Doomettaabaa 28:3 - Wolaytta Bible

³ Ubbaa Danddayiya Xoossai nena anjjo; i nena yeletisso; neeni issi dere asa keena gakkanaassi nena corisso.

Doomettaabaa 28:3 Iomraidhean Croise

Doomettaabaa 1:28

Xoossai eta hagaadan yaagidi anjjiis; “Yelettite; corattite; ha sa7aa kumitenne haarite; abbaa moliyaa, saluwaa kafuwaanne biittaa bolli woxxi qaaxxiya, paxa de7iya mereta ubbaa haarite” yaagiis.

Doomettaabaa 13:16

taani ne zariyaa sa7aa shafiyaadan darissana; ooninne sa7aa shafiyaa qoodana danddayikko, ne zareekka qoodettana.

Doomettaabaa 17:20

Qassi Isimaa7eelabaa gidikkonne, neeni oichchidoogaa taani siyaas; taani akka anjjana; taani a yeletissananne a zerettaa keehi corayana; i tammanne naa77u daannata yelana; taani a zerettaa gita kawotetta oottana.

Doomettaabaa 24:60

Eti Ribiqo, “Nu michchee Ribiqee, sha7aappe sha7aa gakkanau coratta. Ne zareti bantta morkketu katamata laattona” yaagidi anjjidosona.

Doomettaabaa 26:24

He biido gallassi qammikka GODAI ayyo qonccidi a, “Taani ne aawaa Abrahaama Xoossaa; taani nenaara de7iyo gishshau, neeni yayyoppa; taani nena anjjana; ta ashkkaraa Abrahaama gishshau ne zerettaa taani corayana” yaagiis.

Doomettaabaa 26:4

Ne zerettaa saluwaa xoolinttiyaadan darissana; ha biittaa ubbaa taani etayyo immana; sa7aa kawotetta ubbai ne zerettaa baggaara anjjettana.

Doomettaabaa 27:33

Yisaaqi dagammidi kokkoriiddi; “Yaatin do7aa shankkatidoogaa ekkidi taayyo aattidaagee oonee? Taani ha77i neeni yaana sinttan maada, a anjjaichchaas; tumukka i anjjettidaagaa gidana” yaagiis.

Doomettaabaa 35:11

Qassi Xoossai Yaaqooba, “Taani Ubbaa Danddayiya Xoossaa; neeni yeletta; coratta; kawotettatinne kawotettaa asai neeppe kiyana; kawotikka ne gulbbataappe kiyana.

Doomettaabaa 41:52

Naa77antto na7aa Efireema sunttiis; aissi giikko, i, “Xoossai taayyo ta tuggatido biittan tana aifissiis” yaagiis.

Doomettaabaa 43:14

I hinkko intte ishaa yeddana mala, Biniyaaminne inttenaara yaana mala, Ubbaa Danddayiya Xoossai he bitanee intteyyo qarettanaadan ootto. Tana gidikko, ta naatuppe mela attikkonne attaas” yaagiis.

Doomettaabaa 48:3

Yaaqoobi Yooseefa, “Ubbaa Danddayiya Xoossai Kanaane biittan Looza giyoosan taayyo qonccidi, yan tana anjjiis.

Doomettaabaa 48:4

I tana, 'Taani nena yeletissananne corayana; taani nena daro dere oottana. Ha biittaa taani neeppe guyyiyan, ne zerettaayyo merinaa laata oottada immana' yaagiis.

Doomettaabaa 49:25

nena maaddiya ne aawatu Xoossaa gaasuwaananne, nena bolla saluwaa anjjuwan, garssa ciimmaa anjjuwan, xanttaa anjjuwaaninne yeliya uluwaa anjjuwan anjjiya, Ubbaa Danddayiya Xoossaa gaasuwaana.

Doomettaabaa 9:1

Xoossai Nohanne a attuma naata hagaadan yaagidi anjjiis; “Yelettite; corattite; sa7a ubbaa kumite.

Mazamure Maxaafaa 127:1

GODAI keettaa keexxana xayikko, keexxiyaageeti coo mela daafuroosona. GODAI katamaa naagana xayikko, naagiyaageeti coo mela naagoosona.

Mazamure Maxaafaa 127:3

Naati GODAAPPE imettiya imota; yeloti tumuppe woito.

Kessaabaa 1:7

shin Israa7eela zerettai aifidosonanne keehi daridosona; he biittaa kumana gakkanaassi eti keehi corattidosona.

Kessaabaa 6:3

taani Abrahaamayyo, Yisaaqayyoonne Yaaqoobayyo Ubbaa Danddayiya Xoossaa gidada qonccaas; shin taani, 'GODAA' giyo ta sunttan, tanatettaa eta erissabeikke.

Naa77antto Qoronttoosa 6:18

Qassi taani intteyyo aawa gidana; inttekka taayyo attuma naatanne macca naata gidana. Taani Ubbaappe Wolqqaama Godai hagaa odais” yaagiis.

Ajjuutaa 21:22

Godai, Ubbaappe Wolqqaama Xoossainne Dorssai katamee Beeta Maqidase gidiyo gishshau, taani he katamen Beeta Maqidase be7abeikke.

Uruti Maxaafaa 2:4

He wodenkka Boo7eezi Beetaliheeme katamaappe gakki wodhdhiis; gakkidi kattaa cakkiya asaa, “GODAI intteyyo wolqqaa immo” yaagiis. Etikka zaaridi, “Nenakka GODAI anjjo” yaagidosona.