Doomettaabaa 18:12 - Wolaytta Bible

¹² Hegaa gishshau Saara ba wozanan, “Taani ha77i cima wuraichchidoogaappe guyyiyaaninne ta godai ceeggidoogaappe guyyiyan, ha77i taayyo attuma asaara gaittiyoogee waani hananee?” yaagada miiccaasu.

Doomettaabaa 18:12 Iomraidhean Croise

Doomettaabaa 17:17

Yaagin Abrahaami ba som77uwan gufanniis; i miiccidi ba wozanan, “Xeetu laitta asi tumu na7a yelanee? Qassi uddufun tammu gidido Saara na7a yelanee?” yaagidi qoppiis.

Doomettaabaa 18:13

GODAI Abrahaama he wode, “'Taani cimaichchidoogaappe guyyiyan, tumu na7a yelaneeyye?' gaada, Saara aissi miiccadee?

Kawotu Maxaafaa Naa77anttuwaa 4:16

Elssaa7i maccaasiyo, “Laitti hannoode neeni attuma na7aa idimmana” yaagiis. Yaagin maccaasiyaa, “CHii ta godau, neeni Xoossaa asa gidikkii, taayyo worddotoppa!” yaagaasu.

Mazamure Maxaafaa 126:2

He wode nuuni daro ufaitti miiccidi, ufaissaa yettaa yexxida. Yaatin, hara kawotettati bantta giddon, “Hageetussi GODAI gitabaa oottiis” yaagidosona.

Mazamure Maxaafaa 45:11

Ne meraa kawoi amottees; i neessi goda gidiyo gishshau, assi azazetta.

Efisoona 5:33

Gidikkokka, qassi intte huuphiyan huuphiyan intte maccaasaa intte huuphedan siiqanau bessees; maccaasa ubbaikka bantta azinaa azinaa bonchchanau bessees.

Koiro PHeexiroosa 3:6

Hegaadan Saara Abrahaama, “Ta godau” yaagada xeesaidda, ayyo azazettaasu; inttekka issibaunne yayyennan lo77obaa oottikko, i naata.

Daannatu Maxaafaa 19:26

Laggettiyo ashkkariyaa wonttanau bazzoi zo77iyo wode yaada, i godai aqido cima bitaniyaa keettaa penggen kunddaasu; xalqqee dolana gakkanaassi hegan zin77aasu.