Daannatu Maxaafaa 6:5 - Wolaytta Bible

⁵ Bantta mehiyaanne bantta dunkkaaniyaa ekkidi, boolee yiyoogaadan corattidi yoosona; etanne eta gaameelata qoodanau danddayettenna; eti yiiddi biittaa bashshoosona.

Daannatu Maxaafaa 6:5 Iomraidhean Croise

Siiquwaa Sabaa 1:5

“Inttenoo, Yerusalaame maccaasatoo, siyite, taani karetta; gidikkonne, malanchcha. Ta karettatettai Qeedaare dunkkaaniyaa mala; shin ta merai Solomona kawo keettaa magalashotu mala.

Isiyaasa 13:20

He biittan mulekka asi uttenna; woikko yeletaappe yeletaa gakkanaassikka yan asi de7enna; Araba asikka yan ba dunkkaaniyaa tolenna; dorssaa wudiyaa heemmiyaageetikka yan bantta wudiyaa allaxxissokkona.

Isiyaasa 60:6

Midiyaama biittaappenne Eefa biittaappe yiida yelaga gaameelatu wudee ne biittaa kammana. Qassi worqqaanne ixaanaa caanettida gaameelati GODAA galataa awaajjiiddi, Saabappe yaana.

Ermmaasa 46:23

Yiidi asai sixima woraa qeexidi xaissiyoogaadan, Gibxxe asaa siifi wurssana. Taani GODAI hagaa odais. Morkketu qoodai booliyaappekka corattees; eta qoodanau danddayettenna.

Ermmaasa 49:29

Eta dunkkaanetanne eta wudeta ekkite! Eta magalashota, eta aquwaa ubbaanne eta gaameelata ekkite! Yaatidi etau, 'Intte yuusho ubban shabbirssai denddiis!' yaagidi odite.

Ermmaasa 49:32

“Eta gaameelati bonqqettana; eta wudeekka omoodettana. Bantta huuphiyaa shubeeriyaa meedissiyaageeta ubbaa taani carkkuwan laalana; taani ubbasaara eta bolli bashshaa ehaana. Taani GODAI hagaa odais.

Ermmaasa 51:14

Ubbaappe Wolqqaama GODAI, “Boolee biittaa kumiyoogaadan, taani asata ne biittan kunttana; etikka nena xoonido ufaissaa bantta qaalaa xoqqu oottidi, ne bollan gairana” yaagidi ba sunttan caaqqiis.

Zaarettido Wogaa 28:33

Ne biittaa aifiyaanne ne daafuridobaa ubbaa ne erenna asai maana; ne de7o ubban huqqunnettidaagaanne naaqettidaagaa gidana.

Daannatu Maxaafaa 7:12

He wode booledan corattida Midiyaama asai, Amaaleeqa asainne arshsho baggaara de7iya asai ubbai wombbaa giddon dunkkaanidi uttidosona. Eta gaameelati abbaa doonan de7iya shafiyaadan qoodanau danddayettennaageeta.

Daannatu Maxaafaa 8:10

Zebaahinne Xalmmunaa7i arshsho baggappe yiida olanchchatuppe attida bantta tammanne ichchashu sha7u olanchchatuura Qarqqoora giyo kataman de7oosona. Kase arshsho baggappe yiida olanchchatuppe bisuwan olettiya issi xeetanne laatamu sha7u gidiya olanchchati olan haiqqi wuridosona.

Daannatu Maxaafaa 8:21

Hegaappe guyyiyan, Zebaahinne Xalmmunaa7i Geedoona, “Dendda eqqada, neeni nuna wora. Attumaasa ooso oottanau attumaasa koshshees” yaagidosona. Yaatin, Geedooni denddidi, eta woriis; woridi eta gaameelatu qooriyan de7iya alleeqo ubbaa ekkiis.

Sameela Maxaafaa Koiruwaa 30:17

He galla omarssaappe biidi wonttetta gallassa omarssai gakkanaashin, Daawiti eta shociis; gaameelaa toggidi baqatida oiddu xeetu yelagatappe attin, hari issi asinne attidi bibeenna.