Doomettaabaa 25:23 - Wolaytta Bible

²³ Bin GODAI iyyo, “Ne uluwan naa77u kawotettai de7ees; qassi ne giddon de7iya naa77u dere asati issoi issuwaappe shaahettana; issi dere asati hinkkootuppe minnana; qassi bairai kaaluwaayyo azazettana” yaagiis.

Doomettaabaa 25:23 Iomraidhean Croise

Doomettaabaa 17:16

Taani o anjjana; taani ippe neeyyo attuma na7a tumu immana. O taani anjjana; a kawotettatuyyo aayo gidana; asaa kawoti ippe yaana” yaagiis.

Doomettaabaa 17:4

“Simmi, taani nenaara maacettiyo maachchai hagaa; neeni daro kawotettaayyo aawa gidana.

Doomettaabaa 24:60

Eti Ribiqo, “Nu michchee Ribiqee, sha7aappe sha7aa gakkanau coratta. Ne zareti bantta morkketu katamata laattona” yaagidi anjjidosona.

Doomettaabaa 25:24

A yeliyo wodee gakkin, i uluwan mentte attuma naati de7oosona.

Doomettaabaa 25:27

Naati diccidosona; Eesawi shankkaa hiillaa eriya bazzo asa gidiis; shin Yaaqoobi dunkkaaniyan de7iya woppa asa gidiis.

Doomettaabaa 27:29

Kawotettati neeyyo haarettona; asati neeyyo gulbbatona. Neeni ne ishanttuyyo goda gida; ne aayee zareti neeyyo gulbbatona. Nena qanggiyaagee qanggettidaagaa gido; nena anjjiyaagee anjjettidaagaa gido” yaagiis.

Doomettaabaa 27:33

Yisaaqi dagammidi kokkoriiddi; “Yaatin do7aa shankkatidoogaa ekkidi taayyo aattidaagee oonee? Taani ha77i neeni yaana sinttan maada, a anjjaichchaas; tumukka i anjjettidaagaa gidana” yaagiis.

Doomettaabaa 27:37

Oichchin Yisaaqi Eesawa, “Taani a neeyyo goda oottaas; a ishantta ubbaakka a ashkkarata oottaas; qassi taani kattaaninne ooratta woine eessan a minttaas. Yaatin, ta na7au, neeyyo taani ai oottoo?” yaagiis.

Doomettaabaa 27:40

neeni ne bisuwan aqana; neeni ne ishaayyo haarettana. SHin neeni aara eqettiyo wode, a qambbaraa ne morggiyaappe olana” yaagiis.

Doomettaabaa 32:6

Kiitettidaageeti Yaaqoobakko simmidi a, “Nuuni ne ishaa Eesawakko biida; ha77i i qassi nenaara gaittanau yees; aaranne oiddu xeetu asai de7ees” yaagidosona.

Doomettaabaa 33:3

SHin i ba huuphen sinttau aadhdhidi, ba ishaakko matiiddi, sa7aa gakki gakkidi laapputon ziggiis.

Doomettaabaa 36:31

Israa7eelan kawoi kawotanaappe kase Eedooma biittan kawotida kawoti hagaappe kaallidi xaafettidaageeta.

Doomettaabaa 48:19

SHin a aawai ixxidi a, “Taani erais; ta na7au, taani erais; ikka gita dere gidana. Gidikkonne a kaalo ishai appe aadhdhi gitatana; a zerettaikka daro gita kawotetta gidana” yaagiis.

Sameela Maxaafaa Naa77anttuwaa 8:14

Daawiti Eedooma biitta ubban olanchchatu qatota medhdhiis; yaatin he biittaa asai ubbai Daawitayyo haarettiis. Daawiti biido soho ubban GODAI ayyo xoonuwaa immiis.

Kawotu Maxaafaa Koiruwaa 22:47

He wode Eedooma biittan kawoi baawa; he biittaa sunttettida halaqai haariis.

Hanidabaa Odiya Koiro Maxaafaa 18:13

Hegaappe guyyiyan, Daawiti Eedooman olanchchatu qatota medhdhiis; yaatin, he biittaa asai ubbai Daawitayyo haarettiis. Daawiti biido soho ubban GODAI ayyo xoonuwaa immiis.

Abddiyyu 1:21

Ashshiyaageeti Eesawa asaa haaranau Xiyoone Deriyaa bolli kiyana; kawotettaikka GODAABAA gidana.

Qoodaabaa 20:14

Muusee Qaadeesappe Eedooma biittaa kawuwaakko, ba kiitettiyaageeta hagaadan yaagidi kiittiis; “Ne dabbo gidiya Israa7eela asai hagaadan yaagees; 'Nuna gakkida meto ubbaa neeni eraasa.

Zaarettido Wogaa 2:4

Asaa neeni hagaadan yaagada azaza; “Eedooman de7iya intte ishantta gidiya Eesawa naatu biittaara intte kantteeta. Eti intteyyo yayyana; shin intte keehi naagettite.

Zaarettido Wogaa 2:8

“Hegaa gishshau, nuuni nu ishantta gidiya Eesawa naati de7iyo Eedooma biittaara kanttidi biida. Qassi Eelaatanne Eexiyooni-Gaabira giyo katamatuppe denddidi, Maxine Abbaakko gattiya ogiyaa aggidi, Moo7aaba bazzuwaara aadhdhida.

Sameela Maxaafaa Koiruwaa 17:14

Daawiti naatu ubbaappe kaalo. Baira heezzu naati Saa7oola kaallidosona;