Doomettaabaa 1:9 - Wolaytta Bible

⁹ Xoossai hegaappe guyyiyan hagaadan yaagidi haasayiis; “Saluwaappe garssaara de7iya haattai issisan eello; eellin mela sohoi qoncco” yaagiis; yaagin haniis.

Doomettaabaa 1:9 Iomraidhean Croise

Doomettaabaa 1:8

Xoossai he gufanttuwaa “Saluwaa” giidi sunttiis. Sa7ai qammiisinne wonttiis; hegeenne naa77antto gallassa.

Nahimiyaa Maxaafaa 9:6

Hegaappe guyyiyan, Israa7eela asai hagaadan yaagidi woossidosona; “Xoossau, ne xalaalai GODA! Neeni salotanne salotun de7iya meretata ubbaa, sa7aanne a bollan de7iya meretata ubbaanne abbatanne eta giddon de7iya meretata ubbaa medhdhadasa; ubbaassi de7uwaa immadasa. Saluwaa meretati ubbai neeyyo goinnoosona.

Iyyooba Maxaafaa 26:10

Poo7uwaa xumaappe shaakkanau, saloi sa7aara danttettiyoosan qammainne gallassai laamettiyo zawaa Xoossai essees.

Iyyooba Maxaafaa 26:7

Xoossai huuphessa bagga salota micciis; sa7aakka aibakko bainnasan kaqqiis.

Mazamure Maxaafaa 104:3

Ne keettaa saluwaa gufanttuwaa bollan keexxaasa. SHaaraa para gaare kessaasa; carkkuwaa qefiyan toggaasa.

Mazamure Maxaafaa 33:7

Gita abbaa haattaa i issidiran eelissiis; he ciimma haattaa issisan zeeriis.

Mazamure Maxaafaa 95:5

Abbaa haattaikka abaa; hegaa i medhdhiis; mela biittaakka a kushee oottiis.

Eranchchaa Maxaafaa 1:7

Goggiya haattai ubbai abban gelees; shin abbai kumi erenna. He haattai qassikka simmidi gogganau, guyye ba pulttiyo sohuwaa bees.

Ermmaasa 5:22

Laa intte taayyo aissi yayyekketii? Intte ta sinttan aissi kokkorekketii? Aissi giikko, taani shaahetaa abbaayyo zawa, merinau a pinttenna dirssa oottaas. Beetati pushakettikkokka xoonanau danddayokkona. Eti guummikkokka pinnanau danddayokkona.

Yoonaasa 1:9

Yaagin Yoonaasi zaaridi, hagaadan yaagiis; “Taani Ibraawe asa; abbaanne biittaa medhdhida GODAAYYO, saluwaa Xoossaayyo goinnais” yaagiis.

Naa77antto PHeexiroosa 3:5

Daro wodiyaappe kase Xoossai haasayin, saloinne sa7ai merettidoogaa eridi, eti akeekennan ixxidosona. Sa7ai haattaappenne haattan merettiis.

Ajjuutaa 10:6

Miccidi, saluwaanne saluwan de7iya ubbabaa, sa7aanne sa7an de7iya ubbabaa, abbaanne abban de7iya ubbabaa, medhdhida meri merinau de7iya Xoossaa sunttan caaqqiis. Yaatidi, “Wodee wuranau gam77enna.