Doomettaabaa 12:15 - Wolaytta Bible

¹⁵ Qassi Gibxxe kawuwaassi oottiya halaqatikka o be7ido wode, kawuwaa sinttan o nashshidosona; yaatidi o kawuwaa keettaa efiidosona.

Doomettaabaa 12:15 Iomraidhean Croise

Doomettaabaa 12:14

Abraami Gibxxe biittaa gelido wode, Gibxxe asati he maccaasiyaa daro meraa lo77o maccaasa gidiyoogaa be7idosona.

Doomettaabaa 20:2

Yan Abrahaami ba keettaayyiyo Saaro, “A ta michchiyo” yaagiis. Yaagin Garaara Kawoi Abimeleki kiittidi Saaro efiis.

Doomettaabaa 26:7

He biittaa asai Ribiqibaa denttidi Yisaaqa, “Hanna neeyyo aibee?” yaagidi oichchiis. Oichchin i, “Hanna taayyo michchiyo” yaagiis. Aissi giikko, i Ribiqa daro meranchcha gidiyo gishshau, “Taani, 'A ta keettaayyiyo' giikko, ha sohuwaa asai i gaasuwan tana woranaakkonne” yaagi qoppidi yayyiis.

Doomettaabaa 40:2

Kawoi eessaa tigiyaageetu halaqaayyoonne oittaa uukkiyaageetu halaqaayyo naa77aayyookka keehi hanqqettiis.

Doomettaabaa 41:1

Naa77u laitta kumettai aadhdhido wode, Gibxxe kawoi aimo aimottiis; aimuwan i Naile SHaafaa doonan eqqiis;

Kawotu Maxaafaa Koiruwaa 3:1

Solomoni Gibxxe Kawuwaara zuppetidi, a na7iyo baayyo machcho ekkiis; ekkidi ba kawo keettaa, GODAA Beeta Maqidasiyaanne Yerusalaame yuushuwaa dirssaa gimbbidi polanaashin, o Daawita Katamaa ehiis.

Kawotu Maxaafaa Naa77anttuwaa 18:21

Neeni Gibxxe kawoi maaddana gaada qoppidabaa gidikko, meqqida shombboqo gatiman guufetiya asa mala. Aissi giikko, gatimai meqqin, pinccoi kushiyaa caddeesinne masunxxissees. Gibxxe Kawoi banan ammanettiya asa ubbau hegaa mala.

Mazamure Maxaafaa 105:4

GODAANNE a wolqqaa xomoosite; ubbatoo a sinttaa koyite.

Kessaabaa 2:15

Kawoi hagaa siyido wode, Muusa woranau koyiis; shin Muusee kawuwaappe baqatidi, Midiyaama biittan de7anau biis; biidi haatta ollaa doonan uttiis.

Kessaabaa 2:5

Gibxxe kawuwaa na7iyaa bollaa meecettanau Naile SHaafaa giyo shaafaa wodhdhaasu; i macca ashkkaratinne haattaa doonan yaa haa hemettoosona; a keeshiyaa maqqaa giddon be7ada, baada ekkada yaana mala ba ashkkariyo kiittaasu;

Leemiso Maxaafaa 29:12

Issi sunttettida urai worddo odo ekkikko, a oosanchchati ubbai iita kiyoosona.

Leemiso Maxaafaa 6:29

Asa machcho laggettiya urai hegaakka mala; o bochchiya ubbai qaxxayettennan attenna.

Ermmaasa 25:19

Gibxxe biittaa kawuwaa, a ashkkarata, a halaqata, a biittaa asaa ubbaanne

Ermmaasa 46:17

Eti yan Gibxxe kawuwaa, 'Ba wodiyaa coo wurssiya odanchchaa' giidi sunttana” yaagiis.

Hizqqeela 32:2

“Laa asa na7au, Gibxxe kawuwaassi zilaala! Hagaadan yaaga; 'Neeni kawotettatu giddon nena gaammo kessadasa; shin neeni abbaa giddon de7iya haulaasho mala. Neeni shaafatuppe kiyadasa; ne gedetun purchchakkada, haattaa bulqqoyadasa.

Ibraawe 13:4

Ekkiyoogaanne geliyoogaa asai ubbai bonchchanau bessees; qassi azinainne machchiyaa issoi issuwau ammanettanau bessees; aissi giikko, Xoossai shaaramuxanau qaaqqatiyaageetanne shaaramuxiyaageeta pirddana.