Daaneela 9:7 - Wolaytta Bible

⁷ “Abeet Godau, neeni xillo; shin nuuni hachchi yeellaa maayida. Yihudaaninne Yerusalaamen de7iya asai ubbai, nuuni neeyyo ammanettennan ixxin, neeni haaho biittaaninne mata biittan laalido Israa7eela asai ubbai yeellatida.

Daaneela 9:7 Iomraidhean Croise

Izira Maxaafaa 9:13

“Nu bolli gakkida iitabai ubbai nu iita oosuwaappenne nu gita naaquwaappe denddidaagaana. Gidikkonne, neeni nu Xoossai nu nagaraa daruwaa keenaa nuna pirddabaakka; shin nuuppe amaridaageeta zerettau palahissadasa.

Izira Maxaafaa 9:15

Abeet GODAU, Israa7eela Xoossau, neeni xillo. Nu naaquwaappe denddidaagan nuuppe issoinne ne sinttan eqqanau danddayennaagaa gidikkonne, nuuni zerettau palahidi attidaageeti hachchi hagan ne sinttan de7oos” yaagaas.

Nahimiyaa Maxaafaa 9:33

Nuna gakkidaban ubban neeni xillo. Aissi giikko, nuuni nena naaqqikkokka neeni ammanettiyoogaa aggabaakka.

Mazamure Maxaafaa 119:137

Abeet GODAU, neeni xillo; ne pirddaikka likke.

Mazamure Maxaafaa 44:15

Taani gallassa kumettan tooshettaidda de7ais; tana cayiyaageetunne boriyaageetu gaasuwan, tana morkkiyaageetunne manddiyaageetu gaasuwan, tana yeellai kammiis.

Mazamure Maxaafaa 51:14

Abeet Xoossau, tana ashshiya Xoossau, suuttaa gussido nagaraappe tana ashsha; he wode ta inxxarssai ne xillotettaabaa yexxana.

Mazamure Maxaafaa 51:4

Taani nena, ne xalaalaa naaqqadis; ne aifiyaa sinttan iitabaa oottaas. Hegaa gishshau, haasayaiddakka neeni likke; pirddaiddakka neeni xillo.

Isiyaasa 11:11

He gallassi Godai ba asaa atettaa Asooreppe, Gibxxeppe, Patiroosappe, Toophphiyaappe, Elaamappe, Baabilooneppe, Hamaatappenne abbaa doonan de7iya biittatuppe naa77anttuwaakka zaaridi ekkanau ba kushiyaa yeddana.

Isiyaasa 45:16

Eeqaa medhdhiyaageeti ubbaikka yeellatananne kauyyana. Eeqa misiliyaa medhdhiyaageeti ubbai issippe kaushshau baana.

Ermmaasa 12:1

Abeet GODAU, taani nenaara mootettiyo wode, ubbabankka neeni xillo. Gidikkonne, taani xillo pirddaabaa nenaara haasayanau koshshees. Iita asati oottiyoobai etau aissi injjetii? Ammanettennaageeti aissi ishalidi de7iyoonaa?

Ermmaasa 23:6

I kawotiyo laittan taani Yihudaa ashshana; Israa7eelakka saro wottana. I xeesettana sunttai GODAA, nu Xillotettaa geetettana” yaagees.

Ermmaasa 24:9

Laalada yeddiyo biitta ubban taani eta ha sa7aa kawotettatu ubbau daganttiyaabaanne cayiyoobaa, boriyoobaanne leemisiyoobaa, qilliicciyoobaanne qanggiyoobaa oottana.

Ermmaasa 3:25

Nu yelagatettaasappe doommidi, hachchi gakkanaassi, nuunikka nu aawatikka GODAA nu Xoossaa bolli nagaraa oottida. GODAA nu Xoossaa qaalaassi azazettibookko. Hegaa gishshau, ane nuuni yeellau duge gufannoos; qassi kaushshai nuna afaladan kammo” yaagoosona.

Ermmaasa 32:32

Israa7eela asainne Yihudaa asai, eta kawotinne halaqati, eta qeesetinne hananabaa yootiyaageeti oottido iita ooso ubban tana hanqqetissidosona.

Ermmaasa 33:16

He wode Yihudaa asai attana; Yerusalaame asaikka woppu giidi de7ana; ha katamaikka GODAA, Nu Xillotettaa yaagetti xeesettana.

Ermmaasa 7:19

Hagan tumu qohettiyai tanee? Hagan qohettidi yeellatiyai bantta huuphiyau eta gidokkonaa?” yaagees.

Hizqqeela 16:63

Taani neeni oottido nagaraa ubbaa atto yaagiyo wode, neeni ne oottidobaa hassayada, yeellau ne doonaa oiqqana. Taani Ubbaa Haariya GODAI hagaa odais” yaagees' yaaga” yaagiiddi yiis.

Hizqqeela 36:31

He wode intte intte iita ogiyaanne intte lo77o gidenna oosuwaa hassayana; hassayidi intte nagaraanne intte tuna oosuwaa gishshau, intte inttena shenetana.

Hizqqeela 5:10

Hegaappe denddidaagan, intte giddon aawati bantta naata maana; qassi naatikka bantta aawata maana. Taani intte bolli pirddaa ehaana; intteppe attidaageetakka carkko ubbau laalana.

Hizqqeela 6:12

Haahuwan de7iyaagee boshan haiqqana; matan de7iyaagee olan haiqqana; qassi paxa attidaagee koshan haiqqana. Hegaadan oottada, taani ta hanqquwaa eta bolli wurssana.

Daaneela 9:14

GODAI ha bashshaa nu bollan ehaanau guyye gibeenna; aissi giikko, GODAI nu Xoossai ba oottiyooban ubban xillo; shin nuuni ayyo azazettennan ixxida.

Daaneela 9:18

Abeet ta Xoossau, ne haittaa nuukko yeggada siya; ne aifiyaakka dooyada, ne sunttan xeesettida katamaa bashshaa xeella. Nuuni neessi watiwatiyoogee, nu xillotettaa gishshaassa gidennan, ne gita maarotettaa gishshaassa.

Daaneela 9:8

Abeet Godau, nuuni, nu kawoti, nu halaqatinne nu aawati nena naaqqido gaasuwan yeellaa maayida.

Amoxa 9:9

“Be7ite, kattaa zazzariyan zazzariyoogaadan, Israa7eela asaa kawotettatu ubbaa giddon zazzaranaadan, taani azazana; shin eta giddon ammanettiyaageetuppe issoinne sa7an wodhdhidi xayenna.

Roome 6:21

Inttena ha77i yeellayiya yohota he wode oottidoogaappe ai go77aa demmidetii? Aissi giikko, he yohotu wurssettai haiqo;

Zaarettido Wogaa 32:4

I nu zaallaattenne, a oosuwan wotoi baa; a oge ubbaikka suure. Nu Xoossai ammanettiyaagaanne iitatettai bainnaagaa; i tumanchchanne suure.

Zaarettido Wogaa 4:27

GODAI inttena hara asaa giddon laalana; he inttena i laaliyo kawotettatu giddon intte qoodai guutta gidana.