Doomettaabaa 19:16 - Wolaytta Bible

¹⁶ SHin Looxee yooqu gin, he asati a kushiyaa, a keettaayee kushiyaanne a macca naatu naa77aa kushiyaa oiqqidi, he katamaappe eta kessidosona; aissi giikko, GODAI etayyo qarettiis.

Doomettaabaa 19:16 Iomraidhean Croise

Doomettaabaa 19:15

Sa7ai wonttanau bazzoi zo77iyo wode, he kiitanchchati Looxa, “Dendda! Ne keettaayyiyoonne hagan de7iya ne naa77u macca naata ekkada eesuwan kiya! Kiyana xayikko, ha katamai pirddettiyo wode neenikka xayaasa” yaagidi dirbbanttidosona.

Doomettaabaa 43:10

Nuuni gam77ibeennabaa gidiyaakko, hannoode naa77anttuwaa yaa gakkidi simmana shin” yaagiis.

Hanidabaa Odiya Koiro Maxaafaa 16:34

GODAI keha gidiyo gishshaunne aggenna a siiqoi merinaagaa gidiyo gishshau, GODAA galatite.

Mazamure Maxaafaa 103:13

Aawai ba naatuyyo qarettiyoogaadan, hegaadankka GODAI baassi yayyiyaageetuyyo qarettees.

Mazamure Maxaafaa 106:1

GODAA galatite! I keha gidiyo gishshaunne aggenna a siiqoi merinaagaa gidiyo gishshau, GODAA galatite.

Mazamure Maxaafaa 106:8

Gidikkokka i ba sunttaa gishshau, ba gita wolqqaa erissanau eta ashshiis.

Mazamure Maxaafaa 107:1

GODAA galatite! Aissi giikko, i keha; aggenna a siiqoi merinaassa.

Mazamure Maxaafaa 111:4

I ba maalaalissiya oosoti hassayettanaadan oottiis. GODAI qarettiyaagaanne maariyaagaa.

Mazamure Maxaafaa 118:1

GODAA galatite! Aissi giikko, i keha. Aggenna a siiqoi merinaagaa.

Mazamure Maxaafaa 119:60

Taani ne azazuwaa naaganau, eesotanaappe attin takkikke.

Mazamure Maxaafaa 136:1

GODAA galatite! Aissi giikko, i keha; aggenna a siiqoi merinaagaa.

Mazamure Maxaafaa 32:10

Iitatuyyo tuggai darana; shin GODAN ammanettiyaageeta aggenna siiqoi dooddana.

Mazamure Maxaafaa 33:18

GODAA aifeti ayyo yayyiyaanne aggenna a siiquwan ufaissaa oottiya asatu bollaana.

Mazamure Maxaafaa 33:19

Hegeenne, eta haiquwaappe ashshanaassanne koshaa wodiyan paxa wottanaassa.

Mazamure Maxaafaa 34:12

Lo77o de7uwaa de7anaunne kehabaa be7ana mala, ba baree aduqqanau koyiya asi waanida asee?

Mazamure Maxaafaa 86:15

SHin abeet Godau, neeni qarettiyanne maariya Xoossaa; hanqqettanau gam77iyaagaa; aggenna siiqoinne ammanettiyoobai dariyoogaa.

Mazamure Maxaafaa 86:5

Abeet Godau, neeni kehanne atto giyaagaa; nena xeegiya ubbaayyo aggenna ne siiqoi dariyoogaa.

Kessaabaa 34:6

GODAI Muuse sinttaara hagaadan yaagidi awaajjiiddi kanttiis; “Taani GODAA; taani GODAA; qaretainne maarotai kumido Xoossaa, danddayanchchaa, aggenna siiqoi daridoogaanne daro ammanettiyaagaa.

Kessaabaa 34:7

Taani ta aggenna siiquwaa sha7atussi naagiyaagaa; iitatettaa, makkalaanne nagaraa atto yaagiyaagaa. Gidikkokka, mooranchchaa qaxxayennan aggennaagaa; aawatu nagaraa gishshau naatanne naatu naata, heezzantto yeletaanne oiddantto yeletaa gakkanaashin qaxxayiyaagaa” yaagidi awaajjiis.

Isiyaasa 63:9

Eta waayee ubban i waayettiis. A sintta kiitanchchai eta ashshiis. I eta ba siiquwaaninne ba maarotan woziis. Kase aadhdhida wodetu ubban i eta denttidi tookkiis.

Ermmaasa Zilaassaa 3:22

Hegeenne, GODAA aggenna siiquwaappe denddidaagan nuuni xayibookko. A qaretaikka mule wuri erenna;

Luqaasa 18:13

“SHin giiraa shiishshiyaagee haahuwan eqqidi, harai atto saluwaa xeellanaukka dosibeenna. SHin, ‘Xoossau, taani nagaranchcha; tana maara’ yaagidi, ba tiraa bubbuxiis.

Yohaannisa 6:44

Tana kiittida ta Aawai taakko ehiido asappe attin, taakko yaanau danddayiya asi baawa; taanikka wurssettaa gallassi a denttana.

Roome 9:18

Simmi Xoossai maarana koyiyoogaa maarees; qassi wozanaa gorddana koyiyoogaa wozanaa gorddees.

Naa77antto Qoronttoosa 1:3

Xoossaa nu Godaa Yesuus Kiristtoosa Aawaa, maarotettaa Aawaanne minttetto ubbaa Xoossaa galatai gakko;

Zaarettido Wogaa 4:31

GODAI intte Xoossai maarotettan kumida Xoossaa gidiyo gishshau, i inttena aggenna; woikko xaissenna; intte aawatussi i caaqqido maachchaakka dogenna.

Zaarettido Wogaa 5:15

Neeni Gibxxe biittan aille gidada de7idoogaa dogoppa; qassi GODAI ne Xoossai ba wolqqaama kushiyaaninne ba micettida qesiyan yaappe nena kessidoogaa dogoppa. GODAI ne Xoossai Sambbata gallassaa neeni naaganaadan, nena azazidoogeekka hegaa gishshaassa.

Zaarettido Wogaa 6:21

intte etau hagaadan yaagidi zaarite; 'Nuuni Gibxxe biittan Gibxxe kawuwaa ailleta; shin GODAI ba mino kushiyan nuna Gibxxeppe kessiis.

Zaarettido Wogaa 7:8

SHin GODAI inttena siiqido gishshaunne intte maizza aawatuyyo caaqqido caaquwaa naagido gishshau, i inttena ailletettaa biittaappe, Gibxxe kawuwaa kushiyaappe, ba wolqqaama kushiyan kessiisinne woziis.

Tiitu 3:5

i ba maarotettaadankka, ooratta yeletaassi haniya meechchaaninne Geeshsha Ayyaanan ooraxxiyoogan nuna ashshidoogaappe attin, nuuni xillo oosuwaa oottidoogaana gidenna.

Yaasu Maxaafaa 6:22

Yaasu biittaa xomoosanau kiitettida naa77u asata, “SHaaramuxee Ra7aabi soo biite; biidi kase intte iyyo caaqqidoogaadan, onne i so asaa ubbaa gaxi kessite” yaagiis.

Naa77antto PHeexiroosa 2:7

Higgiyau azazettenna shaaramuxiya asatu giddon tuggatidi de7iya xillo Looxa Xoossai ashshiis.

Naa77antto PHeexiroosa 2:9

Hegaa gidikko, Godai Xoossau goinniya asata paaciyaappe waati ashshanaakko erees; nagaranchchata qassi ubbaappe aattidi, tuna amuwan ashuwaa amuwaa kaalliyaageetanne qassi Xoossaa wolqqaa kariyaageeta, pirddaa gallassai gakkanaassi Godai qaxxayiiddi wottanaagaakka erees. Wordduwaa tamaarissiya hegeeti xalanne otoranchcha gididoogan, bollan de7iya bonchcho meretaa cayoosonappe attin, bonchchokkona.