Doomettaabaa 18:4 - Wolaytta Bible

⁴ Hai guutta haatti yo; yin intte tohoi meecettin, ha mittaa kuwan shemppi ekkite.

Doomettaabaa 18:4 Iomraidhean Croise

Doomettaabaa 18:3

Ziggi simmidi i, “Abeet ta godau, taani ne sinttan nashettidabaa gidikko, tana ne ashkkaraa aggada aadhdhoppa.

Doomettaabaa 19:2

ziggidi, “Ta godaatoo, intte ashkkaraa soo simmerkketii; intte gediyaa meecettidi qammaa aqite; guuran denddidi intte biyoosaa beeta” yaagiis. Yaagin eti, “CHii; nuuni ha katamaa gutaran aqana” yaagidosona.

Doomettaabaa 24:32

Yaagin bitanee soo geliis; Laabaani gaameelatu caanaa birshshiis; galabaanne bassuwaa gaameelatuyyo yeggiis. Tohuwaa meeccanau ayyoonne aara de7iya asatuyyo haattaa ehiis;

Doomettaabaa 43:24

He bitanee he asata Yooseefa soo efiidi, eta tohuwaayyo haattaa ehin, bantta tohuwaa meecettidosona. Eta haretuyyo harqquwaa yeggiis.

Luqaasa 7:44

Yesuusi mishireekko xeellidi, Simoona hagaadan yaagiis; “Hanno mishiriyo be7ai? Taani ne soo yin, harai atto haattaa ta tohuwaassi immabaakka; shin hanna ba afuttan ta tohuwaa laagottada, ba huuphiyaa binnaanan quccaasu.

Koiro Ximootiyoosa 5:10

Naata dichchiyoogan, imattaa mokkiyoogan, geeshshatu tohuwaa meecciyoogan, waayettida asaa maaddiyoogan, lo77o ooso ubbaa kaalliyoogan, ha lo77o oosuwaa oottiyoogan erettidaaro gidanau bessees.

Daannatu Maxaafaa 19:21

Yaagidi eta ba soo efiis; eta haretuyyookka miyoobaa yeggiis. Hegaappe guyyiyan, imattati bantta tohuwaa meecettidi, kahuwaa miidosona.

Sameela Maxaafaa Koiruwaa 25:41

Abigaala biittan gufanna ziggada, “Taani ne ashkkariyaa neeyyo kiitettanaunne ne ashkkaratu tohuwaa meeccanau giiga uttaas” yaagaasu.