Doomettaabaa 21:6 - Wolaytta Bible

⁶ Saara, “Xoossai taayyo miichchaa immiis; qassi hagaa siyiya ubbai tanaara miiccana” yaagaasu.

Doomettaabaa 21:6 Iomraidhean Croise

Doomettaabaa 17:17

Yaagin Abrahaami ba som77uwan gufanniis; i miiccidi ba wozanan, “Xeetu laitta asi tumu na7a yelanee? Qassi uddufun tammu gidido Saara na7a yelanee?” yaagidi qoppiis.

Mazamure Maxaafaa 113:9

Maine maccaasiyo naatu aayyiyo oottidi, ufaissidi i keettan o bonchchissees. GODAA galatite!

Mazamure Maxaafaa 126:2

He wode nuuni daro ufaitti miiccidi, ufaissaa yettaa yexxida. Yaatin, hara kawotettati bantta giddon, “Hageetussi GODAI gitabaa oottiis” yaagidosona.

Isiyaasa 49:15

GODAI hagaadan yaagidi zaarees; “Aayyiyaa ba xanttiyo na7aa doganau danddayaiyye? Ba uluwaappe yelido na7au qarettekkeeyye? Geelladan a dogiyaakkokka, taani nena dogikke!

Isiyaasa 49:21

Yaagin neeni ne wozanan, 'Hageeta naata ubbaa taayyo oonee yelidai? Taani yelada xontta attaas shin; taani mainaas shin; taani omoodettada wora baas shin. Yaatin, hageeta oonee dichchidai? Be7a; taani tarkka attaas; yaatin hageeti naati ubbai auppe yiidonaa?' yaagana” yaagees.

Isiyaasa 54:1

GODAI hagaadan yaagees; “Bii, yelabeenna mainee, yexxa! Nenoo, maareti oiqqi erennaaree, ne qaalaa xoqqu oottada ilila! Aissi giikko, ba azinaara de7iya maccaasee naatuppe, barkka de7iya maccaasee naati darana.

Ermmaasa 20:15

Ta aawaayyo, “Neeyyo mishiraachcho; neeyyo attuma na7ai yelettiis!” yaagi yootidi, daro ufaissida bitaneekka qanggettidaagaa gido!

Luqaasa 1:14

I yelettin, neeni daro ufaittana; haratikka ufaittana.

Luqaasa 1:58

I shoorotinne i dabboti Godai maarotettan iyyo oottido lo77obaa siyidi, iira ufaittidosona.

Roome 12:15

Ufaittiyaageetuura ufaittite; yeekkiyaageetuurakka yeekkite;

Ibraawe 11:11

Saara ba huuphen harai atto ceeggaichchadakka, immana giida Xoossai ammanettidaagaa gididoogaa erido gishshau, na7a shahaaranau wolqqaa demmidoogee ammanuwaana.

Sameela Maxaafaa Koiruwaa 1:26

Haanna Eela, “Ta godau, ne de7oi ero! Ne sinttan eqqada GODAA woossida maccaasiyaa tumu tanattennee.