oottiiddi daafuro.

Koiro Tasalonqqe 2:9

Ta ishatoo, nu oosuwaanne nu daafuraa intte akeekeeta; intteyyo Xoossaa wonggeliyaa mishiraachchuwaa yootiiddi, inttena ainne waayissenna mala, qamminne gallassi nuuni oottida.

Naa77antto Tasalonqqe 3:10

Aissi giikko, nuuni harai atto inttenaara de7iiddikka, “Oottanau koyenna urai ooninne mooppo” yaagidi inttena azazida.

Ibraawe 9:27

Asai ubbai issitoo haiqqanau bessees; hegaappe guyyiyan Xoossai asaa pirddana.