Daaneela 1:8 - Wolaytta Bible

⁸ Daaneeli kawuwaa qumaa miyoogaaninne woiniyaa eessaa uyiyoogan bana tunissenna mala, ba wozanan qofaa qachchiis; qachchidi he qofan maayanaadan, oosanchchatu halaqaa woossiis.

Daaneela 1:8 Iomraidhean Croise

Kawotu Maxaafaa Koiruwaa 5:5

GODAI ta aawaa Daawitayyo, 'Taani ne sohuwan, ne kawotaa araatan kawoyiyo ne na7ai ta sunttaayyo Beeta Maqidasiyaa keexxana' giidoogaadankka, taani GODAA ta Xoossaa sunttaayyo Beeta Maqidasiyaa keexxanau halchchaas.

Mazamure Maxaafaa 106:28

Hegaappe guyyiyan, eti Pa7ooran de7iya Ba7aala eeqaayyo goinniyaageetuura issippe gaittidosona; shemppoi bainna eeqatuyyo yarshshettida yarshshuwaa miidosona.

Mazamure Maxaafaa 119:106

Ne xillo pirddaadan de7anau, taani caaqqido caaquwaa minttana.

Mazamure Maxaafaa 119:115

Taani ta Xoossaa azazuwaa naagana mala, inttenoo, iitabaa oottiyaageetoo, taappe haakkite!

Mazamure Maxaafaa 141:4

Moorobaa oottiya asatuura iita oosuwaa oottenna mala, ta wozanaa iitabaakko zaaroppa. Eta yarshshuwaa gibiraakka tana mizoppa.

Leemiso Maxaafaa 23:3

I nena paaccanau danddayiyo gishshau, aadhdhida mal77o qumau yiiqetoppa.

Daaneela 1:5

Qassi eti hachchi hachchi maana qumainne uyana woiniyaa eessai kawuwaassi ka77ida kattaappenne ushshaappe gidanaadan, kawoi azaziis. Hegaadankka, heezzu laittaa loohidoogaappe guyyiyan, kawuwaa sintti shiiqidi, oosuwaa doommanaadan kuuyiis.

Daaneela 5:4

Eti he woine eessaa uyiiddi, worqqaappe biraappe, nahaasiyaappe, birataappe, mittaappenne shuchchaappe oosettida xoossata galatidosona.

Yesuusi Kiittidoogeetu Oosuwaa 11:23

Barnnaabaasi Anxxookiyaa biido wode, Xoossaa aaro kehatettaa oosuwaa be7idi ufaittiis; eti ubbaikka Godan bantta kumetta wozanaappe minnidi de7anaadan, eta zoriis.

Yesuusi Kiittidoogeetu Oosuwaa 15:20

SHin eti eeqan tunidabaa meenna mala, shaaramuxenna mala, sulettida mehe asho meenna malanne suutta uyenna mala, etassi nuuni dabddaabbiyaa xaafanau koshshees.

Koiro Qoronttoosa 7:37

SHin asi ba wozanan minnikko, aikko baawa. Qassi bana naagidi, ba giigissido geela7iyo ekkennan agganaagaa, ooninne wolqqanttennan ba wozanan qofaa qachchidabaa gidikko loittiis.

Naa77antto Qoronttoosa 9:7

Xoossai ufaissan immiya uraa siiqiyo gishshau, qarettiiddi woi dosennan immiyoogaa gidennan, immiya urai huuphen huuphen ba wozanan qoppidobaa immo.

Zaarettido Wogaa 32:38

Eta yarshshuwaa modhdhuwaa miidaageeti, eta ushshaa yarshshuwaa woiniyaa eessaa uyidaageeti ha77i denddidi, ane eta maaddona; ane eta ashshona.