Daaneela 12:13 - Wolaytta Bible

¹³ “Nena gidikko, neeni wurssettai gakkanaashin ba. Neeni shemppana; shemppada gallassatu wurssettan nena gakkiya laataa ekkanau denddana” yaagiis.

Daaneela 12:13 Iomraidhean Croise

Mazamure Maxaafaa 1:5

Hegaa gishshau, iitatu bolli GODAI pirddana; nagaranchchatikka xillotu yaa7an eqqokkona.

Mazamure Maxaafaa 16:5

Ta GODAU, ta de7uwaa saamai nena; tana koshshiya ubbaa neeni taassi immaasa. Ta sintta de7uwau waasee nena.

Mazamure Maxaafaa 16:9

Hegaa gishshau, ta wozanai ufaittees; ta shemppoikka ufaittees. Ta bollaikka hirggi bainnan de7ees.

Kessaabaa 33:14

Yaagin GODAI zaaridi, “Taani nenaara baana; taani nena shemppissana” yaagiis.

Daaneela 12:3

Aadhdhida eranchchati, saluwaa poo7uwaadan, qassi darota xillotettaa ogiyaa kaalettidaageeti meri merinau xoolinttiyaadan poo7ana.

Daaneela 12:4

“SHin nenoo Daaneelaa, neeni wurssettaa wodee gakkanaashin, ha maxaafaa qaalaa gorddada, maatafaa wotta. Daroti yaanne haanne bichchaarana; eraikka darana” yaagiis.

Zakkaariyaasa 3:7

“Ubbaappe Wolqqaama GODAI hagaadan yaagees; 'Neeni ta ogiyan hemettikkonne ta azazuwaa naagikko, neeni ta Beeta Maqidasiyaa aissana; ta dabaabankka aawatana. Qassi hagan eqqida kiitanchchatuura issippe neeni geliyo maataa taani neeyyo immana.

Maatiyoosa 19:28

Yaagin Yesuusi eta hagaadan yaagiis; “Taani intteyyo tumaa gais; taani, Asa Na7ai, ooratta biittan ta kawotaa araatan uttiyo wode, tana kaallida inttekka tammanne naa77u Israa7eela zaretu bolli pirddanau, tammanne naa77u kawotaa araatan uttana.

Luqaasa 21:36

Simmi intte he yaanabaa ubbaappe attanaunne ta sinttan Asa Na7aa sinttan, eqqanau danddayana mala, ubba wode Xoossaa woosan minnite” yaagiis.

Naa77antto Qoronttoosa 5:1

Aissi giikko, nuuni de7iyo ha sa7aa dunkkaanee qolettikko, nuuyyo asi keexxibeenna keettai, Xoossai keexxidoogee, saluwan merinau de7iyoogaa nuuni eroos.

Ajjuutaa 14:13

Hegaappe guyyiyan saluwaappe, “Hagaa xaafa; hagaappe sinttau Godan haiqqiyaageeti anjjettidaageeta” yaagiya cenggurssaa taani siyaas. Ayyaanai, “Tuma; eti bantta daafuraappe shemppana; aissi giikko, eta oosoi eta kaallana” yaagees.