Doomettaabaa 18:25 - Wolaytta Bible

²⁵ Hegee neeppe haakko; xillota iitatuura woriyoogeenne xillotanne iitata issi aifiyan xeelliyoogee neeppe haakko. Ha sa7aa ubbaa pirddiyaagee xillo pirddenneeyye?” yaagiis.

Doomettaabaa 18:25 Iomraidhean Croise

Doomettaabaa 18:24

He gita kataman ishatamu xilloti de7iyaakkokka, neeni xaissuutee? Neeni an de7iya ishatamu xillotu gishshau he katamaa ashshikkii?

Hanidabaa Odiya Koiro Maxaafaa 16:33

Hegaappe guyyiyan woran de7iya mitta ubbai ufaissan GODAA sinttan yexxana. Aissi giikko, i sa7aa bollan pirddanau yees.

Hanidabaa Odiya Naa77antto Maxaafaa 19:7

Ha77ikka intte GODAAYYO yayyite; intte oottiyooban inttena erite. Aissi giikko, GODAA nu Xoossaa matan naaqoi, asa sinttaa xeellidi maaddiyoogeenne mattaayiyaa miyoogee baawa” yaagiis.

Nahimiyaa Maxaafaa 9:33

Nuna gakkidaban ubban neeni xillo. Aissi giikko, nuuni nena naaqqikkokka neeni ammanettiyoogaa aggabaakka.

Iyyooba Maxaafaa 34:10

“Hegaa gishshau, inttenoo, akeekanchcha asatoo, taani yootiyoogaa ane siyite! Ubbaa Danddayiya Xoossai iitabaa mulekka oottenna.

Iyyooba Maxaafaa 34:12

Xoossai tumuppe iitabaa oottenna; Ubbaa Danddayiya Xoossai suure pirddaa geellayenna.

Iyyooba Maxaafaa 8:20

“Xoossai tumaappe boree bainna asa oli aggenna; iitaa oottiyaageeta qassi maaddenna.

Iyyooba Maxaafaa 8:3

Ubbaa Danddayiya Xoossai pirddaanne xillobaa geellayii?

Mazamure Maxaafaa 50:6

Xoossai barkka pirddiyaagaa gidiyo gishshau, saloti a xillotettaa yootoosona.

Mazamure Maxaafaa 58:11

He wode asai, “Tumakka xillotussi woitoi de7ees; tumakka sa7aa bolli pirddiya Xoossi de7ees” yaagana.

Mazamure Maxaafaa 7:12

Asi ba nagaraa paaxidi simmennan ixxikko, Xoossai ba bisuwaa leefees; i ba wonddafiyaa tolidi giigissees.

Mazamure Maxaafaa 75:3

Sa7ainne an de7iyaageeti ubbai qaaxxinkka, a mintta essiyaagee tana.

Mazamure Maxaafaa 94:2

Abeet sa7aa pirddiyaagoo, dendda; otoranchchatuyyo bessiya qixaatiyaa imma.

Eranchchaa Maxaafaa 3:17

Be7ada ta wozanan, “Xoossai xilluwaanne iitaa naa77aakka pirddau shiishshana; aissi giikko, Xoossai allaalle ubbaunne ooso ubbau wodiyaa keeri wottiis” yaagada qoppaas.

Eranchchaa Maxaafaa 7:15

Ha hada gidida laittan taagan darobaa taani be7aas. Hegeekka, geellai ba geellatettaa oottiiddi, adussa laittaa de7iyo wode, xillotettaa oottiya xilloi qantta laittan haiqqees.

Ermmaasa 11:20

SHin abeet Ubbaappe Wolqqaama GODAU, xillo pirddiyaagoo, asaa wozanaa kahaa qoriyaagoo, neeni eta bolli ne haluwaa kessiyoogaa tana bessa. Aissi giikko, taani ta qohuwaa neeyyo magannaas.

Ermmaasa 12:1

Abeet GODAU, taani nenaara mootettiyo wode, ubbabankka neeni xillo. Gidikkonne, taani xillo pirddaabaa nenaara haasayanau koshshees. Iita asati oottiyoobai etau aissi injjetii? Ammanettennaageeti aissi ishalidi de7iyoonaa?

Hizqqeela 18:25

“Intte hegan, 'Godaa ogee suure gidenna' yaageeta. Inttenoo, Israa7eela asatoo, ha77i siyite! Suure gidennai intte ogiyaa gidennee ta ogee?

Milkkiyaasa 3:18

He wode intte zaarettidikka xilluwaappenne nagaranchchaappe gidduwan de7iya zawaanne Xoossaassi azazettiyaageetuppenne azazettennaageetuppe gidduwan de7iya zawaa be7ana” yaagees.

Qoodaabaa 16:22

SHin Muuseenne Aarooni sa7an gufannidi, “Abeet Xoossau, asho maayida asaa ubbaa medhdhida Xoossau, issi uri nagara oottikko, neeni kumetta maabaraa hanqqettai?” yaagidosona.

Naa77antto Qoronttoosa 5:10

Aissi giikko, nuuni huuphiyan huuphiyan oottido oosoi lo77o gidin, woi iita gidin, nuuyyo bessiyaagaa ekkanau, Kiristtoosa pirdda araataa sinttan ubbaikka beettanau bessees.

Zaarettido Wogaa 1:16

“Yaatada taani eta, 'Intte ishanttu gidduwan de7iya mootuwaa siyite; he mootoi issi Israa7eela asappenne a ishaappe gidduwan woikko Israa7eela asaappenne hara dere asaappe gidduwan de7iyaagaa gidikkokka, siyidi xilluwaa pirddite.

Zaarettido Wogaa 1:17

Intte pirddan issi baggaa maaddoppite; gitaagaa siyiyoogaadan, guuttaagaakka hegaadan siyite; asa som77uwaassi yayyoppite; aissi giikko, pirddi Xoossaabaa. Qassi intteyyo daro deexo gidida mootuwaa taakko ehiite; hegaa taani pirddana' yaagaas.

Zaarettido Wogaa 32:4

I nu zaallaattenne, a oosuwan wotoi baa; a oge ubbaikka suure. Nu Xoossai ammanettiyaagaanne iitatettai bainnaagaa; i tumanchchanne suure.

Ibraawe 12:23

Xoossaa baira naatukko, issippe shiiqidaageetukko, eta sunttai saluwan xaafettidoogeetukko yiideta; qassi asa ubbaa pirddiya Xoossaakkonne, bali bainnaageeta oottido xillo asatu ayyaanatukko yiideta.

Daannatu Maxaafaa 11:27

Taani ta baggaara inttena aibanne naaqqabeikke; shin tana ola olada naaqqiyai nena. Pirddiya GODAI hachchi Israa7eela asaappenne Amoona asaappe gidduwan pirddo” yaagiis.