Doomettaabaa 26:12 - Wolaytta Bible

¹² Yisaaqi he biittan kattaa zeridi, he laittankka xeetu kushiyaa cakkiis; aissi giikko, GODAI a anjjiis.

Doomettaabaa 26:12 Iomraidhean Croise

Doomettaabaa 24:1

Abrahaami keehippe sa7aa sugidi cimiis; GODAI a ubbabankka anjjiis.

Doomettaabaa 24:35

GODAI ta godaa keehi anjjin, i duretiis; dorssaa, miizzaa, biraa, worqqaa, attuma ashkkarata, macca ashkkarata, gaameelatanne hareta ayyo immiis.

Doomettaabaa 25:11

Abrahaami haiqqidoogaappe guyyiyan, Xoossai a na7aa Yisaaqa anjjiis. He wode Yisaaqi, “Tana Be7iya De7o Xoossaa Pulttuwaa” giyo pulttuwaa matan de7ees.

Doomettaabaa 26:3

Ha biittan amaridaagaa takkashsha; taani nenaara gidana; nena anjjana; aissi giikko, ha biittaa ubbaa taani neeyyoonne ne zerettaayyo immana; taani ne aawaa Abrahaamayyo caaqqido caaquwaa minttana.

Doomettaabaa 30:30

Taani yaanaappe kase neeyyo de7iya guuttai ha77i keehi dariis; GODAI nena taani aadhdhidosan ubban anjjiis. SHin ha77i, taani ta so asau oottanai audee?” yaagiis.

Iyyooba Maxaafaa 42:12

GODAI Iyyooba wurssetta laittaa koiro laittaappe aattidi anjjiis. Iyyoobayyo tammanne oiddu sha7u dorssati, usuppun sha7u gaameelati, issi sha7u waaxa booratinne issi sha7u macca hareti de7oosona.

Mazamure Maxaafaa 67:6

Biittai kattaa mokkiis; Xoossai, nu Xoossai nuna anjjiis.

Mazamure Maxaafaa 72:16

Biittan daro kattai mokko; dereti kattan kamettona. Biittai Liibaanoosa deree mokkiyoogaadan kattaa mokko; maatai dembbaa kumiyoogaadan asai katamaa kumo.

Leemiso Maxaafaa 10:22

GODAA anjjoi dure kessees; i he duretettan meto walakkenna.

Eranchchaa Maxaafaa 11:6

Maallado guuran gidinkka omarssan, ne zerettaa zeriyoogaa aggoppa; aissi giikko, maalladoogee lo77anaa omarssaagee lo77anaa neeni erakka.

Zakkaariyaasa 8:12

“Eti bantta zerettaa saruwan zerana; eta woiniyaa turaikka ba aifiyaa aifana; biittaikka kattaa darissidi mokkana; salotikka iraa bukkana. Ha asaappe attidaageetussi taani ha ubba anjjuwaa immana.

Maatiyoosa 13:23

Aradda biittan zerettidaagee qaalaa siyidi, akeekiya asa milatees; yaatidi aifees; issoi xeetaa, issoi usuppun tammaa issoi hasttamaa aifees” yaagiis.

Maatiyoosa 13:8

Issi issi zerettai aradda biittan wodhdhidi mokkiis; issoi xeetu aifiyaa, issoi usuppun tammaa, issoi hasttamaa aifiis.

Marqqoosa 4:8

Issi issi zerettai aradda biittan wodhdhidi mokkiis; diccidi issoi hasttamaa, issoi usuppun tammaa aifin, issoi xeetaa aifiis” yaagiis.

Koiro Qoronttoosa 3:6

Taani puutiyaa tokkaas; Aphiloosi haattaa ushshiis; shin Xoossai puutiyaa dichchees.