Doomettaabaa 1:2 - Wolaytta Bible

² He wode sa7ai giigiichchibeennanne aibinne bainna mela; ciimmaa bollan xumai de7ees; Xoossaa Ayyaanai haattaappe bollaara maayi uttiis.

Doomettaabaa 1:2 Iomraidhean Croise

Iyyooba Maxaafaa 26:14

Hageeti ubbai Xoossai oottido oosotuppe amaridaageeta; nuuni siyoogee saasuketta xalaala. Yaatin, a wolqqaa gitatettaa akeekanau danddayiyai oonee?” yaagiis.

Iyyooba Maxaafaa 26:7

Xoossai huuphessa bagga salota micciis; sa7aakka aibakko bainnasan kaqqiis.

Iyyooba Maxaafaa 38:9

Abbaa shaaraa maizzidaagee, qassi xumankka xaaxa wottidaagee tana.

Iyyooba Maxaafaa 41:32

Baappe guyyeera phooliya ogiyaa kessees; abbaa haattaakka bootta hoommuwau laammees.

Mazamure Maxaafaa 104:30

SHin neeni ne shemppuwaa kiittiyo wode, harati merettoosona; biittaanne ooraxissaasa.

Mazamure Maxaafaa 104:6

Gita abbai biittaa bollan afaladan micettiis; haattai gita dereta kammiis.

Mazamure Maxaafaa 136:6

Biittaa haattaa bollan micciis; aggenna a siiqoi merinaagaa.

Mazamure Maxaafaa 148:7

Sa7an de7iyaageetoo, GODAA galatite! Miimminttetoo, gita abbaa ciimmatoo, ubbatikka a galatite.

Mazamure Maxaafaa 33:6

GODAA qaalan saloti merettidosona. A doonaappe kiyiya shemppuwan etan de7iya awai, aginainne xoolintteti oosettidosona.

Leemiso Maxaafaa 8:24

Gita abbati bainna wode, haattaa pulttoti xuuqqenna wode, he wode taani yelettaas.

Isiyaasa 31:5

Kafoi bollaara aallanttiyoogaadan, Ubbaappe Wolqqaama GODAI Yerusalaame gonddallananne ashshi ekkana; i a bollaara kanttidi, a wotti ekkana” yaagees.

Isiyaasa 45:18

Salota medhdhida GODAI, biittaakka giigissidi oottidaagee, qassi asi de7anaadaanappe attin, biittaa coo medhdhibeenna Xoossai hagaadan yaagees; “Taani GODAA; taappe hari baawa;

Ermmaasa 4:23

Taani sa7aa xeellaas; xeellada sa7ai giigiichchibeennaagaanne aibinne bainna mela gidiyoogaa be7aas. Qassi salota xeellaas; xeellada etan poo7oi bainnaagaa be7aas.

Naahooma 2:10

Nanawe katamai baisa gidiis; qassi onidi, bazzo gidiis! Asaa wozanai yashshan seeriis; gaadeekka kokkoriis; asa ubbaa xeessai gajigajiis; som77oikka bullattiis!

Naa77antto Qoronttoosa 4:6

Aissi giikko, “Xumaappe poo7oi poo7ana” giida Xoossai nu wozanan ba poo7uwaa poo7issiis; qassi i ba bonchcho eratettaa poo7uwaa Kiristtoosa sinttan poo7iyaagaa nuuyyo immanau poo7issiis.

Zaarettido Wogaa 32:11

Argganttai ba maraa paaluwaa tamaarissiyoogaadan, ba miccido qefiyan gakki oiqqidi ashshiyoogaadan, hegaadan GODAI ba qefiyan haphphidi eta ashshiis.