Doomettaabaa 12:10 - Wolaytta Bible

¹⁰ He wode he biittai koshatiis; koshai suullido gishshau, Abraami amarida wodiyaa de7anau duge Gibxxe wodhdhiis.

Doomettaabaa 12:10 Iomraidhean Croise

Doomettaabaa 41:56

Koshai Gibxxe biittaa ubbaa gakkido wode, Yooseefi kattaa minjjido keettata ubbaa dooyidi, kattaa Gibxxe asau baizziis; aissi giikko, Gibxxen koshai suulliis.

Doomettaabaa 41:57

Sa7a ubban koshai suullido gishshau, sa7an de7iya asai ubbai kattaa Yooseefappe woommanau Gibxxe yiis.

Doomettaabaa 42:5

Kanaane biittan wolqqaama koshai de7iyo gishshau, kattaa woommanau yiidaageetuura Israa7eela attuma naati Gibxxe gelidosona.

Doomettaabaa 43:1

Ha77inne koshai Kanaane biittan wolqqaamiis.

Doomettaabaa 47:13

Gidikkonne koshai suullido gishshau, he biitta ubban katti baawa. He koshan Gibxxenne Kanaane biittai naa77aikka qohettidosona.

Sameela Maxaafaa Naa77anttuwaa 21:1

Daawiti kawotido wode, heezzu laitta kumettaa biittai koshatiis. Hegaa gishshau, Daawiti GODAA oichchiis; oichchin GODAI a, “Hegee hanidoogee Saa7oola asai gussido suuttaa gishshaassa; aissi giikko, i Gabaa7oona asata woriis” yaagiis.

Kawotu Maxaafaa Naa77anttuwaa 4:38

Elssaa7i Gelggala simmidi yiido wode, biittai namisetti uttiis. Hananabaa yootiyaageetu citai a sinttan uttidaashin, i ba ashkkaraa, “Wogga keriyaa taman wottada, ha asatuyyo woxiyaa katta” yaagiis.

Kawotu Maxaafaa Naa77anttuwaa 6:25

Eti dooddido gaasuwan Samaariyaa kataman hanttaara koshai geliis; gelin issi hariyaa huuphee hosppun tammu xaqara biran, naa77u xeetu giraame gidiya haraphphiyaa shiyai ichchashu xaqara biran baizettiis.

Mazamure Maxaafaa 105:13

issi deriyaappe hara deriyaa, issi kawotettaappe hara kawotettaa yuuyidosona.

Mazamure Maxaafaa 34:19

Xillo asa metoi daro; shin GODAI a he ubbaappe ashshees.

Ermmaasa 14:1

Koshaabaa GODAI Ermmaasassi yootido qaalai hagaa;

Yohaannisa 16:33

Intte ta giddon de7iiddi, saro de7ana mala, taani hagaa intteyyo odaas. Sa7an intte waayettana. SHin minnite; taani sa7aa xoonaas” yaagiis.

Yesuusi Kiittidoogeetu Oosuwaa 7:11

“Gibxxe biittaaninne Kanaane biittan ubban koshai gelidi, daro asaa tuggayiis; tuggayin nu aawati quma demmibookkona.

Uruti Maxaafaa 1:1

Israa7eela biittaa daannati haariyo wode, he biittan koshai denddiis. Denddin issi bitanee ba machcheeranne ba naa77u naatuuranne Yihudaa biittan Beetaliheeme katamaappe denddidi, Moo7aaba biitti betiis.