Doomettaabaa 1:24 - Wolaytta Bible

²⁴ Xoossai hegaappe guyyiyan hagaadan yaagidi haasayiis; “Paxa de7iya meretati bantta qommuwan qommuwan: meheti, biittaara gooshettiya meretatinne do7ati bantta qommuwan qommuwan biittaa bollan kiyona” yaagiis; yaagin haniis.

Doomettaabaa 1:24 Iomraidhean Croise

Doomettaabaa 1:23

Sa7ai qammiisinne wonttiis; hegeenne ichchashantto gallassa.

Doomettaabaa 2:19

GODAI Xoossai kase meheta ubbaa, do7ata ubbaanne saluwaa kafota ubbaa biittaappe medhdhiis; qassi bitanee eta woigi sunttiyaakkonne siyanau akko ehiis; ehin bitanee paxa de7iya meretata ubbaa sunttido sunttai eta suntta gididi attiis.

Doomettaabaa 6:20

Dumma dumma qommo kafuwaappe, dumma dumma qommo mehiyaappenne biittaara gooshettiya dumma dumma qommo meretatuppe ubbaappe naa77aa naa77aa gididi, paxa attana mala neekko yaana.

Doomettaabaa 7:14

Etinne do7a ubbaappe ba qommuwan qommuwan, mehe ubbaappekka ba qommuwan qommuwan, biittaara gooshettiyaageetu ubbaappe ba qommuwan qommuwan, kafo ubbaappe ba qommuwan qommuwan, etaara issippe gelidosona;

Doomettaabaa 8:19

Kiyin mehenne do7a ubbai, biittaara gooshettiya mereta ubbai, kafo ubbainne sa7aa bollan woxxi qaaxxiyaabai ubbai ba qommuwan qommuwan markkabiyaa giddoppe kiyidosona.

Iyyooba Maxaafaa 39:1

“Deriyan de7iya genessati aude yeliyaakko, neeni erai? Gaarati bannakkidi, bantta marata yeliyo wode be7adii?

Iyyooba Maxaafaa 39:19

“Iyyoobaa, paratuyyo wolqqaa immidai, woikko paratu morggiyaa gotosho gammaa maizzidai nenee?

Iyyooba Maxaafaa 39:5

“Harddiidati yeda daanaadan oottidai oonee? Qashuwaappe eta birshshi yeddidai oonee?

Iyyooba Maxaafaa 39:9

“Menttai neeyyo oottanau eeno ganddee? Woikko ne gaaxaatan qammaa aqanddee?

Iyyooba Maxaafaa 40:15

“Taani nena medhdhidoogaadan medhdhido, Bihemoota giyo do7aa ane xeella! I booradan maataa mees.

Mazamure Maxaafaa 104:18

Xoqqa deretu bollan gaarati de7oosona; qassi guppalleti shuchchaa kooppuwan qosettoosona.

Mazamure Maxaafaa 104:23

He wode asai ba oosuwaayyo kiyees; sa7ai qammana gakkanaassi oottees.

Mazamure Maxaafaa 148:10

Mehetoo, do7atoo, sa7aara gooshettiya meretatoo, paalliya kafotoo, ubbatikka a galatite.