Doomettaabaa 24:35 - Wolaytta Bible

³⁵ GODAI ta godaa keehi anjjin, i duretiis; dorssaa, miizzaa, biraa, worqqaa, attuma ashkkarata, macca ashkkarata, gaameelatanne hareta ayyo immiis.

Doomettaabaa 24:35 Iomraidhean Croise

Doomettaabaa 12:16

Yaatin i gaasuwan kawoi Abraama lo77o aifiyan xeelliis; xeellidi Abraamayyo dorssatanne boorata, attuma haretanne macca hareta, attuma ashkkaratanne macca ashkkarata, gaameelatakka immiis.

Doomettaabaa 12:2

Taani nena gita kawotetta oottana; qassi taani nena anjjana; taani ne sunttaa gitayana; yaatin neeni anjjo gidana;

Doomettaabaa 12:3

taani nena anjjiyaageeta anjjana; qassi nena qanggiyaageeta taani qanggana; ha sa7aa bollan de7iya asai ubbai ne baggaara anjjettana” yaagiis.

Doomettaabaa 13:2

Abraami he wode mehiyan, biraaninne worqqan daro duretiis.

Doomettaabaa 24:1

Abrahaami keehippe sa7aa sugidi cimiis; GODAI a ubbabankka anjjiis.

Doomettaabaa 25:11

Abrahaami haiqqidoogaappe guyyiyan, Xoossai a na7aa Yisaaqa anjjiis. He wode Yisaaqi, “Tana Be7iya De7o Xoossaa Pulttuwaa” giyo pulttuwaa matan de7ees.

Doomettaabaa 25:5

Abrahaami babaa ubbaa Yisaaqa laatissiis.

Doomettaabaa 30:43

Hagaadan hanidi, Yaaqoobi keehi daro duretidi, daro wudiyaa, macca ashkkaratanne attuma ashkkarata, daro gaameelatanne hareta haariis.

Doomettaabaa 49:25

nena maaddiya ne aawatu Xoossaa gaasuwaananne, nena bolla saluwaa anjjuwan, garssa ciimmaa anjjuwan, xanttaa anjjuwaaninne yeliya uluwaa anjjuwan anjjiya, Ubbaa Danddayiya Xoossaa gaasuwaana.

Iyyooba Maxaafaa 1:3

Aquwaa gidikko, ayyo laappun sha7u dorssati, heezzu sha7u gaameelati, ichchashu xeetu waaxa boorati, ichchashu xeetu macca haretinne keehi daro ashkkarati de7oosona. Arshsho baggaara de7iya asa ubbaappe i aadhdhida dure asa.

Mazamure Maxaafaa 107:38

I eta anjjin, eti keehi corattidosona; eta mehiyaakka guuttibeenna.

Mazamure Maxaafaa 112:3

Aqotai duretettai a keettan de7ees; a xillotettaikka merinau de7ana.

Mazamure Maxaafaa 18:35

Tana ashshiya ne gonddalliyaa neeni taayyo immadasa. Ne ushachcha kushee tana zemppissees; ne lo77o ohettai tana gitayees.

Leemiso Maxaafaa 10:22

GODAA anjjoi dure kessees; i he duretettan meto walakkenna.

Leemiso Maxaafaa 22:4

Neeni ashkke gidikkonne GODAASSI yayyikko, duretettaa, bonchchuwaanne de7uwaa demmana.

Maatiyoosa 6:33

SHin kasetidi, Xoossaa kawotettaanne a xillotettaa koyite; i intteyyo he ubbabaa immana.

Luqaasa 12:45

SHin he ashkkarai, ‘Ta godai gam77idi yaana’ yaagidi, ba wozanan qoppidi, hara ashkkarata, attumaageetanne maccaageeta deshettaa doommikko, qassi meettaanne ushshaa doommikkonne mattottikko,

Koiro Ximootiyoosa 4:8

Aissi giikko, asai ba bollaa minttiyoogee guuttaa go77ees. SHin Xoossaa milatiyoogan lohissiyoogee ha77ikka sinttappekka de7uwaa immana giyo gishshau, ubbabaukka go77ees.