Daannatu Maxaafaa 11:27 - Wolaytta Bible

²⁷ Taani ta baggaara inttena aibanne naaqqabeikke; shin tana ola olada naaqqiyai nena. Pirddiya GODAI hachchi Israa7eela asaappenne Amoona asaappe gidduwan pirddo” yaagiis.

Daannatu Maxaafaa 11:27 Iomraidhean Croise

Doomettaabaa 16:5

He wode Saaraya Abraama, “Tana ha naaquwaa naaqissiyaagee nena; taani ta ailliyo neeyyo immin, a ha77i baayyo shahaarai attidoogaa erada, tana karausu. Nebaanne tabaa GODAI pirddo” yaagaasu.

Doomettaabaa 18:25

Hegee neeppe haakko; xillota iitatuura woriyoogeenne xillotanne iitata issi aifiyan xeelliyoogee neeppe haakko. Ha sa7aa ubbaa pirddiyaagee xillo pirddenneeyye?” yaagiis.

Doomettaabaa 31:53

Abrahaama Xoossai, Naakoora Xoossai, eta aawaa Xoossai, nu gidduwan i pirddo” yaagiis. Yaagin Yaaqoobi ba aawaa Yisaaqi Yayyidoogaa sunttan caaqqiis.

Hanidabaa Odiya Naa77antto Maxaafaa 20:12

Abeet nu Xoossau, neeni eta bolli pirddikkii? Aissi giikko, nuna olanau yiida ha daro olanchchatuura olettanau nuuyyo wolqqi baawa. Nuuni oottanabaakka erokko; shin nu aifeti nena xeelloosona” yaagiis.

Iyyooba Maxaafaa 23:7

Ta wozanai suure gidiyo gishshau, taani Xoossaara mootettanau danddayais; i ta daannai tana merinau shatinttana.

Iyyooba Maxaafaa 9:15

Taani xillo gidiyaakkokka, pirddiya Xoossai tana maaranaadan woossanaappe attin, taani a bolli zaarikke.

Mazamure Maxaafaa 50:6

Xoossai barkka pirddiyaagaa gidiyo gishshau, saloti a xillotettaa yootoosona.

Mazamure Maxaafaa 7:11

Xoossai xillo pirddiyaagaa; i hachchi hachchi hanqqettiya Xoossaa.

Mazamure Maxaafaa 75:7

SHin pirddiyaagee Xoossaa; i issuwaa bolli pirddees; issuwaa shatinttees.

Mazamure Maxaafaa 82:8

Abeet Xoossau, dendda; sa7aa pirdda; kawotetti ubbai nebaa.

Mazamure Maxaafaa 94:2

Abeet sa7aa pirddiyaagoo, dendda; otoranchchatuyyo bessiya qixaatiyaa imma.

Eranchchaa Maxaafaa 11:9

Nenoo yelagau, yelagatettai keehi lo77obaa gidiyo gishshau, ne yelagatettaa laittan ufaitta; ne wozanaikka ufaitto. Ne aifee xeellidobaanne ne wozanai amottidobaa ubbaa pola. SHin, he neeni oottidobaa ubbaa gishshau, nena Xoossai pirddanau de7iyoogaa dogoppa.

Eranchchaa Maxaafaa 12:14

Xoossai ooso ubbaa bollan, qassi geemmida yoho ubbaa bollan, lo77o gidin, iita gidinkka pirddanau de7ees.

Naa77antto Qoronttoosa 11:11

Taani hagaa aissi giyaanaa? Inttena siiqenna gishshassee? Taani inttena siiqiyoogaa Xoossai erees.

Naa77antto Qoronttoosa 5:10

Aissi giikko, nuuni huuphiyan huuphiyan oottido oosoi lo77o gidin, woi iita gidin, nuuyyo bessiyaagaa ekkanau, Kiristtoosa pirdda araataa sinttan ubbaikka beettanau bessees.

Naa77antto Ximootiyoosa 4:8

Sinttappe taayyo xillotettaa akiliilee giigi uttiis. Hegaa xillo pirddaa pirddiya Godai he gallassi taayyo sheedhdhana. Qassi Kiristtoosi qonccanaagaa dosiya ubbaassappe attin, ta xalaalaassa gidenna.

Ibraawe 12:23

Xoossaa baira naatukko, issippe shiiqidaageetukko, eta sunttai saluwan xaafettidoogeetukko yiideta; qassi asa ubbaa pirddiya Xoossaakkonne, bali bainnaageeta oottido xillo asatu ayyaanatukko yiideta.

Daannatu Maxaafaa 11:28

SHin Yofttaahee kiittido kiitaa Amoonatu kawoi siyennan ixxiis.

Sameela Maxaafaa Koiruwaa 2:10

GODAARA eqettiyaageeti liiqana. GODAI saluwaappe eta bolli dadadan guummana; GODAI sa7an de7iyaageeta ubbaa pirddana. I ba kawuwaayyo wolqqaa immana; i ba tiyidoogaayyo xoonuwaa immana” yaagada woossaasu.

Sameela Maxaafaa Koiruwaa 24:12

Nebaanne tabaa GODAI pirddo; GODAI neeni tana qohidoogaa haluwaa kesso; shin taani ne bolli ta kushiyaa denttikke.

Sameela Maxaafaa Koiruwaa 24:13

Beni wode, 'Iitaa oottiyaageetuppe iitabi kiyees' yaagiyo leemisoi de7ees; hegaa gishshau, taani nena kushiyaaninne bochchikke.

Sameela Maxaafaa Koiruwaa 24:15

GODAI nu giddon daannato; nebaanne tabaa i pirddo; ta yohuwaa xeellidi, ta gishshau i mootetto; ne kushiyaappe tana i ashsho” yaagiis.

Sameela Maxaafaa Koiruwaa 24:16

Daawiti Saa7oolayyo haasayiyoogaa wurssido wode, Saa7ooli Daawita, “Ta na7au Daawitaa, hegee ne qaalee?” yaagiis; yaagidi Saa7ooli ba qaalaa xoqqissidi yeekkiis.