Doomettaabaa 24:21 - Wolaytta Bible

²¹ I qoppidi yiido qofaa GODAI injjeyiiddi de7iyaakkonne eranau bitanee co77u giidi o xeellees.

Doomettaabaa 24:21 Iomraidhean Croise

Doomettaabaa 24:12

Yaatidi i hagaadan yaagidi woossiis; “GODAU, ta godaa Abrahaama Xoossau, hachchi taani qoppada yiidobaa tau injjeya; qassi ta godaa Abrahaamayyo kehabaa ootta.

Doomettaabaa 24:20

Attida haattaa eesuwan wonggiriyan tigada, hara haattaa duuqqanau ollaa woxxaasu; gaameelati ubbai alana gakkanaashin, haattaa ollaappe duuqqa duuqqada ehaada wonggiriyan tigada ushshaasu.

Doomettaabaa 24:27

hagaadan yaagiis; “Ta godaayyo kehiyoogaanne ammanettiyoogaa aggibeenna GODAI, ta godaa Abrahaama Xoossai galatetto! Taani yiishin, GODAI tana ta godaa dabbotu soo kaalettiis” yaagiis.

Doomettaabaa 24:56

SHin i, “GODAI taani yiidobaa injjeyirggin, intte tana gam77issoppite; taani ta godaakko baana mala tana moissite” yaagiis.

Mazamure Maxaafaa 107:1

GODAA galatite! Aissi giikko, i keha; aggenna a siiqoi merinaassa.

Mazamure Maxaafaa 107:15

Aggenna a siiquwaayyoonne i asaassi oottido maalaalissiyaabaayyo eti GODAA galatona.

Mazamure Maxaafaa 107:43

Eranchcha gidiyaagee ha yohuwaa qoppo; GODAA aggenna siiquwaa akeeko.

Mazamure Maxaafaa 107:8

Aggenna a siiquwaayyoonne i asaassi oottido maalaalissiyaabaayyo eti GODAA galatona.

Luqaasa 2:19

Mairaama qassi ha ubba yohuwaa ba wozanaa giddon wottada, qoppaidda de7ausu.

Luqaasa 2:51

Etaara duge Naazireete biis. Yaani etassi azazettees. Mairaama ha ubba yohuwaa ba wozanan wottausu.