Doomettaabaa 27:28 - Wolaytta Bible

²⁸ Xoossai saluwaa akkaanne sa7aa shicaa, kattaanne ooratta woine eessaa koridi neeyyo immo.

Doomettaabaa 27:28 Iomraidhean Croise

Doomettaabaa 27:37

Oichchin Yisaaqi Eesawa, “Taani a neeyyo goda oottaas; a ishantta ubbaakka a ashkkarata oottaas; qassi taani kattaaninne ooratta woine eessan a minttaas. Yaatin, ta na7au, neeyyo taani ai oottoo?” yaagiis.

Doomettaabaa 27:39

A aawaa Yisaaqi zaaridi, “Ne de7iyoosai ha sa7aa duretettaappe haakkana; saluwaa akkaikka neeyyo wodhdhenna;

Doomettaabaa 45:18

simmidi intte aawaanne intte so asaa ekkidi, guyye taakko haa ehiite. Taani intteyyo Gibxxe biittan ubbasaappe lo77iyaasaa immin, intte ha biittaa modhdhuwaa kaashana' yaaga.

Doomettaabaa 49:20

“Aseera oittai ordde; kawotuyyo i lo77o qumaa immana.

Doomettaabaa 49:25

nena maaddiya ne aawatu Xoossaa gaasuwaananne, nena bolla saluwaa anjjuwan, garssa ciimmaa anjjuwan, xanttaa anjjuwaaninne yeliya uluwaa anjjuwan anjjiya, Ubbaa Danddayiya Xoossaa gaasuwaana.

Sameela Maxaafaa Naa77anttuwaa 1:21

“Inttenoo Gilbboo7a deretoo, intte bollan iri bukkoppo; xaazikka xaazatoppo. He biittaa goshshaikka kattaa mokkoppo; aissi giikko, yan wolqqaamaa gonddallee tunabaa kiyiis; Saa7oola gonddalleekka zaitiyan qucettiyoogaa aggiis.

Kawotu Maxaafaa Koiruwaa 17:1

Gala7aaden Tishbbe giyoosaappe yiida, hananabaa yootiya Eelaasa giyo issi bitanee Kawuwaa Akaaba hagaadan yaagiis; “Taani ayyo oottiyo GODAI Israa7eela Xoossai ero! Ha sinttaara yiya laittatun taani odennan de7ishin, sa7an iri bukkenna woikko xaazi xaazatenna” yaagiis.

Kawotu Maxaafaa Koiruwaa 5:11

Immin Solomonikka kawo keettan de7iya asai maanau laatamu sha7u konttaale gisttiyaanne oiddu xeetu sha7u litiro geeshsha wogaraa zaitiyaa laittan laittan paccennan Kiiraamayyo immiis.

Hanidabaa Odiya Naa77antto Maxaafaa 2:10

Mittaa qanxxiya ne ashkkaratuyyo taani laatamu sha7u konttaale gisttiyaanne laatamu sha7u konttaale banggaa, qassi oiddu xeetu sha7u litiro woine eessaanne oiddu xeetu sha7u litiro wogaraa zaitiyaa immana” yaagiis.

Mazamure Maxaafaa 133:3

Hegee Hermmoone Deriyaa xaazai Xiyoone Dereta gakkiyoogaa mala. GODAI hegan anjjuwaa, merinaa de7uwaa immiis.

Mazamure Maxaafaa 36:8

Eti ne so gidaappe miidi kalloosona; ne kehatettaa shaafaappe neeni eta ushshaasa.

Leemiso Maxaafaa 19:12

Kawuwaa hanqqoi gaammuwaa gudettaa mala; shin a nashettai maataa aacissiya akkaa mala.

Leemiso Maxaafaa 3:20

A eratettan shaafati goggoosona; shaaratuppekka irai bukkees.

Isiyaasa 45:8

“Inttenoo salotoo, bollappe duge xillotettaa tigite; shaaratikka a bukkona. Biittai dooyetto; dooyettin atotettaikka pude mokko. Xillotettaikka aara issippe dicco. Taani GODAI hagaa medhdhaas.

Ermmaasa 14:22

Woni kawotettatu eeqatuppe issoi ira bukissanau danddayii? Saloi ba sheniyan diifiyaa duge kiittanau danddayii? Danddayenna! Abeet GODAU, nu Xoossau, hegaa danddayiyaagee nena! Hagaa ubbaa oottiyaagee nena gidiyo gishshau, nuuni nenan ufaissaa oottoos.

Yuu7eela 2:19

GODAI zaaridi ba asaa hagaadan yaagana; “Be7ite, taani intteyyo kattaa, woine eessaanne zaitiyaa inttena adda kalissiyaagaa yeddana; taani inttena mulekka kawotettatu giddon boriyoobaa kessikke.

Mikiyaasa 5:7

Yaaqooba zaretu atettati daro dere asaa giddon GODAI kiittido akka malanne maataa bollan wodhdhiya diife mala gidana. Akkainne diifee yaanau asaa azazuwaa naagennaagaadan, Israa7eela asaikka GODAAPPE attin, asaa naagenna.

Zakkaariyaasa 8:12

“Eti bantta zerettaa saruwan zerana; eta woiniyaa turaikka ba aifiyaa aifana; biittaikka kattaa darissidi mokkana; salotikka iraa bukkana. Ha asaappe attidaageetussi taani ha ubba anjjuwaa immana.

Zakkaariyaasa 9:17

Ee, eti waanida lo77onne puulanchcha gidanddonaashsha! Wodalla naata kattai, geela7o naatakka woine eessai anqqarissana.

Qoodaabaa 13:20

biittai ai mala araddakko ladakko, he biittan mitti de7iyaakko bainnaakko be7ite. Minnite! He biittan mokkidabaa aifiyaappe ekkennan yooppite” yaagiis. He wodee woine turai koiro aifiyaa aifiyo wode.

Qoodaabaa 18:12

“Eti taayyo immiyo koiro aifiyaappe lo77o wogaraa zaitiyaa ubbaa, yelaga woine eessaa ubbaanne muruta kattaa ubbaa neeyyo immais.

Roome 11:17

SHin gaden tokkido wogaraa tashiyaappe issoota issoota karidosan, nena woran mokkida wogara malaa he wogaraara gatti qachchida; qachchin neeni qassi zaitee kiyiyo wogaraa xaphuwaara issippe de7aasa.

Zaarettido Wogaa 32:2

Ta timirttee iraadan bukko; ta qaalaikka akkaadan, purcco maataa bollan wodhdhiya nazziina iraadaaninne carshshaa bollan wodhdhiya diifiyaadan wodhdho.

Zaarettido Wogaa 33:13

Yooseefa zariyaabaa hagaadan yaagiis; “GODAI iraa immiyoogan, biittaappe haattaa pulttissiyoogan, eta biittaa anjjo.

Zaarettido Wogaa 33:28

Hegaa gishshau, Israa7eela asai, saluwaa irai bukkiyoosan, qumainne woiniyaa eessai kumido biittan, bochchiyaabi bainnan sarotettan de7ana.

Zaarettido Wogaa 7:13

I inttena siiqana; inttena anjjana; intte qoodaa darissana. Qassi i intteyyo immanau intte maizza aawatuyyo caaqqido biittan intte uluwaa aifiyaa, intte biittaa aifiyaa, kattaa, woiniyaa, zaitiyaa, intte mehiyaa maratanne intte dorssaa marata corissidi anjjana.

Ibraawe 11:20

Yisaaqi wodeppe hananabau Yaaqoobanne Eesawa anjjidoogee ammanuwaana.

Yaasu Maxaafaa 5:6

Israa7eela asai GODAASSI azazettennan ixxido gishshau, Gibxxeppe kiyiyo wode laittai olau gakkido attumaasai ubbai haiqqidi wurana gakkanaashin bazzon oitamu laittaa yuuyiis. Hegeenne, GODAI eta, “Eessainne maattai goggiyo aradda biittaa, taani kase intte maizza aawatussi immana giido he biittaa intte be7ekketa” giido qaalai polettanaassa.