Daaneela 4:3 - Wolaytta Bible

³ “A malaatai aiba gitee! I oottiyo oorattabai aiba minoo! A kawotettai merinaa kawotetta; a maataikka yeletaappe yeletaa gakkanaashiina.

Daaneela 4:3 Iomraidhean Croise

Iyyooba Maxaafaa 25:2

“Xoossai wolqqaama gidiyo gishshau, asai yayyidi, ayyo haarettees. I ba saluwaa kawotettaa saruwan naagees.

Mazamure Maxaafaa 104:24

Abeet GODAU, ne oosoi ai keena daroo! Ne aadhdhida eratettan neeni eta ubbaa medhdhadasa; sa7ai neeni medhdhidoban kumiis.

Mazamure Maxaafaa 105:27

Eti Gibxxe asatu sinttan Xoossaa malaataa, eta biittan oorattabaa oottidosona.

Mazamure Maxaafaa 145:13

Ne kawotettai merinaa kawotettaa; ne maatai yeleta ubbaa gakkanaassa. GODAI ba giido qaalau ubbau ammanettiyaagaa; i ba ooso ubban qarettiyaagaa.

Mazamure Maxaafaa 66:7

I ba wolqqan merinaayyo haarees. Kawotettata ba aifiyan xeellees; hegaa gishshau, makkaliyaageeti a bolli denddoppona.

Mazamure Maxaafaa 72:18

Maalaalissiyaabaa barkka oottiya GODAASSI, Israa7eela Xoossaassi galatai gido.

Mazamure Maxaafaa 77:19

Neeni abbaa giddoora hemettaasa; ciimma abbaa giddoora kanttaasa; gidikkonne, ne gedee yedhdhido sohoi beettenna.

Mazamure Maxaafaa 86:10

Aissi giikko, neeni gita; neeni maalaalissiyaabaa oottaasa. Ne xalaalai Xoossaa.

Mazamure Maxaafaa 92:5

Abeet GODAU, ne oosoi ai keesa gitee! Ne qofai ai keesa ciimmee!

Isiyaasa 25:1

Abeet GODAU, neeni ta Xoossaa. Taani nena xoqqu xoqqu oottana; ne sunttaakka galatana. Aissi giikko, neeni polo ammanettiyoogan beniisappe halchchettidi de7iya maalaalissiya oosota oottadasa.

Isiyaasa 28:29

Hageekka qassi maalaalissiya zoriyaa zoriya, oosuwaakka aadhdhida eran oottiya Ubbaappe Wolqqaama GODAAPPE yees.

Isiyaasa 9:7

A kawotettaa daruwaunne a sarotettau zawai de7enna; hachchippe doommidi, merinaa gakkanaassi, suure pirddaaninne xillotettan minttanaunne essanau Daawita kawotaa araataaninne a kawotettan i kawotana; Ubbaappe Wolqqaama GODAA mishoi hegaa polana.

Ermmaasa 10:10

SHin GODAI tumu Xoossaa; i de7o Xoossaanne merinaa Kawuwaa. A hanqquwan biittai qaaxxees; kawotettatikka a yiilluwaa danddayokkona.

Daaneela 2:2

Yaatin, i aimottido aimuwaa ayyo yootana mala, shareechchoti, murunniyaageeti, bitiyaageetinne aadhdhida eranchchati xeegetti yaanaadan kawoi azaziis. Azazin yiidi, a sinttan eqqidosona.

Daaneela 2:44

“He kawotu laittan, saluwaa Xoossai mulekka kunddenna, hara asaukka imettenna kawotettaa essana. He eqqida kawotettai he kawotettata ubbaa gaaceretti xaissana; shin i merinau eqqidi daana.

Daaneela 4:17

Ubbaappe Xoqqiya Xoossai asaa naatu kawotetta ubbaa haariyoogaa, kawotettaa i ba koyiyo uraassi immiyoogaanne harai atto, asa ubbaappe karettidaageetakka i sunttiyoogaa paxa de7iya asai ubbai erana mala, qasho qofaa kiitanchchati awaajjidosona. Pirddaakka geeshshati odidosona” yaagiis.

Daaneela 7:14

Asai ubbai, kawotettati ubbainne dumma dumma qaalan haasayiya zareti ubbai ayyo haarettana mala, maatai, bonchchoinne kawotettai ayyo imettiis. A maatai merinau shaarettenna maataa; a kawotettai mulekka xayennaagaa.

Daaneela 7:27

Saloppe garssaara de7iya kawotettatu ubbaa maatai, wolqqainne gitatettai Ubbaappe Xoqqiya Xoossaa geeshsha asatuyyo imettana. A kawotettaikka merinaa kawotetta gidana; deriyaa haariyaageeti ubbati ayyo azazettananne ayyo oottana' yaagiis.

Roome 11:33

Xoossaa duretettai ai keena daroo? A hayyoinne a eratettai ai keena xoqqee? A pirddaa yootanai oonee? I ba oottiyoogaa aissi oottiyaakko, oonee akeekiyai?

Zaarettido Wogaa 4:34

Woikko GODAI intte Xoossai intte xeellishin, Gibxxe biittan intteyyo oottidoogaadan, paaciyan, malaatan, maalaalissiyaaban, olan wolqqaama kushiyaaninne micettida qesiyan, qassi gita yashshan hara kawotettaa giddo gelidi, issi kawotettaa baayyo ekkanau baaxetida hara xoossi de7ii?

Koiro Ximootiyoosa 1:17

Aifiyan beettenna merinaa Xoossau issuwau, merinaa Kawuwau, merinaappe merinaa gakkanaassi galatainne bonchchoi gido.

Ibraawe 1:8

SHin ba Na7aabaa haasayiiddi, “Xoossau, ne kawotaa araatai meri merinau de7ees. Ne kawotaa xam77aikka xillotettaa xam77aa.

Ibraawe 2:4

He siyidaageeti markkattidoogaa bolli Xoossaikka malaataa, oorattabaanne Xoossai oottiyo dumma dumma malaataa oottiyoogan gujji markkattiis; qassi Geeshsha Ayyaanaa imuwaakka ba koyidoogaadan, gishi gattiis.

Koiro PHeexiroosa 4:11

Yesuus Kiristtoosa baggaara ubbaban Xoossai galatettana mala, ooninne yootiyaabaa gidikko, qaalaa Xoossaappe ekkidi yootiyoogaadan yooto. Qassi ooninne maaddiyaabaa gidikko, Xoossai ayyo immiyo wolqqan maaddo. Bonchchoinne godatettai Xoossaassi meri merinau gido. Amin77i.

Ajjuutaa 11:15

Hegaappe guyyiyan, laappuntta kiitanchchaikka ba malkkataa punniis. Saluwan, “Sa7aa kawotettai ha77i nu Godaassanne a Kiristtoosassa; qassi merinaappe merinaa gakkanaassi i haarana” yaagiya wolqqaama cenggurssai siyettiis.