Doomettaabaa 19:17 - Wolaytta Bible

¹⁷ Kiitanchchati eta katamaappe kessidosaarakka, he kiitanchchatuppe issoi yaagiis; “Intte shemppuwaa ekkidi baqatite! Guyye xeelloppite! Qassi ha wombban awankka eqqoppite! Deriyaakko baqatite! Hankkoode intte xayana” yaagiis.

Doomettaabaa 19:17 Iomraidhean Croise

Doomettaabaa 13:10

Yaagin Looxee yuuyi aadhdhi xeellidi, Yorddaanoosa SHaafaa wombbai ubbai biidi Zoo7aara gakkanaassi, GODAA gannatiyaa woikko Gibxxe biittaa mala daro haattai de7iyoogaa gidiyoogaa be7iis. (Hegeenne GODAI Sadoomanne Gamoora geetettiya katamata xaissanaappe kase).

Doomettaabaa 14:10

Siiddima Wombban he wode, shidaadan oiqqiyaabai kumido ollai bessiis; Sadooma kawoinne Gamoora kawoi bantta olanchchatuura olaappe baqatishin, etappe amaridaageeti he ollatun kunddidosona; shin attidaageeti deriyau baqatidosona.

Doomettaabaa 18:22

Hegaappe guyyiyan, naa77u asati Sadoomakko simmidi biidosona; shin Abrahaami GODAA sinttan eqqidosankka de7ees.

Doomettaabaa 19:18

SHin Looxee etayyo yaagiis; “CHii! Hai ta godaatoo, yaagoppite.

Doomettaabaa 19:22

SHin yaa eesuwan baqata; aissi giikko, neeni yaa gakkanaashin, taani ainne oottanau danddayikke” yaagiis. Hegaa gishshau he katamaa sunttai Xoo7aaro geetettiis.

Doomettaabaa 19:26

SHin Looxe keettaayyiyaa guyye xeellada maxine tuussa gidaasu.

Doomettaabaa 19:30

Looxee Xoo7aaron uttanau yayyido gishshau, ba macca naatu naa77aara deriyaa kiyiis; kiyidi gonggolo giddon ba naa77u macca naatuura uttiis.

Kawotu Maxaafaa Koiruwaa 1:12

Yaatikko, ha77i neeni ne shemppuwaanne ne na7aa Solomona shemppuwaa waatada ashshanaakko nena taani ane zorais.

Kawotu Maxaafaa Koiruwaa 19:3

Yaatin, Eelaasi ba shemppuwau yayyidi, Yihudaa biittan de7iya Berssaabeha yiis. Ba ashkkaraa hegan yeggiis;

Mazamure Maxaafaa 121:1

Taani xoqqu gaada wogga dereta xeellais; taayyo maadoi auppe yanddeeshsha?

Ermmaasa 48:6

Eti issoi issuwaa, 'Baqatite! Bazzon de7iya harddiidaadan woxxidi, intte shemppuwaa ashshite!' yaagana.

Qoodaabaa 16:26

Maabaraa i, “Ha iita asatu dunkkaanetuppe kichchite; etabaa gididabaa aibaanne bochchoppite. Hinkkoode eta nagaraa ubbaa gaasuwan inttekka pitetti xayana” yaagidi minttidi yootiis.

Maatiyoosa 3:7

SHin Yohaannisi daro Parisaawetinne Saaduqaaweti xammaqettanau baakko yiyaageeta be7idi, eta hagaadan yaagiis; “Ha shooshshatoo, Xoossaa hanqqoi yaana haniyaagaappe baqatana mala, intteyyo oonee odidai?

Luqaasa 12:23

Aissi giikko, shemppoi qumappe aadhdhennee? Qassi bollai maayoppe aadhdhennee?

Luqaasa 9:62

SHin Yesuusi a, “Booraa goyiiddi, guyye xeelliyai ooninne Xoossaa kawotettaassi bessenna” yaagiis.

Ibraawe 2:3

yaatin, nuuni ha gita atotettaa wudennaageeta gidikko, waanidi kessi ekkanee? Godai koiro ba huuphen ha atotettaa yootiis; qassi i yootidoogaa siyidaageeti nuuyyo geeshshidi yootidosona.

Sameela Maxaafaa Koiruwaa 19:11

Hegaappe guyyiyan, “Daawita keettaa naagidi, maallado a worite” yaagidi Saa7ooli asaa Daawita soo kiittiis. Yaatin, Daawita keettaayyiyaa Miikaala, “Hachchi qammi neeni ne shemppuwaa ashshana xayikko, wontto haiqqaasa” yaagada Daawitayyo yootaasu.