Doomettaabaa 18:14 - Wolaytta Bible

¹⁴ GODAU danddayettennabi tumu de7iiyye? Laitti hannoode taani neekko simmana; he wode Saara attuma na7a yelana” yaagiis.

Doomettaabaa 18:14 Iomraidhean Croise

Doomettaabaa 17:16

Taani o anjjana; taani ippe neeyyo attuma na7a tumu immana. O taani anjjana; a kawotettatuyyo aayo gidana; asaa kawoti ippe yaana” yaagiis.

Doomettaabaa 17:21

SHin taani ta maachchaa laitti hannoode Saara neeyyo yeliyo Yisaaqaara maacettana” yaagiis.

Doomettaabaa 18:10

Yaagin GODAI a, “Taani laitti hannoode tumu neekko simmana; he wode ne keettaayyiyaa Saara attuma na7a yelana” yaagiis. Saara he wode appe guyye baggaara de7iya dunkkaaniyaa penggen de7iyaara hegaa siyausu.

Doomettaabaa 18:13

GODAI Abrahaama he wode, “'Taani cimaichchidoogaappe guyyiyan, tumu na7a yelaneeyye?' gaada, Saara aissi miiccadee?

Doomettaabaa 18:15

Yaagin Saara keehi yayyido gishshau, “Taani miiccabeikke” yaagada lahottaasu. SHin i, “Ee, neeni tumu miiccadasa” yaagiis.

Doomettaabaa 21:1

Xoossai ba yootidoogaadan Saarikko yiis; yiidi Xoossai Saariyyo ba giidoogaadan oottiis.

Doomettaabaa 21:2

Saara shahaarada, ceeggida Abrahaamayyo Xoossai giido wodee gakkin, attuma na7aa yelaasu.

Kawotu Maxaafaa Naa77anttuwaa 4:16

Elssaa7i maccaasiyo, “Laitti hannoode neeni attuma na7aa idimmana” yaagiis. Yaagin maccaasiyaa, “CHii ta godau, neeni Xoossaa asa gidikkii, taayyo worddotoppa!” yaagaasu.

Iyyooba Maxaafaa 36:5

“Be7a, Xoossai wolqqaama; shin i oonanne karenna. I akeekaukka mino.

Iyyooba Maxaafaa 42:2

“Neeni ubbabaa oottanau danddayiyoogaanne ne halchchuwaakka halissanau danddayiyaabi bainnaagaa taani erais.

Mazamure Maxaafaa 90:13

Abeet GODAU, ne hanqqoi aude gakkanaassee? Simma; ne ashkkaratuyyo qaretta!

Mazamure Maxaafaa 93:1

GODAI kawotiis! Bonchchuwaa maayiis; wolqqaa gixxiis. Sa7ai minnidi eqqiis; mulekka qaaxxenna.

Mazamure Maxaafaa 95:3

Aissi giikko, GODAI wolqqaama Xoossaa, xoossatu ubbaa bolli wolqqaama kawo.

Isiyaasa 50:2

Taani yiido wode, aibissi hegan asi xayidee? Taani xeesido wode, 'Yee!' gaanau aibissi asi hegan de7ibeennee? Taani inttena wozanau ta kushee qantteeyye? Woikko inttena ashshanau taayyo wolqqi baaweeyye? Be7ite, taani seerada abbaa melissais. SHaafatakka bazzo oottais. Etan de7iya moleti haattai xayin wooqqoosona; saamoi worin haiqqoosona.

Ermmaasa 32:17

“Abeet Ubbaa Haariya GODAU, neeni salotanne sa7aa ne gita wolqqaaninne ne yeddido kushiyan medhdhadasa! Neessi danddayettennabi mulekka baawa.

Ermmaasa 32:27

“Taani GODAA, asaa ubbaa Xoossaa. Taassi danddayettennabi de7ii?” yaagiis.

Daaneela 6:20

Ollaakko bi gakkidi hirggiiddi, “De7o Xoossaa ashkkarau Daaneelaa, neeni ubbaton goinniyo ne Xoossai nena gaammotuppe ashshanau danddayidee?” yaagidi xeesiis.

Mikiyaasa 7:18

Naaquwaa atto yaagiyaagee, ba asaa atettatu makkalaa qoodennaagee ne mala Xoossai oonee? Neeni hanqqoi hanqqoshin, merinau de7a aggakka; aissi giikko, neeni ne asaassi ne aggenna siiquwaa bessiyoogan ufaittaasa.

Zakkaariyaasa 8:6

Ubbaappe Wolqqaama GODAI, 'Hagee ha77i ha asaappe attidaageetussi maalaalissiyaabaa gidikkonne, taayyo maalaalissiyaabaa gidenna' yaagees.

Qoodaabaa 11:23

Yaagin GODAI Muusa, “GODAA kushee qantteeyye? Taani neeyyo giyoobai tumakkonne worddokko neeni ha77i be7ana” yaagiis.

Maatiyoosa 14:31

Sohuwaara Yesuusi ba kushiyaa yeddidi, PHeexiroosa oiqqidi, “Laa ha ammanoi laafidoogoo! Aissi siradii?” yaagiis.

Maatiyoosa 19:26

Yesuusi eta tishshi ootti xeellidi, “Hagee asau danddayettenna; shin Xoossau ubbabai danddayettees” yaagiis.

Maatiyoosa 3:9

Intte intte wozanan, ‘Abrahaami nu aawaa’ giidi qoppoppite. Aissi giikko, taani inttessi yootais; Xoossai ha shuchchata Abrahaamassi na7a kessanaukka danddayees.

Marqqoosa 10:27

Yesuusi eta tishshi ootti xeellidi, “Hagee Xoossau danddayettiyoogaappe attin, asau danddayettenna; aissi giikko, Xoossau ubbabaikka danddayettees” yaagiis.

Luqaasa 1:13

kiitanchchai Zakkaariyaasa hagaadan yaagiis; “Yayyoppa; ne woosai siyettiis. Ne machchiyaa Elssaabeexa neessi attuma na7a yelana; neeni he na7aa Yohaannisa yaagada sunttana.

Luqaasa 1:18

Zakkaariyaasi, “Taani cima; ta machchiyaanne ceeggaasu; hegaa ta aibin eranee?” yaagidi, kiitanchchaa oichchiis.

Luqaasa 1:37

Hegeenne Xoossaassi danddayettennabi bainna gishshaassa” yaagiis.

Luqaasa 8:50

SHin eti giyoobaa Yesuusi siyidi, “Yayyoppa; ammano xalaalaa ammana; a paxana” yaagidi Yaa7iroosassi yootiis.

Efisoona 3:20

Simmi nu giddon oottiya ba wolqqaa baggaara nuuni woossiyoobaa woi qoppiyoobaa ubbaappe keehi darissi oottanau danddayiya Xoossaayyo, woosa keettaaninne Kiristtoos Yesuusan ubba wode merinaappe merinaa gakkanaassi bonchchoi gido. Amin77i.

Zaarettido Wogaa 30:3

hegan GODAI intte Xoossai intte omooduwaa zaarana; i intteyyo qarettana. GODAI intte Xoossai inttena laalido kawotettatu ubbaa giddoppekka zaaridi shiishshana.

Zaarettido Wogaa 7:21

“Hegaa gishshau, intte etayyo yayyoppite; aissi giikko, inttenaara de7iya GODAI, intte Xoossai, gitanne yashshiya Xoossaa.

Piliphphisiyuusa 3:21

Kiristtoosi ubbabaa baappe garssan wottanau danddayiya ba wolqqan, nu daafuranchcha asatettaa laammidi, ba bonchcho asatettaa milatissidi oottana.

Piliphphisiyuusa 4:13

Kiristtoosi tau immido wolqqan, ubbabaa oottanau taani danddayais.

Ibraawe 11:19

Abrahaami Xoossai Yisaaqa harai atto, haiquwaappekka pattanau danddayiyoogaa eriis; hegaa gishshau, haiquwaappe guyye a zaaridi ekkiis.

Daannatu Maxaafaa 13:3

Issi gallassi GODAA kiitanchchai he maccaaseessi qonccidi, hagaadan yaagiis; “Be7a, neeni na7a yelabeenna maine; shin neeyyo ixetai attana; attin neeni attuma na7a yelana.

Sameela Maxaafaa Koiruwaa 14:6

Yonaataani ba ola miishshaa tookkiya wodallaa hagaadan yaagiis; “Haaya; ha qaxxarettibeennaageeti galchchidosaa ane hefintti boos. Ooni erii, GODAI nu gishshaa oottanaakkonne; GODAI daro asan gidin, guutta asan gidin, ashshanaagaa a diggiyaabi aibinne baawa” yaagiis.