Doomettaabaa 2:1 - Wolaytta Bible

¹ Salotinne sa7ai etan de7iyaabai ubbabai hagaadan oosetti polettiis.

Doomettaabaa 2:1 Iomraidhean Croise

Doomettaabaa 1:1

Xoossai salotanne sa7aa koiro medhdhiis.

Doomettaabaa 1:10

Xoossai he mela sohuwaa “Biittaa” giidi sunttiis; qassi issisan eellida haattaa “Abbaa” giidi sunttiis. Yaatidi Xoossai hegee lo77o gididoogaa be7iis.

Doomettaabaa 2:4

Salotinne sa7ai merettidoogee hagaadaana. GODAI Xoossai sa7aanne salota medhdhido wode,

Kawotu Maxaafaa Naa77anttuwaa 19:15

Yaatidi GODAA hagaadan yaagidi woossiis; “Abeet GODAU, kiruubetuppe gidduwan uttiya Israa7eela Xoossau, sa7aa kawotettatu ubbaa bolli ne xalaalai Xoossaa. Saluwaanne sa7aa neeni medhdhadasa.

Hanidabaa Odiya Naa77antto Maxaafaa 2:12

Kiiraami qassikka, “GODAAYYO Beeta Maqidasiyaanne baayyo kawo keettaa keexxanaadan aadhdhida eranchcha, akeekanchchanne cincca na7aa Kawuwaa Daawitayyo immida, saluwaa sa7aa medhdhida GODAI, Israa7eela Xoossai galatetto.

Nahimiyaa Maxaafaa 9:6

Hegaappe guyyiyan, Israa7eela asai hagaadan yaagidi woossidosona; “Xoossau, ne xalaalai GODA! Neeni salotanne salotun de7iya meretata ubbaa, sa7aanne a bollan de7iya meretata ubbaanne abbatanne eta giddon de7iya meretata ubbaa medhdhadasa; ubbaassi de7uwaa immadasa. Saluwaa meretati ubbai neeyyo goinnoosona.

Iyyooba Maxaafaa 12:9

GODAA kushee hagaa oottidoogaa hageetu ubbaa giddon erennai oonee?

Mazamure Maxaafaa 104:2

Poo7uwaa afaladan quuttadasa. Neeni saluwaa dunkkaaniyaadan toladasa.

Mazamure Maxaafaa 146:6

Xoossai saluwaanne sa7aa, gita abbaanne a giddon de7iyaabaa ubbaa medhdhidaagaa; i merinaukka ammanettiyaagaa.

Mazamure Maxaafaa 33:6

GODAA qaalan saloti merettidosona. A doonaappe kiyiya shemppuwan etan de7iya awai, aginainne xoolintteti oosettidosona.

Mazamure Maxaafaa 33:9

Aissi giikko, i haasayin haniis; i azazin, minnidi eqqiis.

Kessaabaa 20:11

Aissi giikko, usuppun gallassaa giddon GODAI salota, sa7aa, abbaanne eta giddon de7iya ubbaa medhdhiis; shin laappuntta gallassan shemppiis. Hegaa gishshau, GODAI Sambbata gallassaa anjjiisinne geeshshiis.

Kessaabaa 31:17

Taani usuppun gallassatun saluwaanne sa7aa medhdhido gishshaunne qassi laappuntta gallassan taani oosuwaa aggada shemppido gishshau, ta gidduwaaninne Israa7eelatu gidduwan hagee merinau malaata gidana' yaaga” yaagiis.

Isiyaasa 34:4

Saluwaa xoolintteti ubbai seerana; saloti woraqatadan xaaxettana. Eta xoolintteti ubbai woiniyaappe haittai qoqqofettiyoogaadan, balasiyaappe aifee qoqqofettiyoogaadan qoqqofettana.

Isiyaasa 42:5

Xoossai GODAI, salota medhdhidi miccidaagee, sa7aanne sa7aappe kiyiyaabaa ubbaa oottidaagee, sa7an de7iya asau shemppuwaa immiyaagee, an hemettiya ubbau de7uwaa immiyaagee hagaadan yaagees;

Isiyaasa 45:12

Taani sa7aa oottaas; asaakka a bolli medhdhaas. Salota taani ta kushiyan tolaas; etan de7iya meretata ubbaakka azazaas.

Isiyaasa 45:18

Salota medhdhida GODAI, biittaakka giigissidi oottidaagee, qassi asi de7anaadaanappe attin, biittaa coo medhdhibeenna Xoossai hagaadan yaagees; “Taani GODAA; taappe hari baawa;

Isiyaasa 48:13

Biittaa baasuwaa ta kushee baasiis. Salotakka ta ushachcha kushee micciis. Taani eta xeesiyo wode, eti issippe eqqoosona.

Isiyaasa 55:9

Saloti sa7aappe xoqqiyoogaadan, ta ogee intte ogiyaappe xoqqees; ta qofaikka intte qofaappe xoqqees.

Isiyaasa 65:17

GODAI hagaadan yaagees; “Be7ite, taani ooratta salotanne ooratta sa7aa medhdhais; kasebai ubbai hassayettennanne qofettenna.

Ermmaasa 10:12

Ba wolqqan sa7aa medhdhidaagee, ba aadhdhida eran sa7aa essidaagee, ba akeekan salota miccidaagee a.

Ermmaasa 10:16

SHin Yaaqooba Saamaa gidiyaagee hegeeta mala gidenna. Aissi giikko, i ubbabaa medhdhidaagaa; Israa7eeli i baassi doorido zare. A sunttaikka Ubbaappe Wolqqaama GODAA.

Ermmaasa 8:2

Kiyidi eti siiqido, kiitettido, kaallido, zoriyaa oichchidonne goinnido awau, aginaunne saluwaa xoolintte ubbau micettana. Eta meqettai shiiqenna woikko moogettenna; shin biittaa bollan pito mala gidana.

Zakkaariyaasa 12:1

Hagee Israa7eelabaa yootiya GODAA qaalaa. Salota miccidaagee, sa7aakka medhdhidaagee, asaa giddonkka ayyaanaa medhdhida GODAI hagaadan yaagees;

Luqaasa 2:13

Akeekennan he kiitanchchaara daro saluwaa kiitanchchati kiyidi beettidosona.

Yesuusi Kiittidoogeetu Oosuwaa 4:24

Eti hegaa siyido wode, issi wozana gididi, Xoossaa hagaadan yaagidi woossidosona; “Ubbaa Haariya Godau, saluwaa, sa7aa, abbaanne eta giddon de7iya ubbabaa medhdhidaagoo,

Yesuusi Kiittidoogeetu Oosuwaa 7:42

SHin Xoossai etau zokkuwaa zaariis; eti saluwaa xoolinttiyaassi goinnanaadan, eta yeggi bayiis; hananabaa yootiyaageetu maxaafan, ‘Israa7eela asatoo, oitamu laittaa bazzon shukkido mehiyaanne yarshshuwaa taassi yarshshidetii?

Zaarettido Wogaa 17:3

qassi ta azazuwaa menttidi, hara xoossatuyyo goinnida uri, awaassi, woikko aginaassi, woikko saluwaa xoolinttetussi goinnida uri de7ikko,

Zaarettido Wogaa 4:19

Qassi saluwaa pude xeellidi, GODAI intte Xoossai saloppe garssaara de7iya kawotettatussi ubbaassi immido awaa, aginaa, xoolinttetanne saluwaa meretata ubbaa be7idi, intte etassi goinnidi, balennaadan naagettite.

Ibraawe 4:3

Gidikkokka, Xoossaa oosoi sa7ai merettoosappe doommin polettidaagaa gidikkokka, Xoossai, “Taani hanqqetta caaqqada, ‘Eti taani shemppiyoosaa mulekka gelokkona’ yaagaas” giidoogaadan, nuuni ammanidaageeti i shemppiyoosaa gelana.