Daaneela 9:13 - Wolaytta Bible

¹³ Muuse Higgiyan xaafettidoogaadan, ha bashshai ubbai nu bolli gakkiis. Gakkinkka nu nagaraappe simmibookko; ne tumaa ezggibookko; nena, GODAA nu Xoossaakka maarotaa oichchibookko.

Daaneela 9:13 Iomraidhean Croise

Kawotu Maxaafaa Naa77anttuwaa 22:16

GODAI hagaadan yaagees; 'Be7ite, Yihudaa kawoi nabbabido maxaafan xaafettida iita qaalaa ubbaa taani ha sohuwaa bollinne ha sohuwan de7iya asaa bolli ehaana hanais.

Iyyooba Maxaafaa 36:13

“Xoossaa ammanenna asati bantta wozanan yiilluwaa dagayoosona; i eta qaxxayiyo wodekka, maadda giidi woossokkona.

Mazamure Maxaafaa 119:18

Ne higgiyaa giddon de7iya maalaalissiya tumatettaa taani be7ana mala, ta aifiyaa poga.

Mazamure Maxaafaa 119:27

Ne wogaa ogiyaa tana akeekissa; maalaalissiya ne oosuwaa taani zaara zaaradakka qoppana.

Mazamure Maxaafaa 119:73

Tana ne kushee medhdhiisinne giigissiis. Ne azazuwaa taani tamaarana mala, taayyo akeekaa imma.

Mazamure Maxaafaa 85:4

Abeet nuna ashshiya Xoossau, nuna guyye zaara. Neeni nuussi lanccidoogaanne agga.

Isiyaasa 31:1

Maaduwaa koyanau duge Gibxxe wodhdhiyaageetussinne paran ammanettiyaageetussi aayye7ana! Cora gidiyo gishshau paraa gaaretun, daroppe mino gidiyo gishshau paraasatun ammanettiyaageetussi aayye7ana! Eti Israa7eela Geeshshaakko xeellokkona; woikko GODAAPPE maaduwaa koyokkona.

Isiyaasa 42:9

Be7ite, kase taani yootidobati ubbai polettidosona. Ha77i qassi taani oorattabaa awaajjais; eti hananaappe kasetada taani intteyyo yootais” yaagees.

Isiyaasa 43:22

“SHin nenoo Yaaqoobaa, neeni ta sunttaa xeesabaakka; nenoo Israa7eelaa, neenikka tana salettadasa.

Isiyaasa 64:6

Nuuni ubbaikka tuna asa gidida; nu xillotetta ooso ubbaikka qita curqqa mala. Nuuni ubbaikka bonccodan shullida; nu nagarai nuna carkkodan, pittidi efiis.

Isiyaasa 64:7

Ne sunttaa xeesiyai, woikko nena mintti oikkanau koyiyai baawa. Aissi giikko, neeni ne sinttaa nuuppe genttadasa; nuna nu nagaraa gishshau, agga bayadasa.

Isiyaasa 9:13

Gidikkonne, asati banttana shocidaagaakko simmibookkona; Ubbaappe Wolqqaama GODAAKKA koyibookkona.

Ermmaasa 2:30

Taani inttena coo mela qaxxayaas; qaxxayinkka intte baayibeekketa. Namisettida gaammuwaadan, intte bisoi intte hananabaa yootiyaageeta mirggiis” yaagees.

Ermmaasa 30:14

Intte siiqoti ubbati inttena dogidosona; eti inttebaa wudokkona. Taani inttena morkkedan shocaas; meqetti bainna asi qaxxayiyoogaadan qaxxayaas. Aissi giikko, intte mooroi dalggiis; intte nagaraikka dariis.

Ermmaasa 31:18

“Efireema zareti azzanidi, hagaadan yaagidi odiyoogaa tumuppe taani siyaas; 'Neeni nuna xurqqayettibeenna mirgguwaadan wadhdhadasa; nuunikka keedida. Neeni GODAA nu Xoossaa gidiyo gishshau, ane nuna zaara; nuuni neekko simmana.

Ermmaasa 44:23

Ha bashshai ubbai inttena gakkidoogee intte hara xoossatuyyo ixaanaa cuwayido gishshaassa, GODAA naaqqido gishshaassa, GODAA qaalaa siyennan ixxido gishshaassanne a higgiyaassinne a wogaassi azazettennan ixxido gishshaassa” yaagiis.

Ermmaasa 44:27

Taani eta bolli lo77obaa ehaanaassi gidennan, iitabaa ehaanaassi xeellais. Gibxxen de7iya Yihudaa asai muleera wurana gakkanaashin, olaaninne koshan haiqqana.

Ermmaasa 5:3

Abeet GODAU, ne aifeti tumaa xeellokkonaayye? Neeni eta dechchadasa, shin eta sakkibeenna. Neeni eta kinchcherettadasa, shin eti seeraa ekkennan ixxidosona. Eti bantta som77uwaa zaallaappe aatti minttidi, bantta nagaraappe simmennan ixxidosona.

Ermmaasa Zilaassaa 5:21

Abeet GODAU, nuna neekko zaara; nuunikka simmana! Nu beni bonchchuwaa zaarada, nuna ooraxissa!

Hizqqeela 16:43

“'“Neeni ne yelagatettaa laittaa dogada, ha iita ooso ubban tana hanqqetissadasa. Hegaa gishshau, tumaappe ne oottidobaa ubbaa taani ne bollan zaarana. Neeni ne tuna oosotu ubbaa bolli shaaramuxatettaa aibissi gujjadii? Taani Ubbaa Haariya GODAI hagaa odais.

Daaneela 9:11

Israa7eela asai ubbai ne higgiyaa menttidi, wora simmidosona; ne azazuwaassikka eenibookkona. “Nuuni ne bolli nagaraa oottido gishshau, Xoossaa ashkkaraa Muuse Higgiyaa Maxaafan xaafettida qanggettainne pirddai nu bolli tigettiis.

Hoose7a 7:10

Israa7eela asaa otoroi eta bollan markkattees. Hegee ubbai haninkka eti GODAAKKO, bantta Xoossaakko, simmibookkona woikko a koyibookkona.

Hoose7a 7:14

Bantta hiixan zin77idi zilaaloosonappe attin, bantta wozanaappe tana woossokkona. Kattaassinne woine eessaassi bantta bollaa mashshan qanxxiiddi, hara xoossata woossoosona; shin eti ta bolli makkalidosona.

Hoose7a 7:7

Eti ubbaikka tama coocedan michchoosona; michchidi banttana haariyaageeta moosona. Eta kawoti ubbaikka kunddidosona; etappe ooninne tana xeesiyaabi baawa.

Luqaasa 24:45

He wode, Xoossaa maxaafati giyoogee etassi gelana mala, eta wozanaa dooyiis.

Yohaannisa 10:35

Xoossaa maxaafata laammanau danddayettenna; Xoossai ba qaalai yiido asata, ‘xoossata’ giidi xeesidobaa gidikko,

Yohaannisa 6:45

Hananabaa yootiyaageeti, ‘Xoossai asa ubbaa tamaarissana’ yaagidi xaafidosona; Aawai giyoogaa siyiyaageenne Aawaappe tamaariyaagee ooninne taakko yees.

Yohaannisa 8:32

Intte tumatettaakka erana; qassi tumatettai inttena ailletettaappe kessana” yaagiis.

Efisoona 4:21

Abaa tumu siyideta; qassi tumatettaikka Yesuusan de7iyoogaadan, appe tamaarideta.

Zaarettido Wogaa 29:4

SHin hachchi gakkanaashin, GODAI intteyyo akeekiya wozanaa, xeelliya aifiyaanne siyiya haittaa immibeenna.

Yaaqooba 1:5

SHin intteppe ooninne baayyo aadhdhida eratettai xayikko, borennan ubbau kehatettan immiya Xoossaa woosso. I ayyo immana.