Daannatu Maxaafaa 14:18 - Wolaytta Bible

¹⁸ Yaatin, laappuntta gallassi awai wullanaappe kase katamaa asati ba zaaruwaa ekki yiidi, Samssoona, “Eessaappe aadhdhidi mal77iyaabi, gaammoppe aadhdhidi minniyaabi aibee?” yaagidosona. Yaagin Samssooni eta, “Intte ta ussen goyennabaa gidiyaakko, ta qan77ishiyaa birshshettaa erekketa shin” yaagiis.

Daannatu Maxaafaa 14:18 Iomraidhean Croise

Sameela Maxaafaa Naa77anttuwaa 1:23

“Saa7oolinne Yonaataani asi siiqiyoogeetanne lo77iyaageeta; bantta haiquwankka bantta paxankka shaahettibookkona. Eti argganttaappekka aadhdhida eeso; gaammuwaappekka aadhdhida mino.

Mazamure Maxaafaa 81:16

Taani inttena lo77o gisttiyaa mizana shin; qassi eessaa shuchchaa kooppuwaappe kalissana shin” yaagees.

Leemiso Maxaafaa 30:30

Hegeetikka: do7a ubbaappe minniyanne yayyidi baqati erenna gaammuwaa;

Hizqqeela 1:10

Etau issuwau issuwau sintta baggaara asa som77oi de7ees; ushachcha baggaara gaammuwaa som77oi de7ees; qassi haddirssa baggaara boora som77oi de7ees; qassi guyye baggaara argganttaa som77oi de7ees;

Daannatu Maxaafaa 14:17

Yaagin bullachchaa baalai bonchchettiyo laappun gallassatu ubban yeekkada shemppuwaa diggin, laappuntta gallassi qan77ishiyaa birshshettaa iyyo yootiis. Yootin akka baada bantta biittaa asaayyo yootaasu.

Daannatu Maxaafaa 14:19

Hegaappe guyyiyan, GODAA Ayyaanai a bollan wolqqappe wodhdhin, Asqqaloona katamaa wodhdhidi, hasttamu asata woriis; woridi eta maayuwaa qaari ekkidi, qan77ishiyaa birshshida asatussi ehiidi immiis. Hanidaban ubban hanqquwaa suulliiddi, ba aawaa soo simmidi biis.