Doomettaabaa 1:1 - Wolaytta Bible

¹ Xoossai salotanne sa7aa koiro medhdhiis.

Doomettaabaa 1:1 Iomraidhean Croise

Kawotu Maxaafaa Naa77anttuwaa 19:15

Yaatidi GODAA hagaadan yaagidi woossiis; “Abeet GODAU, kiruubetuppe gidduwan uttiya Israa7eela Xoossau, sa7aa kawotettatu ubbaa bolli ne xalaalai Xoossaa. Saluwaanne sa7aa neeni medhdhadasa.

Hanidabaa Odiya Koiro Maxaafaa 16:26

Hara asaa xoossati ubbai eeqata; shin GODAI salota medhdhida Xoossaa.

Hanidabaa Odiya Naa77antto Maxaafaa 2:11

Yaagin Xiiroosa Kawoi Kiiraami Solomonayyo dabddaabbiyaa kiittidi, “GODAI ba asaa siiqiyo gishshau, i nena eta bolli kawoyiis” yaagiis.

Nahimiyaa Maxaafaa 9:6

Hegaappe guyyiyan, Israa7eela asai hagaadan yaagidi woossidosona; “Xoossau, ne xalaalai GODA! Neeni salotanne salotun de7iya meretata ubbaa, sa7aanne a bollan de7iya meretata ubbaanne abbatanne eta giddon de7iya meretata ubbaa medhdhadasa; ubbaassi de7uwaa immadasa. Saluwaa meretati ubbai neeyyo goinnoosona.

Iyyooba Maxaafaa 26:13

I shemppiyo shemppuwan saloti geeyidosona; a kusheekka xonggettiya shooshshaa woriis.

Iyyooba Maxaafaa 38:4

“Taani sa7aa medhdhiyo wode, neeni awan de7ai? Ane neeyyo akeekai de7ikko, taayyo yoota.

Iyyooba Maxaafaa 9:8

I barkka salota micciis; abbaa beetaa bollikka hemettees.

Mazamure Maxaafaa 102:25

Neeni beni sa7aa medhdhadasa; saloikka ne kushe ooso.

Mazamure Maxaafaa 104:24

Abeet GODAU, ne oosoi ai keena daroo! Ne aadhdhida eratettan neeni eta ubbaa medhdhadasa; sa7ai neeni medhdhidoban kumiis.

Mazamure Maxaafaa 104:30

SHin neeni ne shemppuwaa kiittiyo wode, harati merettoosona; biittaanne ooraxissaasa.

Mazamure Maxaafaa 115:15

Saluwaanne sa7aa medhdhida GODAN anjjettite!

Mazamure Maxaafaa 121:2

Taayyo maadoi saluwaanne sa7aa medhdhida GODAAPPE yees.

Mazamure Maxaafaa 124:8

Nu maadoi saluwaanne sa7aa medhdhida GODAAPPE yees.

Mazamure Maxaafaa 134:3

Saluwaanne sa7aa medhdhida GODAI inttena Xiyooneppe anjjo.

Mazamure Maxaafaa 136:5

Ba aadhdhida eran i salota medhdhiis; aggenna a siiqoi merinaagaa.

Mazamure Maxaafaa 146:6

Xoossai saluwaanne sa7aa, gita abbaanne a giddon de7iyaabaa ubbaa medhdhidaagaa; i merinaukka ammanettiyaagaa.

Mazamure Maxaafaa 33:6

GODAA qaalan saloti merettidosona. A doonaappe kiyiya shemppuwan etan de7iya awai, aginainne xoolintteti oosettidosona.

Mazamure Maxaafaa 33:9

Aissi giikko, i haasayin haniis; i azazin, minnidi eqqiis.

Mazamure Maxaafaa 8:3

Neeni ne biradhdhetun medhdhido ne salota, sohuwan sohuwan neeni wottido aginaanne xoolintteta taani be7iyo wode,

Mazamure Maxaafaa 8:4

neeni asabaa qoppanau asi aibee? Woi neeni ayyo hirgganau i aibee?

Mazamure Maxaafaa 90:2

Dereti merettanaappe kase, woikko neeni sa7aa oottanaappe kase, merinaappe merinaa gakkanaayyookka neeni Xoossaa.

Mazamure Maxaafaa 96:5

Hara asaa xoossati ubbai eeqata; shin GODAI salota medhdhida Xoossaa.

Kessaabaa 20:11

Aissi giikko, usuppun gallassaa giddon GODAI salota, sa7aa, abbaanne eta giddon de7iya ubbaa medhdhiis; shin laappuntta gallassan shemppiis. Hegaa gishshau, GODAI Sambbata gallassaa anjjiisinne geeshshiis.

Kessaabaa 31:18

GODAI Muuseyyo Siinaa Deriyaa bollan haasayiyoogaa wurssido wode, i ba biradhdhiyan xaafido tammu azazota oiqqida naa77u masettida shuchchata Muuseyyo immiis.

Leemiso Maxaafaa 16:4

GODAI medhdhidobau ubbau a wurssettai de7ees; makkalanchchatu wurssettaikka bashshaa.

Leemiso Maxaafaa 3:19

GODAI ba aadhdhida eratettan sa7aa medhdhiis; ba akeekankka salota minttiis.

Eranchchaa Maxaafaa 12:1

Ne yelagatettaa laittan nena Medhdhidaagaa qoppa. Metiya gallassati yeennan de7ishin, neeni, “Tana hagee ufaissenna” giyo wodeti gakkennan de7ishin,

Isiyaasa 37:16

“Abeet Ubbaappe Wolqqaama GODAU, kiruubetuppe gidduwan uttiya Israa7eela Xoossau, sa7aa kawotettatu ubbaa bolli ne xalaalai Xoossaa. Saluwaanne sa7aa neeni medhdhadasa.

Isiyaasa 40:21

Eribeekketii? Woikko siyibeekketii? Hagee intteyyo koiroppe odettibeennee? Woikko sa7ai merettoosappe hagaa intte akeekibeekketii?

Isiyaasa 40:26

Intte aifiyaa xoqqu oottidi, saluwaa xeellite; he xoolintteta medhdhidai oonee? I eta olanchchaadan kaalettees; eta qoodaakka erees. I eta ubbaakka eta sunttan sunttan xeesees. A anggaa gitatettaappenne a wolqqaa minotettaappe denddidaagan, etappe issoinne xayenna.

Isiyaasa 40:28

Erabeikkii? Siyabeikkii? GODAI merinaa Xoossaa; i biittaa ubbaakka medhdhidaagaa. I daafurenna; woikko wolqqai au wurenna; ooninne a qofaa eranau danddayenna.

Isiyaasa 42:5

Xoossai GODAI, salota medhdhidi miccidaagee, sa7aanne sa7aappe kiyiyaabaa ubbaa oottidaagee, sa7an de7iya asau shemppuwaa immiyaagee, an hemettiya ubbau de7uwaa immiyaagee hagaadan yaagees;

Isiyaasa 44:24

Nena Woziyaagee, aayee uluwan nena tilida GODAI hagaadan yaagees; “Taani GODAA, ubba yohota Medhdhidaagaa; salota tarkka tolidaagaa; sa7aakka tarkka miccidaagaa. Ta hegaa oottiyo wode, tanaara ooni de7ii?

Isiyaasa 45:18

Salota medhdhida GODAI, biittaakka giigissidi oottidaagee, qassi asi de7anaadaanappe attin, biittaa coo medhdhibeenna Xoossai hagaadan yaagees; “Taani GODAA; taappe hari baawa;

Isiyaasa 51:13

Intte salota miccidanne sa7aa baasuwaakka baasida GODAA, inttenakka medhdhida Xoossaa dogidetii? Eti inttena xaissanau giigissido, inttena huqqunniya asatu hanqquwaa gaasuwan gallassa kumetta yayyideta. SHin inttena huqqunniyaageetu hanqqoi awan de7ii?

Isiyaasa 51:16

Salota miccanaadan, biittaa baasuwaakka baasanaadan, qassi Xiyoone, 'Neeni ta asa' gaanaadan, taani ta qaalaa ne doonan wottaas; ta kushiyaa kuwan taani nena genttaas” yaagees.

Isiyaasa 65:17

GODAI hagaadan yaagees; “Be7ite, taani ooratta salotanne ooratta sa7aa medhdhais; kasebai ubbai hassayettennanne qofettenna.

Ermmaasa 10:12

Ba wolqqan sa7aa medhdhidaagee, ba aadhdhida eran sa7aa essidaagee, ba akeekan salota miccidaagee a.

Ermmaasa 32:17

“Abeet Ubbaa Haariya GODAU, neeni salotanne sa7aa ne gita wolqqaaninne ne yeddido kushiyan medhdhadasa! Neessi danddayettennabi mulekka baawa.

Ermmaasa 51:15

GODAI ba wolqqan sa7aa medhdhiis; ba aadhdhida eratettan biittaa baasiis; salotakka ba akeekan micciis.

Zakkaariyaasa 12:1

Hagee Israa7eelabaa yootiya GODAA qaalaa. Salota miccidaagee, sa7aakka medhdhidaagee, asaa giddonkka ayyaanaa medhdhida GODAI hagaadan yaagees;

Maatiyoosa 11:25

Yesuusi he wode zaaridi, hagaadan yaagiis; “Ta Aawau, saluwaa sa7aa Godau, neeni hagaa aadhdhida eranchchatuppenne akeekanchchatuppe genttada, erenna naatussi qonccissido gishshau, nena galatais;

Marqqoosa 13:19

aissi giikko, Xoossai sa7aa koiro medhdhoosappe doommidi, ha77i gakkanaassi, mulekka de7ibeenna metoi, qassi hagaappe sinttaukka mule de7enna metoi asaa bolli he wode de7ana.

Yesuusi Kiittidoogeetu Oosuwaa 14:15

bantta qaalaa xoqqu oottidi, hagaadan yaagidosona; “Asau, hagaa aissi ootteetii? Nuunikka inttenadan merettida asa; ha pattenna yohuwaappe saluwaanne sa7aa, abbaanne eta giddon de7iya ubbabaa medhdhida de7o Xoossaakko intte simmana mala, inttessi nuuni wonggeliyaa mishiraachchuwaa yootoos.

Yesuusi Kiittidoogeetu Oosuwaa 17:24

“Sa7aanne sa7an de7iya ubbabaa medhdhida Xoossai saluwaanne sa7aa Godai, asi keexxido Beeta Maqidasiyan de7enna.

Yesuusi Kiittidoogeetu Oosuwaa 4:24

Eti hegaa siyido wode, issi wozana gididi, Xoossaa hagaadan yaagidi woossidosona; “Ubbaa Haariya Godau, saluwaa, sa7aa, abbaanne eta giddon de7iya ubbabaa medhdhidaagoo,

Roome 11:36

Aissi giikko, ubbabaa i medhdhiis; qassi ubbabaikka aaninne ayyoonne de7ees; Xoossau merinau bonchchoi gido. Amin77i.

Koiro Qoronttoosa 8:6

ubbabaa medhdhidaagee nuuni ayyo de7iyoogee, issi Xoossai, Aawai, nuussi de7ees. Qassi ubbabai aani merettidoogeenne nuuni aani de7iyoogee issi Godai, Yesuus Kiristtoosikka nuussi de7ees.

Efisoona 3:9

Qassi taani hegan Xoossaa xuura qofaa asa ubbau qonccissa yootana; ubbabaa medhdhida Xoossai ba xuura yohuwaa beni wode ubban gentti wottiis. Xoossai ha77i hegaa woosa keettaa baggaara saluwaa sohuwan de7iya halaqatuyyoonne godatettai de7iyoogeetuyyo zawai bainna ba aadhdhida eratettaa qonccissanau oottiis.

Ibraawe 1:10

Xoossai hagaadan yaagees; “Godau, koiro neeni sa7aa medhdhadasa; saluwaakka ne kushiyan medhdhadasa.

Ibraawe 1:2

SHin ha wurssetta wodiyan, ubbabaa a laatissidi, sa7aa a baggaara medhdhido ba Na7aa baggaara nuuyyo haasayiis.

Ibraawe 11:3

Sa7ai Xoossaa qaalan merettidoogaa ammanuwan nuuni eroos; hegaa gishshau, beettiyaabai beettennabaappe merettiis.

Ibraawe 3:4

Aissi giikko, keetta ubbaa keexxidaagee issi asa; shin ubbabaa keexxidaagee Xoossaa.

Naa77antto PHeexiroosa 3:5

Daro wodiyaappe kase Xoossai haasayin, saloinne sa7ai merettidoogaa eridi, eti akeekennan ixxidosona. Sa7ai haattaappenne haattan merettiis.

Koiro Yohaannisa 1:1

Nuuni koiroosappe doommidi de7iya, nu aifiyan be7idi, nu kushiyan a bochchi be7ido de7uwaa qaalaabaa intteyyo xaafoos. Nuuni a be7ida; nu kusheekka a bochchi be7iis.

Ajjuutaa 10:6

Miccidi, saluwaanne saluwan de7iya ubbabaa, sa7aanne sa7an de7iya ubbabaa, abbaanne abban de7iya ubbabaa, medhdhida meri merinau de7iya Xoossaa sunttan caaqqiis. Yaatidi, “Wodee wuranau gam77enna.

Ajjuutaa 14:7

He kiitanchchai ba qaalaa xoqqu oottidi, “Xoossaayyo yayyite; a bonchchite. Aissi giikko, sa7aa asa i pirddiyo saatee gakkiis. Saluwaa, sa7aa, abbaanne haattaa pulttuwaa medhdhida Xoossaayyo goinnite” yaagiis.

Ajjuutaa 21:6

Qassikka tana hagaadan yaagiis; “Polettiis. Taani Alifaanne Omeegaa; Doomettaanne Poluwaa. Saamettida oonanne taani de7uwaa haattaa pulttuwaappe coo ushshana.

Ajjuutaa 22:13

Taani Alifaanne Omeegaa; Koiruwaanne Wurssettaa; Doomettaanne Poluwaa” yaagiis.

Ajjuutaa 3:14

“Lodooqiyan de7iya woosa keettaa kiitanchchaayyo hagaadan yaagada xaafa; ‘Ammanettida tumanchcha markkai, Xoossai medhdhidobau koiroi, “Amin77i” giyoogee hagaadan yaagees.

Ajjuutaa 4:11

“Nu Godau Xoossau, neeni bonchchuwaa, sabaanne wolqqaa ekkanau bessaasa. Aissi giikko, ubbabaa neeni medhdhadasa; qassi ubbabaikka neeni koyidoogaadan haniisinne de7iis” yaagoosona.