Daannatu Maxaafaa 6:19 - Wolaytta Bible

¹⁹ Geedooni ba soo gelidi, anqqara deeshsha maraa shukkidi kattiis; issi tammu kilo giraame gidiya xiilliyaa ekkidi, irshsho yeggennan oittaa uukkiis. Ashuwaa masoobiyan wottidi, cambbaa keriyan tigiis; ubbaakka ekki efiidi, wolaa garssan uttida GODAA kiitanchchaassi shiishshiis.

Daannatu Maxaafaa 6:19 Iomraidhean Croise

Doomettaabaa 18:3

Ziggi simmidi i, “Abeet ta godau, taani ne sinttan nashettidabaa gidikko, tana ne ashkkaraa aggada aadhdhoppa.

Doomettaabaa 18:5

Intte ha77i taakko intte ashkkaraakko yiido gishshau, gazddidi intte biyoosaa baana mala, taani intteyyo miyoobaa ehais” yaagiis. Yaagin eti, “Daro lo77o; neeni giyoogaadan ootta” yaagidosona.

Wogaabaa 2:4

“'Yarshshuwaassi shiishshiyo oittai coociyan ka77idaagaa gidikko, zaitiyan munaqqido liiqo xiilliyaappe uukettida, irshshoi yegettibeenna komppo, woikko zaitiyan tiyido, irshshoi yegettibeenna lee7e lichchakko gido.

Maatiyoosa 13:33

Qassikka Yesuusi hara leemisuwaa etau yaagidi odiis; “Saluwaa kawotettai issi mishiriyaa heezzu kere xiilliyaa ekkada, munaqqido munaqai ubbai denddana gakkanaassi, aani tigido irshshuwaa milatees” yaagiis.

Daannatu Maxaafaa 13:20

Yarshshuwaa yarshshiyoosaappe tamaa lacoi pude pololattishin, GODAA kiitanchchai tamaa lacuwaa giddoora saluwaa kiyiis. Maanuheenne a maccaasiyaa hegaa be7idi, som77uwaa sa7aa gattidi gufannidosona.

Daannatu Maxaafaa 6:18

Taani guyye simmada baada, neeyyo immiyoobaa ehaana gakkanaashin, hayyanaa hannippe booppa” yaagiis. Yaagin GODAI, “Neeni simmana gakkanaashin, taani hagan naagana” yaagiis.

Daannatu Maxaafaa 6:20

Xoossaa kiitanchchai a, “Ashuwaanne irshshoi gelibeenna oittaa ekkada, ha shuchchaa bolli wotta; cambbaakka a bolli tiga” yaagiis; yaagin Geedooni hegaadan oottiis.