Daaneela 5:11 - Wolaytta Bible

¹¹ Geeshsha xoossatu ayyaanai an de7iyo issi asi ne kawotettaa giddon de7ees. Erai, akeekainne xoossatuugaa mala aadhdhida eratettai an de7ees. Kase ne aawai Kawoi Naabukadanaxoori a shareechchotussi, murunniyaageetussi, xoolinttiyaa paidiyaageetussinne aadhdhida eranchchatussi halaqa oottidi sunttiis.

Daaneela 5:11 Iomraidhean Croise

Doomettaabaa 41:38

Hegaa gishshau kawoi eta, “Nuuni Xoossaa Ayyaanaara de7iya hagaa mala hara asa demmaneeyye?” yaagidi oichchiis.

Sameela Maxaafaa Naa77anttuwaa 14:17

Qassikka taani ne ashkkariyaa, 'Lo77uwaanne iitaa shaakkanau ta godai kawoi Xoossaa kiitanchcha mala gidiyo gishshau, ta godaa kawuwaa qaalai tana woppisso. GODAI ne Xoossai nenaara gido' yaagais” yaagaasu.

Hizqqeela 28:3

Neeni Daaneelappekka aadhdhida eranchchee? Ai xuurikka neeppe geemmennee?

Hizqqeela 28:4

Tumukka neeni ne aadhdhida eraaninne ne akeekan dure gidadasa; biraanne worqqaa ne buquraa minjjiyo keettaa shiishshadasa.

Daaneela 1:4

Doorana yelagati asatettan wottiyoobi bainnaageeta, malanchchata, ai tamaarissikkokka eranau danddayiyaageeta, akeekiyaageeta, eratettai kumidoogeetanne kawuwaa keettan oottanau danddayiyaageeta. Eta Baabiloonetu qaalaanne xifatiyaa tamaarissa” yaagiis.

Daaneela 2:11

Kawoi oichchido oishai deexo; asaara issippe de7enna xoossatuppe attin, hagaa kawuwaassi qonccissanau danddayiyaabi mulekka baawa” yaagidosona.

Daaneela 2:22

Ciimma xuuraanne geemmida yohuwaa i qonccissees. Xuman de7iyaabaakka i erees; poo7oikka aara de7ees.

Daaneela 4:18

“ 'Taani Kawoi Naabukadanaxoori aimottido aimoi hagaa. Ha77i simmi Bilxxaasooraa, taayyo a birshshettaa oda. Aissi giikko, ta kawotettaa giddon de7iya aadhdhida eranchchatuppe issoinne tana birshshettaa erissanau danddayibeenna; shin geeshsha xoossatu ayyaanai nenan de7iyo gishshau, neeni danddayaasa' yaagaas.

Daaneela 4:5

Issi gallassi taani tana yashshiya aimo aimottaas. Taani ta arssan zaqqullada, be7ido aimoinne ajjuutai tana daganttiis.

Daaneela 4:6

Hegaa gishshau, ha aimuwaa birshshettaa tana erissana mala, Baabiloonen de7iya aadhdhida eranchchata ubbaa taakko ehaanaadan azazaas.

Daaneela 5:14

Xoossatu ayyaanai nenan de7iyoogaanne erai, akeekainne keehi aadhdhida eratettai neeyyo de7iyoogaa taani siyaas.

Daaneela 5:7

Kawoi ba qaalaa xoqqu oottidi, murunniyaageeta, aadhdhida eranchchatanne xoolinttiyaa paidiyaageeta ehaanaadan azaziis. Eti yin Baabiloone aadhdhida eranchchata hagaadan yaagiis; “Ha xifatiyaa nabbabidi, a birshshettaa tau yootiya uri ooninne, ochchaa teeraa milatiya maayuwaa maayana; a qooriyan worqqa sanssalataa aattana; qassi i ta kawotettaa haariya heezzantto asa gidana” yaagiis.

Yesuusi Kiittidoogeetu Oosuwaa 12:22

Asai, “Hagee Xoossaa qaala; asa qaala gidenna” yaagidi qaalaa xoqqissidi haasayiis.

Yesuusi Kiittidoogeetu Oosuwaa 14:11

PHauloosi oottidoogaa asai be7idi, ba qaalaa Liqaa7ooniyaa qaalan xoqqu oottidi, “Xoossati asa milatidi nuukko wodhdhidosona” yaagiis.

Yesuusi Kiittidoogeetu Oosuwaa 16:16

Nuuni Xoossaa woossiyoosaa biishin, iita ayyaanai i bolli de7idi kaayissiyo issi aille na7iyaa nunaara gaittaasu; he na7iyaa kaayada daro miishshaa ba godatussi demmaasu.

Ajjuutaa 3:9

Be7a, Aihuda gidokkona shin banttana, ‘Nuuni Aihuda’ giidi worddotiya Seexaana Aihuda woosa keettata taani ehaada, ne sinttan goinissananne nena siiqiyoogaakka eta erissana.